.jpg)
ស៊ីប្រឺសនៅពេលខាងមុខ។
ក្នុងរបាយការណ៍ថ្មី
ដែលបានចុះផ្សាយនេះ ក៏មានរដ្ឋមន្ត្រីសេដ្ឋកិច្ច និងហិរញ្ញវត្ថុ
និងមេប៉ូលិសជាតិកម្ពុជា ស្ថិតក្នុងចំណោមអ្នក នឹងបាត់បង់សញ្ជាតិស៊ីប្រឺសនេះដែរ។
ដូចអ្វីដែលទីភ្នាក់ងារ
Reuters ស៊ើបអង្កេត កាលពីខែតុលា ជនជាតិកម្ពុជា៨នាក់ដែលស្ថិតនៅក្នុងបញ្ជីនោះ
គឺជាមន្ត្រីជាន់ខ្ពស់ និងក្រុមគ្រួសារដែលស្និទ្ធនឹងមេដឹកនាំកម្ពុជា
លោកហ៊ុន សែន។ តាមការចុះផ្សាយរបស់កាសែតក្នុងស្រុកស៊ីប្រឺស Daily
Politics អ្នកទាំងនោះ គឺរួមមានលោករដ្ឋមន្ត្រីក្រសួងសេដ្ឋកិច្ច
និងហិរញ្ញវត្ថុ អូន ព័ន្ធមុនីរ័ត្ន និងភរិយា, ក្មួយស្រីលោកនាយករដ្ឋមន្ត្រី
ហ៊ុន សែន គឺលោកស្រី ហ៊ុន គីមឡេង និងស្វាមីលោកស្រី គឺលោកឧត្ដមសេនីយ៍ នេត
សាវឿន អគ្គស្នងការប៉ូលិសជាតិ ព្រមទាំងកូនស្រី, និងលោក
ឡៅ ម៉េងឃីន សមាជិកព្រឹទ្ធសមាជិក និង
ជាអ្នកជំនួញដ៏ល្បីឈ្មោះមួយរូប និងភរិយារបស់លោក។
ក្រៅពីអ្នកទាំង៨នាក់នេះ លោក Jho
Taek Low ដែលទទួល បានលិខិតឆ្លងដែនស៊ីប្រឺស ក្នុងឆ្នាំ២០១៥ និងជាអ្នកដែលប៉ូលិសម៉ាឡេស៊ីតាមប្រមាញ់ក្នុងសំណុំរឿង
1MDB ពាក់ព័ន្ធនឹងឧក្រិដ្ឋកម្មហិរញ្ញវត្ថុ ក៏ស្ថិតក្នុងបញ្ជីឈ្មោះនេះផងដែរ។
អ្នកជំនួញរុស្ស៊ី Oleg Deripaska ដែលបច្ចុប្បន្នរងទណ្ឌកម្មអាមេរិក
និងមហាសេដ្ឋីកេនយ៉ាប្រាក់ពាន់លានដុល្លារ ឈ្មោះ Humphrey Kaiuki ដែលរងបទចោទប្រកាន់នៅប្រទេសលោកពាក់ព័ន្ធរកស៊ីគេចពន្ធ ក៏ស្ថិតក្នុងបញ្ជីឈ្មោះនេះដែរ។
ជនជាតិចិនម្នាក់ ឈ្មោះថា Zhang Shumin ដែលត្រូវបានរាយការណ៍ពាក់ព័ន្ធនឹងការបោកប្រាស់យកមាស
ព្រមទាំងភរិយា និងកូនបីនាក់ ក៏មានឈ្មោះក្នុងបញ្ជីនឹងដកហូតសញ្ជាតិស៊ីប្រឺសនេះដែរ។
ការទម្លាយឈ្មោះនេះ
ធ្វើឡើងក្រោយរដ្ឋាភិបាលស៊ីប្រឺស កាលពីដើមខែវិច្ឆិកានេះ បានប្រកាសចាប់ផ្តើមដំណើរការដកហូតសញ្ជាតិបុគ្គល២៦នាក់
