.jpg)
លោក គល់ បញ្ញាទីប្រឹក្សាអង្គការខុមហ្វ្រែលបានចាត់ទុកករណីលោកនាយករដ្ឋមន្ត្រី ហ៊ុន សែន ដំឡើងតួនាទីកូនប្រុសដែលកាន់ការងារកងទ័ព ឱ្យមានតួនាទីកាន់តែខ្ពស់នៅក្នុងគណបក្សប្រជាជនកម្ពុជាគឺ«រំលោភលើច្បាប់កងទ័ព និងច្បាប់គណបក្សនយោបាយ»។
លោក គល់ បញ្ញា បានសរសេរសារលើបណ្តាញសង្គមនៅថ្ងៃនេះ ដោយភ្ជាប់ជាមួយលិខិតតែងតាំង លោក ហ៊ុន ម៉ាណែត ថា៖ «រំលោភច្បាប់កងយោធពលខេមរភូមិន្ទ និងច្បាប់គណបក្សនយោបាយ អំពីអព្យាក្រឹត្យភាព ឥតលំអៀងដាច់ខាត និងធ្វើឱ្យបាត់បង់កិត្យានុភាព( Credibility) នៃវិជ្ជាជីវៈកងទ័ព ដែលមេបញ្ជាការកងទ័ពរូបនេះ ធ្វើជាមន្ត្រីទទួលបន្ទុក និងបម្រើសកម្មភាពការងាររបស់គណបក្សមួយបែបនេះ»។
ក្រៅពីតួនាទីក្នុងគណបក្សប្រជាជនកម្ពុជា
លោក ហ៊ុន ម៉ាណែត ក៏មានតួនាទីធ្វើជាអគ្គមេបញ្ជាការរងនៃកងយោធពលខេមរភូមិន្ទ
និងជាមេបញ្ជាការកងទ័ពជើងគោកទៀតផង។
អ្នកវិភាគនយោបាយ លោក ឡៅ ម៉ុងហៃ
ហៅការដំឡើងឋានៈដល់លោក ហ៊ុន ម៉ាណែត ថា
ធ្វើឱ្យប៉ះពាល់ដល់អព្យាក្រឹត្យភាពកងទ័ព និងរំលោភរដ្ឋធម្មនុញ្ញ
ហើយធ្វើឱ្យប្រជាធិបតេយ្យនៅកម្ពុជាដើរថយក្រោយផងដែរ។
លោកមានប្រសាសន៍ថា៖ «ការរៀបចំអញ្ចឹង វាមិនមានប្រជាធិបតេយ្យអ្វីនោះទេ ហើយមួយទៀត
ប្រសិនបើតែងតាំងតែកូនចៅខ្លួនឯង
អ៊ីចឹងក៏ប៉ះពាល់ទៅដល់ប្រជាធិបតេយ្យក្នុងការជ្រើសរើសប្រជាពលរដ្ឋឱ្យទៅដឹកនាំប្រទេស»។
អ្នកនាំពាក្យគណបក្សប្រជាជនកម្ពុជា
លោក សុខ ឥសាន មានប្រសាសន៍ថា សេចក្ដីសម្រេចរបស់គណបក្សប្រជាជនកម្ពុជាត្រូវបានធ្វើឡើងតាមលក្ខណៈប្រជាធិបតេយ្យផ្ទៃក្នុងបក្ស
ដោយសារលោក ហ៊ុន ម៉ាណែត មានសមត្ថភាព
និងចំណេះដឹងគ្រប់គ្រាន់ក្នុងដំណែងថ្មីបន្ថែមនោះ។
លោក សុខ ឥសាន
បានឆ្លើយតបទៅអ្នករិះគន់ទាំងឡាយថា
ជាសកម្មភាពរបស់ក្រុមប្រឆាំងចង់បំបែកបំបាក់ផ្ទៃក្នុងបក្សកាន់អំណាច។
លោក សុខ ឥសាន ប្រាប់ថា៖ «អ្នកដែលប្រឆាំងដែលនិយាយល្អពីគណបក្សប្រជាជនពីកាលណាមក!
ជួនណាអត់មានបញ្ហាកើតមានផល បង្កើតបញ្ហាដើម្បីលាបពណ៌ឱ្យគណបក្សប្រជាជន
ក្នុងគោលបំណងបំបែកបំបាក់ផ្ទៃក្នុងរបស់គណបក្សប្រជាជនកម្ពុជា។ ទីពីរ ធ្វើឱ្យប្រជាពលរដ្ឋ
គាត់យល់ច្រឡំពីគណបក្សប្រជាជនកម្ពុជា ក៏ប៉ុន្តែ ក្នុងរយៈពេលជិត ៣០ឆ្នាំហើយ
ដែលក្រុមប្រឆាំងធ្វើនេះ សួរថា វាបានប្រយោជន៍អ្វីខ្លះ
វាអត់បានប្រយោជន៍អ្វីទេ គណបក្សប្រជាជននៅតែរឹងមាំ នៅតែទៅមុខ
ហើយកាន់អំណាចជាប់ជានិច្ច»។
លោក ហ៊ុន ម៉ាណែត អាយុ ៤២ឆ្នាំ
ក៏ជាសមាជិកមួយរូបក្នុងចំណោមសមាជិក ៣៤រូប
នៅក្នុងគណៈអចិន្ត្រៃយ៍នៃគណៈកម្មាធិការកណ្ដាលគណបក្សប្រជាជនកម្ពុជាផងដែរ។
ជាអ្នកបញ្ចប់ការសិក្សាពីបណ្ឌិតសភាយោធាអាមេរិក West
Point លោក ហ៊ុន ម៉ាណែត ត្រូវបានដំឡើងឋានន្តរសក្តិពីឧត្ដមសេនីយ៍ទោ
នៅឆ្នាំ២០១១ ក្នុងអាយុ ៣៤ឆ្នាំ ទៅជាឧត្ដមសេនីយ៍ឯកផ្កាយ៣ នៅក្នុងរយៈពេល
២ឆ្នាំក្រោយមក។
ក្នុងរយៈពេលមិនដល់ ១ខែផង
មុនការបោះឆ្នោតថ្នាក់ជាតិនៅខែកក្កដា ឆ្នាំ២០១៨ លោក ហ៊ុន ម៉ាណែត
ត្រូវបានដំឡើងទៅជាអគ្គមេបញ្ជាការរងកងទ័ព និងជាមេបញ្ជាការកងទ័ពជើងគោក
ដោយលោក ហ៊ុន សែនដកមេទ័ពជើងចាស់ចោលមាន លោក ប៉ុល សារឿន លោក គន់ គីម និងលោក មាស
សុភាហើយដាក់លោក ហ៊ុន ម៉ាណែតជំនួសវិញ៕
0 comments:
Post a Comment