មន្ត្រីជាន់ខ្ពស់កម្ពុជានិងវៀតណាម បានច្រានចោលការលើក ឡើងរបស់នាយករដ្ឋមន្រ្តីសឹង្ហបុរី ដែលថា
វៀតណាមបានឈ្លានពានកម្ពុជានៅឆ្នាំ១៩៧៩។
អ្នកនាំពាក្យក្រសួងការបរទេសវៀតណាម
លោកស្រី Le Thi Thu Hang ថា អ្វីដែលនាយករដ្ឋមន្រ្តីសឹង្ហបុរី
លោក Lee Hsien Loong អះអាងមិនបានឆ្លុះបញ្ចាំងពីសច្ចភាពនៃប្រវត្តិសាស្រ្តនោះទេ។
តាមការចុះផ្សាយរបស់សារព័ត៌មាន VN Express របស់វៀតណាម
លោកស្រី Le Thi Thu Hang បានបញ្ជាក់ថា ការរួមចំណែក និងការលះបង់របស់វៀតណាមក្នុងការជួយប្រជាជនកម្ពុជា
ដើម្បី បញ្ចប់របបប្រល័យពូជសាសន៍ខ្មែរក្រហម គឺជារឿងពិតដែលគេទទួលស្គាល់យ៉ាងទូលំទូលាយ។
បើតាមអ្នកនាំពាក្យក្រសួងការបរទេសវៀតណាមរូបនេះ
ភាគីវៀតណាមបានជជែកពីបញ្ហានេះជាមួយក្រសួងការបរទេសសឹង្ហបុរីរួចហើយ។
នាយករដ្ឋមន្រ្តីសឹង្ហបុរី លោក Lee
Hsien Loong បានសរសេរសាររំលែកទុក្ខនៃការស្លាប់របស់អតីតនាយករដ្ឋមន្រ្តីថៃ
លោក Prem Tinsulanonda លើទំព័រហ្វេសប៊ុករបស់លោកកាលពីថ្ងៃទី៣១
ខែឧសភា កន្លងទៅ។ ក្នុងសារនោះ លោក Lee Hsien Loong បានរម្លឹកដល់វីរភាពរបស់លោក
Prem Tinsulanonda ដែលថា ហ៊ានប្រឈមនឹងវៀតណាម នៅពេលដែលវៀតណាមធ្វើសង្គ្រាមឈ្លានពានកម្ពុជា
និងបានរក្សាសន្តិសុខតំបន់ចាប់ពីពេលនោះមក។ ជាការឆ្លើយតបកូនប្រុស របស់ខ្លាំង ហ៊ុន
សែន គឺ លោក ហ៊ុន ម៉ានី កាលពីថ្ងៃសុក្រសប្តាហ៍មុន បានអះអាងថា លោក Lee
Hsien Loong លើកឡើងតែជ្រុងមួយនៃប្រវត្តិសាស្ត្រ ដោយបានបំភ្លេចពីការឈឺចាប់របស់ប្រជាជនខ្មែររាប់លាននាក់ក្រោមការដឹកនាំរបស់ខ្មែរក្រហម។
រីឯរដ្ឋមន្រ្តីការពារជាតិកម្ពុជា
លោក ទៀ បាញ់ បានប្រតិកម្មថាការលើកឡើងរបស់មេដឹកនាំសឹង្ហបុរីមិនត្រឹមត្រូវតាមប្រវត្តិសាស្រ្ត
នោះទេ។
ចំណែកពលរដ្ឋខ្មែរសាមញ្ញៗដែលជាអ្នកលេងហ្វេសប៊ុកហាក់ បីដូចជាគាំទ្រការលើកឡើងរបស់ លោក Lee Hsien Loong ទៅវិញ៕
ចំណែកពលរដ្ឋខ្មែរសាមញ្ញៗដែលជាអ្នកលេងហ្វេសប៊ុកហាក់ បីដូចជាគាំទ្រការលើកឡើងរបស់ លោក Lee Hsien Loong ទៅវិញ៕
0 comments:
Post a Comment