អង្គការការពារសិទ្ធិមនុស្សលីកាដូ
និងសមាគមធាងត្នោត ត្រូវបានអង្គភាពអ្នកនាំពាក្យរដ្ឋាភិបាលកោះអញ្ចើញជាថ្មីម្ដងទៀត
ឱ្យទៅចូលរួមប្រជុំចង្អៀត ឬប្រជុំបិទទ្វារមួយនៅថ្ងៃពុធនេះ បន្ទាប់ពីគេបានចេញរបាយការណ៍និយាយអំពីអន្ទាក់បំណុលរបស់មីក្រូហិរញ្ញវត្ថុ។
ចំណែកឯអង្គការតម្លាភាពអន្តរជាតិកម្ពុជា
ត្រូវបានអង្គភាពអ្នកនាំពាក្យរដ្ឋាភិបាល ចេញលិខិតអញ្ចើញឱ្យចូលរួមក្នុងកិច្ចប្រជុំចង្អៀតនៅថ្ងៃពុធនេះផងដែរ
បន្ទាប់ពីនាយកប្រតិបត្តិ លោក ព្រាប កុល បានផ្ដល់សម្ភាសនៅលើទស្សនាវដ្ដី Southeast
Asia Globe កាលពីខែសីហាកន្លងមក។
ទាក់ទងនឹងការអញ្ជើញលើកទីពីរនេះ នាយករងនៃអង្គការលីកាដូ
លោក អំ សំអាត បានឱ្យដឹងថា លោកនឹងមិនទៅចូលរួមកិច្ចប្រជុំនៅឯទីស្ដីការគណៈរដ្ឋមន្ត្រីជាថ្មីទៀតនោះឡើយនៅថ្ងៃពុធនេះ
ដោយលោកថា គណៈគ្រប់គ្រងអង្គការរបស់លោក បានសម្រេចតម្កល់តាមស្មារតីនៃកិច្ចប្រជុំលើកទី១
រវាងមន្ត្រីតំណាងអង្គការលីកាដូ និងអង្គភាពអ្នកនាំពាក្យរដ្ឋាភិបាល។
លោក អំ សំអាត ប្រាប់ថា៖ «ការអញ្ជើញហ្នឹងល្អសម្រាប់កិច្ចសហប្រតិបត្តិការណ៍ ក៏ប៉ុន្តែ
បើការ អញ្ជើញនោះផ្តោតទៅលើការចេញរបាយការណ៍ និងការផ្តល់ព័ត៌មានទៅអ្នកសារព័ត៌មាន យើង បារម្ភក្នុងនាមសង្គមស៊ីវិលហ្នឹង
បារម្ភខ្លាចសារធារណៈជន និងសារធារណៈមតិជាតិហ្នឹង គេយល់ ឃើញផ្លូវផ្សេងទៅវិញ»។
លោក សឿង សារ៉ន
នាយកប្រតិបត្តិសមាគមធាងត្នោត ដែលបានចេញរបាយការណ៍រួមគ្នាជា មួយអង្គការលីកាដូនោះ
ក៏បានបញ្ជាក់ថា លោកនឹងមិនចូលរួមកិច្ចប្រជុំបិទទ្វារទៅតាមការអញ្ចើញពីអង្គភាពអ្នកនាំពាក្យរដ្ឋាភិបាលផងដែរ
ដោយលោកថា ផ្អែកលើហេតុផលតែមួយដូចលីកាដូ ដែរ។
លោក សឿង សារ៉ន បានពន្យល់បន្ថែមថា៖ «ក្នុងសង្គមប្រជាធិបតេយ្យ តាមពិតដូចដៃគូរបស់ យើងបានប្រាប់ហើយ
សង្គមប្រជាធិបតេយ្យ សិទ្ធសេរីភាពក្នុងការបញ្ចេញមតិ ក៏ដូចជាសម្តេច ក្រឡាហោម
លោកបានលើកឡើងអីចឹង ស្វាគមន៍នូវការបញ្ចេញមតិគ្រប់ជ្រុងជ្រោយពីគ្រប់ភាគី ទាំងអស់ ដើម្បីលើកកម្ពស់លទ្ធិប្រជាធិបតេយ្យ។
អីចឹង ខ្ញុំគិតថា វាជាសិទ្ធសេរីភាពមួយ នៃការ បញ្ចេញមតិរបស់យើង
គ្រប់ភាគីពាក់ពន្ធទាំងអស់»។
ចំណែកឯនាយកប្រតិបត្តិអង្គការតម្លាភាពកម្ពុជា
លោក ព្រាប កុល បានបញ្ជាក់តាមបណ្ដាញសង្គមហ្វេសប៊ុកកាលពីចុងសប្ដាហ៍កន្លងមកថា
លោកនឹងមិនអាចចូលរួមកិច្ចប្រជុំនេះបានឡើយ ដោយសារលោកស្ថិតក្នុងដំណើរបេសកកម្មនៅតំបន់អឺរ៉ុប។
លោក ព្រាប កុល
បានរៀបរាប់លើបណ្តាញទំនាក់ទំនងសង្គមថា៖ «ការិយាល័យអង្គការតម្លាភាព នៅកម្ពុជា បានទទួលលិខិតរបស់អ្នកនាំពាក្យរដ្ឋាភិបាលរួចហើយ។
យើងខ្ញុំសូមថ្លែអំណរគុណចំពោះការអញ្ជើញនេះ។ ដោយហេតុថា ខ្ញុំកំពុងជាប់រវល់បំពេញ បេសកម្មអន្តរជាតិនៅទ្វីបអឺរ៉ុប
ខ្ញុំមិនអាចចូលរួមប្រជុំតាមកាលវិភាគនៃការអញ្ជើញនេះបានទេ»។
លោក ផៃ ស៊ីផាន បានប្រាប់ថា លោកសោកស្តាយដែលស្ថាប័នសង្គមស៊ីវិលបដិសេធការចូលរួម កិច្ចពិភាក្សានេះ
ប៉ុន្តែ លោកបញ្ជាក់ថា ស្ថាប័នរបស់លោកនឹងបន្តបញ្ជូនលិខិតអញ្ចើញជាបន្តបន្ទាប់ទៀតនាពេលខាងមុខ។
លោក ផៃ ស៊ីផានថា៖ «អាហ្នឹងគឺបង្ហាញអំពីកិច្ចមិនសហប្រតិបត្តិការណ៍ក្នុងភាពជាដៃគូ។
អាហ្នឹង យើងច្បាស់ណាស់ ទីមួយគាត់ យើងមិនចង់និយាយថា រហូតគ្រាន់តែជាអង្គការដែលរៀបចំ បម្រើនយោបាយបរទេសក្នុងការបំផ្លាញមុខមាត់
រឺការបំផ្លាញការខិតខំ រឺការបំផ្លាញភាពសុខសាន្ត របស់កម្ពុជាតែប៉ុណ្ណោះ»។
ការិយាល័យនិពន្ធសារព័ត៌មានជាតិខ្មែរយល់ថាលោក
ផៃ សុីផានគួរតែយកពេលវេលារបស់ខ្លួន ទៅចុះជួយពលរដ្ឋរងគ្រោះដោយសាទឹកជំនន់វាប្រសើរជាង៕
0 comments:
Post a Comment