(ភ្នំពេញ)៖ លោក ហ៊ុន សែន នាយករដ្ឋមន្ត្រី នៃកម្ពុជា នៅថ្ងៃទី ២៣ ខែវិច្ឆិកា ឆ្នាំ២០១៩នេះ បានប្រកាសលុបចោលដំណើរទៅប្រជុំអាស៊ាន-កូរ៉េ និងមេគង្គ-កូរ៉េ នៅទីក្រុងប៊ូសាន នៃ សាធារណរដ្ឋកូរ៉េ ដោយសារជំងឺម្តាយក្មេករបស់លោកស្ថិតនៅក្នុងស្ថានភាពសង្រ្គោះបន្ទាន់។
នៅតាម Facebook របស់លោកនារសៀលថ្ងៃទី២៣ ខែវិច្ឆិកា ឆ្នាំ២០១៩នេះ លោក ហ៊ុន សែន បានមានប្រសាសន៍ថា៖ «ពេលនេះ ខ្ញុំកំពុងស្ថិតក្នុងស្ថានភាពដ៏លំបាក ដោយសារម្តាយក្មេកជាទី គោរពស្រឡាញ់របស់ខ្ញុំកំពុងស្ថិតនៅសង្រ្គោះបន្ទាន់នឹងពិនិត្យឃើញថា ពិបាកនឹងសង្រ្គោះបាន។ ហេតុការណ៍នេះបានកើតឡើងចំពេលដែលខ្ញុំត្រៀមចាកចេញ ទៅប្រជុំអាស៊ាន-កូរ៉េ, មេគង្គ-កូរ៉េ នៅទីក្រុងប៊ូសាននៃសាធារណរដ្ឋកូរ៉េ។
លោកបន្តទៀតថា«ខ្ញុំក៏សូមការយោគយល់ពីសំណាក់បងប្អូនខ្មែរដែលជានិស្សិត ជាពលករ ជាអាជីវករ និងបងប្អូនដែល មានគ្រួសារជាជនជាតិកូរ៉េដែលត្រៀមខ្លួនមកទទួល និងសំណេះ សំណាលជាមួយខ្ញុំនៅល្ងាច ថ្ងៃទី ២៤ វិច្ឆិកា២០១៩»។
លោកហ៊ុន សែនក៏សុំការយោគយល់សម្រាប់កម្មវិធីការងារ មួយចំនួនផ្សេងទៀតដែលនឹងត្រូវ លប់ចោល ដើម្បីផ្តល់លទ្ធភាពឱ្យខ្ញុំរួមជាមួយភរិយា និងក្រុមគ្រួសារដើម្បីធ្វើបុណ្យជូនអ្នកមាន គុណដែលជាការជូនដំណើរ ចុងក្រោយដែលគ្មានថ្ងៃវឹលត្រឡប់សម្រាប់អ្នកម្តាយជាទីគោរព ស្រឡាញ់៕
0 comments:
Post a Comment