លោក គឹម រស្មីមេបញ្ជាការកងរាជអាវុធហត្ថខេត្តរតនគីរីដែលល្បីខាងកាងបទល្មើសព្រៃឈើជា យូរឆ្នាំមកហើយនោះ ត្រូវបានលុបឈ្មោះចេញពីក្របខណ្ឌ នៃកងយោធពលខេមរភូមិន្ទជាផ្លូវការ ហើយ។ នេះបើយោងតាមព្រះរាជក្រឹត្យចុះថ្ងៃទី៩ ខែកុម្ភៈ ឆ្នាំ២០១៩ ដែលឡាយព្រះហត្ថលេខា ដោយព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជា ណាចក្រកម្ពុជា។
បុរសខ្លាំង ហ៊ុន សែន នាយករដ្ឋមន្ត្រី
បានសរសេរនៅក្នុងផេកហ្វេសប៊ុកយ៉ាងដូច្នេះថា “នេះគឺជាការវះកាត់ប្រកបដោយការឈឺចាប់។
នេះជាអភិក្រមទី៥គឺការវះកាត់”។
ការលុបឈ្មោះលោកឧត្តមសេនីយ៍ត្រី
គីម រស្មី ចេញពីក្របខណ្ឌ នៃកងយោធពលខេមរភូមិន្ទ គឺបន្ទាប់ពីវិដេអូនៃពិធីខួបកំណើតរបស់ក្រុមគ្រួសារលោក
គីម រស្មី ត្រូវបានបង្ហោះចែកចាយនៅលើបណ្តាញសង្គមហ្វេសប៊ុក។ ដោយក្នុងវីដេអូនោះ
គេឃើញលោក គីម រស្មី និយាយនៅលើឆាក ដោយអួតពីទ្រព្យសម្បត្តិលុយកាក់របស់ខ្លួននិងជាពិសេសបានប្រកាសឲ្យលុយដល់កូនប្រុស
ស្រី របស់ខ្លួនចំនួន៥នាក់ ក្នុងម្នាក់ ១០ម៉ឺនដុល្លារ សរុបទាំងអស់កន្លះលានដុល្លារ។
ហេតុនេះ អ្នកលេងបណ្តាញសង្គមបានរិះគន់ និងវាយប្រហារយ៉ាងខ្លាំងលើលោកគីម
រស្មី និងបានចោទសួរថា តើលោកគីម រស្មី បានលុយមកពីណា?
ហើយមានការដាក់ការសង្ស័យថា លោកគីម រស្មី អាចពាក់ ព័ន្ធនឹងការប្រព្រឹត្តអំពើពុករលួយ
និងពាក់ព័ន្ធករណីបទល្មើសព្រៃឈើផងដែរ។
ជាមួយគ្នានេះ
ក៏មានការទាមទារអោយអង្គភាពប្រឆាំងអំពើពុករលួយស៊ើបអង្កេតលើករណីលោក គីម
រស្មី ថែមទៀតផង។
នៅពេលនេះ សារព័ត៌មានជាតិខ្មែរមិនអាចទាក់ទងលោក គឹម រស្មី ដើម្បីសាកសួរពីអារម្មណ៏ ក្រោយពីត្រូវបានបណ្តេញចេញពីជួរកងរាជអាវុធហត្ថនេះបានទេ៕
នៅពេលនេះ សារព័ត៌មានជាតិខ្មែរមិនអាចទាក់ទងលោក គឹម រស្មី ដើម្បីសាកសួរពីអារម្មណ៏ ក្រោយពីត្រូវបានបណ្តេញចេញពីជួរកងរាជអាវុធហត្ថនេះបានទេ៕
0 comments:
Post a Comment