គណៈកម្មាធិការអឺរ៉ុបបានស្នើ សុំឲ្យសមាជិករបស់ខ្លួនជួបជុំគ្នានៅចុងខែនេះ
ដើម្បីពិគ្រោះ យោបល់ លើការសម្រេច ក្នុងការព្យួរប្រព័ន្ធអនុគ្រោះពន្ធEBAពីកម្ពុជា។
ក៏ប៉ុន្តែបុរសខ្លាំងនៃកម្ពុជា នាយករដ្ឋមន្ត្រី ហ៊ុន សែនគូសបញ្ជាក់ នៅក្នុងដំណើរទស្សនកិច្ចនៅ ប្រទេសចិនថា «កម្ពុជាមិនយកអធិបតេយ្យរបស់ខ្លួនទៅប្តូរនឹងទណ្ឌកម្មសេដ្ឋកិច្ចបរទេសនោះ ទេ»។
ក៏ប៉ុន្តែបុរសខ្លាំងនៃកម្ពុជា នាយករដ្ឋមន្ត្រី ហ៊ុន សែនគូសបញ្ជាក់ នៅក្នុងដំណើរទស្សនកិច្ចនៅ ប្រទេសចិនថា «កម្ពុជាមិនយកអធិបតេយ្យរបស់ខ្លួនទៅប្តូរនឹងទណ្ឌកម្មសេដ្ឋកិច្ចបរទេសនោះ ទេ»។
សារព័ត៌មាន Bloomberg ដែលមានមូលដ្ឋាននៅទីក្រុងញូវយ៉ក
សហរដ្ឋអាមេរិក បានចុះផ្សាយ កាលពីម្សិលមិញ
ដោយបានដកស្រង់សម្ដីមន្ដ្រីរបស់សហភាពអឺរ៉ុប២រូប ដែលសុំមិនបញ្ចេញ ឈ្មោះ មកចុះផ្សាយថា
គណៈកម្មាធិការអឺរ៉ុប នៅទីក្រុងព្រុចស៊ែល
ប្រទេសប៊ែលហ្សិច
បានស្នើ សុំបណ្ដារដ្ឋាភិបាលដែលជាសមាជិករបស់សហភាពអឺរ៉ុប ឲ្យផ្ដល់ភ្លើងខៀវ
ពាក់ព័ន្ធបញ្ហាព្យួរ ប្រព័ន្ធអនុគ្រោះពីកម្ពុជា នៅត្រឹមថ្ងៃទី២៩ខែមករា។
សារព័ត៌មាន Bloomberg ចុះផ្សាយទៀតថា បើទោះបីជាមានការយល់ព្រមពីសមាជិកក៏ដោយ
ប៉ុន្ដែ ការសម្រេចចុងក្រោយ
គឺស្ថិតនៅលើគណៈកម្មាធិការអឺរ៉ុបដដែល ដែលមានរយៈពេល១២ខែ សម្រាប់ដំណើរការដកហូតប្រព័ន្ធអនុគ្រោះពន្ធនេះ។
ការស្នើសុំសេចក្ដីសម្រេចចិត្តពីបណ្ដាប្រទេសជាសមាជិកនេះ គឺធ្វើឡើងបន្ទាប់ពីស្នងការនៃ គណៈកម្មការអឺរ៉ុបទទួលបន្ទុកផ្នែកពាណិជ្ជកម្ម លោកស្រី
សេស៊ីលីយ៉ា ម៉ាលស្ត្រុម បានជួប ពិភាក្សាជាមួយរដ្ឋមន្ត្រីក្រសួងការបរទេសកម្ពុជា លោក
ប្រាក់ សុខុន កាលពីថ្ងៃទី២១
មករាកន្លង ទៅ នៅទីក្រុងព្រុចស៊ែល ប្រទេសប៊ែលហ្សិច៕
0 comments:
Post a Comment