ក្រសួងការងារ និងបណ្តុះបណ្តាលវិជ្ជាជីវៈ បានប្រកាសឈប់ទទួលស្គាល់វិទ្យាស្ថានរបស់ចិនមួយ
ដែល មានទីតាំងស្ថិតនៅអគារ SUN TOWN ក្នុងសង្កាត់អូរបែកក្អម
ខណ្ឌសែនសុខ រាជធានីភ្នំពេញ បន្ទាប់ពីសមត្ថកិច្ចកម្ពុជាចាប់ខ្លួនជនជាតិចិន
១០៥នាក់នៅក្នុងអគារពាណិជ្ជកម្មនោះ។
ក្នុងសេចក្តីប្រកាសព័ត៌មានចុះថ្ងៃទី១០
ខែកញ្ញា ក្រសួងការងារ បានជូនដំណឹងទៅសាធារណជន សិក្ខាកាម សិស្សនិស្សិត ដោយបញ្ជាក់ថា
ក្រសួងសម្រេចឈប់ទទួលស្គាល់វិទ្យាស្ថានអ៊ិនសែល ប៉ូលីធាន (EXCELPOLITAN
INSTITUTE)។
ក្រសួងការងារបានសម្រេចបែបនេះ
ដោយលើកឡើងថា វិទ្យាស្ថានមួយនេះមិនអនុវត្តតាមស្មារតី ប្រកាសដែលក្រសួងបានអនុញ្ញាតឲ្យធ្វើការបណ្តុះបណ្តាល។
ក្រសួងការងារ
និងបណ្តុះបណ្តាលវិជ្ជាជីវៈ បញ្ជាក់បន្ថែមថា រហូត មកដល់ពេលនេះ វិទ្យាស្ថាន នោះ
មិនទានបានធ្វើការ បណ្តុះបណ្តាល នៅឡើយទេ។
ការប្រកាសរបស់ក្រសួងការងារឈប់ទទួលស្គាល់វិទ្យាស្ថាន
EXCELPOLITAN នេះ ធ្វើឡើងបន្ទាប់ពី សមត្ថកិច្ចកម្ពុជា
ចាប់ខ្លួនជនជាតិចិន ១០៥នាក់នៅក្នុងអគារពាណិជ្ជកម្ម SUN TOWN កាលពីថ្ងៃ ទី៩ ខែកញ្ញា ដោយសង្ស័យថា ជាប់ពាក់ព័ន្ធនឹងសកម្មភាពចាប់ជំរិតមនុស្សតាមប្រព័ន្ធអ៊ីនធឺណិត
(VOIP)៕
0 comments:
Post a Comment