.jpg)
យុវជនគង់ រ៉ៃយ៉ា ត្រូវបានសាលាដំបូងរាជធានីភ្នំពេញសម្រេចឱ្យដោះលែងនៅក្រៅឃុំជា
បណ្ដោះអាសន្ន
នៅព្រឹកថ្ងៃទី២៩ ខែវិច្ឆិកានេះហើយ។ តែមិនទាន់ទម្លាក់បទចោទនៅឡើយទេ។
ការដោះលែងឱ្យនៅក្រៅឃុំជាបណ្ដោះអាសន្ន លោក គង់ រ៉ៃយ៉ា ត្រូវបានដាក់ឱ្យឋិតនៅក្រោមលក្ខខណ្ឌមួយចំនួនរបស់តុលាការ។ លក្ខខណ្ឌទាំងនោះមានដូចជា មិនឲ្យចាកចេញពីប្រទេស ត្រូវបង្ហាញខ្លួននៅមុខតុលាការជារៀងរាល់ខែ មិនឱ្យចូលរួមធ្វើសកម្មភាព និងបណ្ដាញសកម្មភាពក្នុងសង្គម និងត្រូវសហការជាមួយតុលាការ។
ការដោះលែងឱ្យនៅក្រៅឃុំបណ្ដោះអាសន្ននេះ
ប្រកាសដោយអ្នកស្រី អ៊ុក រ៉េតគន្ធា ចៅក្រមសាលាដំបូងរាជធានីភ្នំពេញ
ដែលជាលទ្ធផលពីសវនាការលើសំណើសុំនៅក្រៅឃុំជុំទីពីររបស់លោក គង់ រ៉ៃយ៉ា
កាលពីថ្ងៃទី២៦ ខែវិច្ឆិកា។ការដោះលែងឱ្យនៅក្រៅឃុំជាបណ្ដោះអាសន្ន លោក គង់ រ៉ៃយ៉ា ត្រូវបានដាក់ឱ្យឋិតនៅក្រោមលក្ខខណ្ឌមួយចំនួនរបស់តុលាការ។ លក្ខខណ្ឌទាំងនោះមានដូចជា មិនឲ្យចាកចេញពីប្រទេស ត្រូវបង្ហាញខ្លួននៅមុខតុលាការជារៀងរាល់ខែ មិនឱ្យចូលរួមធ្វើសកម្មភាព និងបណ្ដាញសកម្មភាពក្នុងសង្គម និងត្រូវសហការជាមួយតុលាការ។
នៅក្នុងពេលធ្វើសវនាការ លោក គង់ រ៉ៃយ៉ា ប្រាប់តុលាការថា មូលហេតុដែលលោកត្រូវការរស់នៅក្រៅឃុំបណ្ដោះអាសន្ន ព្រោះលោកឈឺឆ្អឹងខ្នង និងមានជំងឺក្រពះ ហើយជានិស្សិតត្រូវការបន្តការសិក្សាផង និងត្រូវរកស៊ីចិញ្ចឹម និងថែរក្សាម្ដាយមេម៉ាយចាស់ជរា ព្រមទាំងភរិយា និងកូនស្រីដែលនៅតូចនៅឡើយ។
គិតមកដល់ពេលនេះ ខាងអាជ្ញាធរពន្ធនាគារនៅមិនទាន់បញ្ចេញលោក គង់រ៉ៃយ៉ា ពីពន្ធនាគារនៅឡើយទេ។
នៅពេលនេះសារព័ត៌មានជាតិខ្មែរ មិនទាន់អាចទាក់ទងយុវជនគង់ រ៉ៃយ៉ាបានទេ ដោយលោក កំពុងស្ថិតនៅក្នុងពន្ធនាគារ នៅឡើយនាវេលាថ្ងៃត្រង់នេះ៕
0 comments:
Post a Comment