ការសម្រេចនេះ
គឺជាជោគជ័យរបស់បក្សប្រឆាំងដ៏ធំធេងមួយនៅក្នុងជម្លោះនយោបាយកម្ពុជា បច្ចុប្បន្ន។
កិច្ចព្រមព្រៀងអនុគ្រោះពន្ធ ឬ EBA
(Everything But Arms) ជាកិច្ចព្រមព្រៀងដែលសហភាពអឺរ៉ុប
បានផ្តល់ឲ្យកម្ពុជា និងប្រទេសអភិវឌ្ឍន៍តិចតួចផ្សេងទៀត នូវឱកាសនាំគ្រប់ផលិតផលទាំងអស់
(លើកលែងតែអាវុធ) ចូលទៅក្នុងទីផ្សាររួមតែមួយរបស់សហភាពអឺរ៉ុប ដោយមិនជាប់ពន្ធគយ
និងមិនជាប់កូតា។
សូមជំរាបថាកាលពីថ្ងៃទី១១ ខែតុលា
ឆ្នាំ២០១៨កន្លងមក ក្រសួងការបរទេសកម្ពុជា បានចេញ សេចក្តីថ្លែងការណ៍ដ៏ពិសេសមួយឆ្លើយតបទៅនឹងសហភាពអឺរ៉ុប
ស្តីពីការអនុគ្រោះពន្ធគ្រប់មុខ ទំនិញលើកលែងតែសព្វាវុធ (EBA)
សម្រាប់ទំនិញរបស់កម្ពុជា
ហើយបានចាត់ទុកជាការសម្រេច ដ៏អយុត្តិធម៌បំផុត។
រាជរដ្ឋាភិបាលកម្ពុជា
ចាត់ទុកការសម្រេចចិត្តនេះ ថាជាភាពអយុត្តិធម៌បំផុត ព្រោះនេះបង្ហាញឲ្យ ឃើញថា
សហភាពអ៊ឺរ៉ុបបាន បដិសេធដោយចំហរ អំពីវឌ្ឍនភាពគួរឲ្យកត់សម្គាល់ដែលប្រទេស
កម្ពុជាសម្រេចបាន ទោះបីរងគ្រោះដោយសោកនាដកម្មកន្លងមកថ្មីៗនេះយ៉ាងណាក៏ដោយ ក្នុង ការអនុវត្តអនុសញ្ញាអន្តរជាតិជាច្រើន
ដែលត្រូវបានផ្សារភ្ជាប់នឹងកម្មវិធីនេះ ជាពិសេសនៅក្នុង វិស័យសិទ្ធិការងារ និងសិទ្ធិដីធ្លី។
រាជរដ្ឋាភិបាលសោកស្តាយយ៉ាងខ្លាំង ចំពោះការចោទប្រកាន់យ៉ាងធ្ងន់ធ្ងរប្រឆាំងនឹង រាជរដ្ឋាភិបាល
ដោយឈរលើមូលដ្ឋាននៃរបាយការណ៍បេសកកម្មរបស់សហភាពអឺរ៉ុប កាលពីខែ កក្កដាកន្លងទៅ។ រាជរដ្ឋាភិបាលមានការខកចិត្តចំពោះកង្វះតម្លាភាពរបស់សហភាពអឺរ៉ុប
ដែល មិនបានបង្ហាញនូវខ្លឹមសារនៃរបាយការណ៍នោះ ដែលសហភាពអឺរ៉ុបបានយកធ្វើជាមូលដ្ឋាន នៃសេចក្តីសម្រេចចិត្តលំអៀងរបស់ខ្លួន។
ទោះបីជាយ៉ាងណា សហភាពអឺរ៉ុបនៅតែមិនអនុវត្តតាមសេចក្តីថ្លែងការណ៏របស់រាជរដ្ឋាភិបាល កម្ពុជានោះទេ ហើយនៅថ្ងៃនេះក៏សម្រេចអនុវត្តនីតិវិធីការផ្អាកប្រព័ន្ធEBAនេះតែម្តង៕
ទោះបីជាយ៉ាងណា សហភាពអឺរ៉ុបនៅតែមិនអនុវត្តតាមសេចក្តីថ្លែងការណ៏របស់រាជរដ្ឋាភិបាល កម្ពុជានោះទេ ហើយនៅថ្ងៃនេះក៏សម្រេចអនុវត្តនីតិវិធីការផ្អាកប្រព័ន្ធEBAនេះតែម្តង៕
0 comments:
Post a Comment