គិតត្រឹមថ្ងៃព្រហស្បតិ៍នេះ តំបន់និងខេត្តទាំងអស់នៅក្នុងប្រទេសចិន សុទ្ធតែមានករណីឆ្លងវីរុស កូរ៉ូណាប្រភេទថ្មី ខណៈខេត្ត Hubei មានចំនួនច្រើនខ្លាំងជាងគេ ព្រោះទីក្រុង Wuhan ដែលប្រភព ដើមនៃការផ្ទុះវីរុសស្ថិតនៅទីនោះ។ បើតាមអាជ្ញាធរចិន អ្នកឆ្លងវីរុសកូរ៉ូណាថ្មី នៅចិនបានកើន ដល់៧,៧១១នាក់នាក់ និងបានផ្តាច់ជីវិតមនុស្ស១៧០នាក់ហើយនៅទីនោះ (មិនមានករណីអ្នក បាត់បង់ជីវិតនៅក្រៅ ប្រទេសឡើយ)។
ក្រៅពីការផ្អាកជើងហោះហើរជាមួយបណ្តាតំបន់រងការវាយប្រហារដោយវីរុសនៅចិន អាជ្ញាធរ អាកាសចរណ៍ស៊ីវិលវៀតណាម កំពុងតែបន្ត ការត្រួតពិនិត្យអ្នកដំណើរនានា ដែលចូលមកដល់ ប្រទេសវៀតណាម។ ករណីអ្នកផ្ទុកវីរុសកូរ៉ូណាប្រភេទថ្មី (2019-nCoV) នៅវៀតណាម នៅមិន ទាន់មានការកើនឡើងនោះឡើយ គឺនៅ០២ករណីដដែល ហើយសុទ្ធតែជាជនជាតិចិន ពុំមាន ជនជាតិវៀតណាមណាម្នាក់បានឆ្លង ទេ។
គួរជម្រាបថា គិតត្រឹមថ្ងៃពុធសប្តាហ៍នេះ វៀតណាមមានករណីសង្ស័យចំនួន៦៤នាក់ ដែលអ្នក ទាំងនោះបានបង្ហាញរោគសញ្ញាគ្រុនក្តៅ និង ក្អក ហើយសុទ្ធតែបានធ្វើដំណើរមកពីតំបន់ នៅប្រទេសចិន ដែលរងការវាយប្រហារដោយវីរុស។ ក្នុងចំណោមនោះ ៣៩នាក់ កំពុងបន្តស្ថិត ក្រោមការតាមដាន និងរង់ចាំលទ្ធផលធ្វើតេស្ត។ សម្រាប់ជនជាតិចិនទាំងពីរនាក់នៅវៀតណាម ដែលត្រូវបានពិនិត្យរកឃើញថា មានផ្ទុក វីរុសកូរ៉ូណាប្រភេទថ្មីនាពេលកន្លងទៅនេះ គឺម្នាក់ បានជាសះស្បើយវិញហើយ ខណៈម្នាក់ទៀតកំពុងបន្តទទួលការព្យាបាលនៅឡើយ។
ចំណែកនាយករដ្ឋមន្ត្រី ហ៊ុន សែនបានប្រកាសពីព្រឹកមិញថា កម្ពុជាមិនផ្អាកជើងហោះហើរពី ប្រទេសចិននោះទេ៕
ខាងក្រោមនេះគឺជាតួលេខតាមបណ្តាប្រទេស, ទីក្រុង និងកោះជុំវិញពិភពលោក ដែលឆ្លងមេរោគកូរ៉ូណាប្រភេទថ្មី៖
១៖ ប្រទេសចិន ឆ្លង ៧,៧១១នាក់ ក្នុងនោះស្លាប់ ១៧០នាក់
២៖ ថៃ ១៤ករណី
៣៖ ជប៉ុន ១១ករណី
៤៖ សិង្ហបុរី ១០ករណី
៥៖ ទីក្រុងហុងកុង ១០ករណី
៦៖ កោះតៃវ៉ាន់ ០៨ករណី
៧៖ ទីក្រុងម៉ាកាវ ០៧ករណី
៨៖ ម៉ាឡេស៊ី ០៧ករណី
៩៖ អូស្ត្រាលី ០៦ករណី
១០៖ សហរដ្ឋអាមេរិក ០៥ករណី
១១៖ បារាំង ០៥ករណី
១២៖ កូរ៉េខាងត្បូង ០៤ករណី
១៣៖ អេមីរ៉ាត់អារ៉ាប់រួម ០៤ករណី
១៤៖ អាល្លឺម៉ង់ ០៤ករណី
១៥៖ កាណាដា ០៣ករណី
១៦៖ វៀតណាម ០២ករណី
១៧៖ កម្ពុជា ០១ករណី
១៨៖ ស្រីលង្កា ០១ករណី
១៩៖ នេប៉ាល់ ០១ករណី
២០៖ ហ្វាំងឡង់ ០១ករណី
0 comments:
Post a Comment