បែកធ្លាយព័ត៌មានលោកហែម ដារិទ្ធ អភិបាល ខណ្ឌពោធិ៍សែនជ័យលក់ដីវត្តគោកបញ្ជាន់!

បន្ទាប់ពីបែកធ្លាយព័ត៌មានថា លោក ហែម ដារិទ្ធអភិបាលខណ្ឌ ពោធិ៍សែនជ័យលួចលក់ដីក្នុងវត្ត គោកបញ្ជាន់រួចមក លោកក៏បានចេញសារប្រតិកម្មឆ្លើយតបទៅកាន់អ្នកដែលចោទលោកថា បានលក់ដីវត្តគោកបញ្ជាន់។

នៅរសៀលថ្ងៃទី៣១ មករានេះ លោក ហែម ដារិទ្ធិ អភិបាលខណ្ឌពោធិ៍សែនជ័យបានលើកឡើង តាមបណ្ដាញសង្គមហ្វេសប៊ុកយ៉ាងដូច្នេះថា៖ខ្ញុំមិនខ្វល់ជាមួយអ្នកឯង សម្ខាន់ខ្ញុំមានភាពស្អាតស្អំ នៅក្នុងសង្គមបានហើយ, ខ្ញុំជាមន្រ្តីយ៉ាងមិចបងប្អូនដឹងហើយ!,ខ្ញុំស្រលាញ់ការងារខ្ញុំណាស់ ខ្ញុំមិនអាចយកកិត្តិយសរបស់ខ្ញុំទៅលក់ដីវត្ត នាំតែធ្លាក់ទៅជាប្រេតនោះទេ។

ថ្មីៗនេះ លោក ផែន វណ្ណៈ បានផ្សព្វផ្យាយព័ត៌មាននេះតាមហ្វេសប៊ុករបស់លោកថា លោកហែម ដារិទ្ធបានលួចលក់ដីវត្តគោកបញ្ជាន់នៅក្នុងខណ្ឌរបស់ខ្លួនគ្រប់គ្រង។

ភ្លាមៗនេះ ការិយាល័យព័ត៌មានកាសែតជាតិខ្មែរមិនអាចទាក់ទង លោក ហែម ដារិទ្ធដើម្បីសាក សួរពីករណីលក់ដីវត្តនេះបានទេ។

សូមលោកនាយករដ្ឋមន្ត្រី ហ៊ុន សែនតាមដានករណីលក់ដីវត្តនេះផង៕

Top of Form