.jpg)
៧ ដោយថាគណបក្ស ដែលទទួលបានច្រើនជាងគេ គឺគណបក្សកាន់អំណាច ខណៈបក្ស៤ទៀត ប្រកាសមិនទទួលយក។
គណបក្ស ដែលទទួលបានអាសនៈទំាងនោះរួមមាន គណបក្សប្រជាជនកម្ពុជា គណបក្ស ហ្វ៊ុន ស៊ិនប៉ិច គណបក្សខ្មែររួបរួមជាតិ គណបក្សយុវជនកម្ពុជា គណបក្សសញ្ជាតិកម្ពុជា គណបក្សសាធារណរដ្ឋប្រជាធិបតេយ្យ និងគណបក្សជនជាតិដើមប្រជាធិបតេយ្យកម្ពុជា។ ដោយឡែក គណបក្ស ដែលប្រកាសមិនទទួលយក អាសនៈរួមមាន គណបក្សសម្ព័ន្ធដើម្បីប្រជាធិបតេយ្យ គណបក្សអំណាចខ្មែរ គណបក្សសំបុកឃ្មុំសង្គមប្រជាធិបតេយ្យ និងគណបក្សប្រជាធិបតេយ្យ មូលដ្ឋាន។
អគ្គលេខាធិការរង គ.ជ.ប លោក សោម សូរីដា បានបញ្ជាក់ នៅថ្ងៃទី១ខែធ្នូនេះថា បើតាម
លទ្ធផលក្រៅផ្លូវការ គឺ គ.ជ.ប បានសម្រេចបែងចែកអាសនៈរបស់អតីតបក្សប្រឆំាងជាង៥ពាន់អាសនៈ ឲ្យទៅគណបក្សចំនួន៧នោះ ដោយថា ក្នុងនោះបក្សប្រជាជនកម្ពុជា ទទួលបាន អាសនៈ ច្រើនជាងគេ ពោលប្រមាណជា៩០ភាគរយ នៃអាសនៈបក្សប្រឆំាង ជាង៥ពាន់អាសនៈ។
ទោះជាយ៉ាងណាលោក សូរីដា អះអាងថា លទ្ធផលផ្លូវការ គ.ជ.ប អាចនឹងប្រកាសនៅថ្ងៃនេះ ឬយ៉ាងយូរ នៅថ្ងៃស្អែក។
កន្លងមក ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤នេះ គណបក្សប្រជាជន កម្ពុជា ដែលធ្លាប់គ្រប់គ្រងតំណែងមេឃុំនិងចៅសង្កាត់ ចំនួន ១ ៥៩២ កាលពីឆ្នាំ២០១២នោះ
បានថយចុះនៅត្រឹម ១១៥៦ វិញ នៅឆ្នាំ២០១៧នេះ។ ចំណែក គណបក្សប្រឆាំង ដែលធ្លាប់គ្រប់ គ្រង តំណែងមេឃុំនិងចៅសង្កាត់ចំនួន៤០នៅឆ្នាំ២០១២ បានកើនឡើងដល់ ៤៨៩ នៅឆ្នាំ២០១៧ នេះ។
ការបែងចែកអាសនៈរដ្ឋសភាទាំង៥៥ និង អសនៈឃុំ-សង្កាត់ជិត៥០០ របស់អតីតបក្សសង្គ្រោះ ជាតិ ឲ្យទៅបក្សផ្សេងៗ ធ្វើឡើងបន្ទាប់ពីតុលាការកំពូល បានសម្រេចរំលាយគណបក្សសង្គ្រោះជាតិកាលពីថ្ងៃទី១៦ ខែវិច្ឆកា តាមបណ្តឹងក្រសួងមហាផ្ទៃ។
ទន្ទឹមនឹងនេះដែរ គ.ជ.ប ឲ្យដឹងថាអសនះសភាចំនួន១១របស់បក្សប្រឆាំងដែល គណបក្ស២ទៀត មិនទទួលនោះ គឺត្រូវបានមកគណបក្សកាន់អំណាចផងដែរ។ ដូច្នេះគណបក្សកាន់អំណាចកេីន ឡេីង អសនះសភារហូតដល់៧៩ហេីយ នាពេលនេះ។
ទាក់ទងបញ្ហានេះ សហរដ្ឋអាមេរិក ចក្រភពអង់គ្លេស និងសហភាពអឺរ៉ុប បានព្រមានដាក់ទណ្ឌកម្ម នានាលើប្រទេសកម្ពុជា ដោយថា ប្រទេសនេះ បានឃ្លាតចាកពីគន្លងប្រជាធិបតេយ្យ ក្រោយពីរំលាយ និងបង្ក្រាបទៅលើបក្សប្រឆាំង ក៏ប៉ុន្តែលោនាយករដ្ឋមន្ត្រី ហ៊ុន សែននៅតែបន្តបង្ក្រាប គណបក្សប្រឆាំង និងអង្គការសង្គមស៊ីវិលយ៉ាងចាស់ដៃដដែល ដោយនៅពេលនេះ លោកនៅ តែបន្តការប់ុនប៉ងបិទមជ្ឈមណ្ឌលសិទ្ធិមនុស្សកម្ពុជាទៀតផង៕
0 comments:
Post a Comment