ដែលពួកគេទទួលបានក្រោមកម្មវិធីទាក់ទាញវិនិយោគរបស់ជាតិ។ មែនទែនទៅ ការដកហូតសញ្ជាតិបែបនេះគឺជារឿងកម្របំផុត
ហើយសកម្មភាពរបស់រដ្ឋាភិបាលស៊ីប្រឺស នេះ កើតឡើងក្រោយពីអាជ្ញាធរខ្លួនបានបើកការស៊ើបអង្កេត
ក្រោយលេចធ្លាយរបាយការណ៍មួយ។ របាយការណ៍នោះគឺ ការស៊ើបអង្កេតរបស់ទីភ្នាក់ងារព័ត៌មាន
Reuters កាលពីពាក់កណ្ដាលខែតុលា ដែលបានបង្កើតជាសំណួរពាក់ព័ន្ធនឹងប្រសិទ្ធភាព
ដែលអាជ្ញាធរស៊ីប្រឺសត្រួតពិនិត្យល្អិតល្អន់ពីជីវប្រវត្តិរបស់បុគ្គលដែលត្រូវបានផ្តល់សញ្ជាតិ។
នៅក្នុងរបាយការណ៍នេះ
ក៏បានទម្លាយដែរថា សមាជិកគ្រួសារនិងមនុស្សជំនិតរបស់មេដឹកនាំកម្ពុជាលោក
ហ៊ុន សែន មានទ្រព្យសម្បត្តិនៅបរទេសដែលស្មើនឹង១០លានដុល្លារ ហើយអ្នក
ទាំងនោះបានប្រើប្រាស់ទ្រព្យសម្បត្តិពួកគេទិញសញ្ជាតិបរទេស។
បើតាមការស៊ើបអង្កេតរបស់ Reuters សាច់ញាតិ ឬជំនិតរបស់មេដឹកនាំកម្ពុជា៨នាក់ដែលក្នុងនោះគឺមានអគ្គស្នងការប៉ូលិសជាតិ
និងរដ្ឋមន្ត្រីហិរញ្ញវត្ថុ ទទួលបានសញ្ជាតិស៊ីប្រឺសក្នុងឆ្នាំ២០១៦ និង២០១៧។
សូមបញ្ជាក់ថា
ចំណុចពិសេសរបស់សញ្ជាតិស៊ីប្រឺស គឺថា
អ្នកកាន់លិខិតឆ្លងដែនស៊ីប្រឺសនឹងក្លាយជាសញ្ជាតិអ៊ឺរ៉ុប ហើយអាចធ្វើការ
និងធ្វើដំណើរដោយសេរីក្នុងប្លុកប្រទេសទាំង២៨នេះ។ បច្ចុប្បន្ន
លិខិតឆ្លងដែនស៊ីប្រឺស ជិត៤០០០ ត្រូវបានផ្តល់ឲ្យអ្នកវិនិយោគដែលបោះទុនវិនិយោគយ៉ាងតិច២,២លានដុល្លារ ក្រោមកម្មវិធីទាក់ទាញការវិនិយោគរបស់ប្រទេសស៊ីប្រឺសហើយរដ្ឋាភិបាលស៊ីប្រឺសរកលុយបានប្រមាណ
៧,៨ពាន់លានដុល្លារពីកម្មវិធីវិនិយោគនេះ គិតចាប់ពីដំណើរការកម្មវិធីក្នុងឆ្នាំ២០១៣មក។
សហភាពអឺរ៉ុប កាលពីខែមករា បានព្រមានប្រទេសស៊ីប្រឺសនិងប្រទេសផ្សេងទៀតថា ពួកគេត្រូវតែពង្រឹងនីតិវិធីសាកសួរជីវប្រវត្តិ
បន្ទាប់ពីមានការព្រួយបារម្ភថា ជនជាតិនៃប្រទេសទី៣ កំពុងប្រើប្រាស់កម្មវិធីទាក់ទងការវិនិយោគនេះក្នុងគោលដៅលាងលុយកខ្វក់
និងបំពានច្បាប់ពន្ធដារ៕
0 comments:
Post a Comment