រថយន្តដឹកឈេីរបស់ឈ្មោះសាល មេការក្រុមហ៊ុនទ្រី ភាពចេញពីស្រុកវេីនសៃ
ឆ្ពោះទៅកាន់ប្រទេសវៀតណាមតាមច្រក អូរយ៉ាដាវ។
ខេត្តរតនគិរី៖ ប្រភពពីប្រជាសហគមន៍ការពារព្រៃឈើក្នុងស្រុកវ៉ើនសៃឲ្យដឹងថា ឈ្មោះ សាល មេការរបស់ក្រុមហ៊ុនលោកឧកញ៉ា ទ្រី ភាព ប្រចាំការនៅខេត្តរតនគិរី បានកំពុងធ្វេីសកម្មភាពដឹកជញ្ជូនឈើចេញពីព្រៃនិងស្ទូចដាក់រថយន្តយីឌុបធំៗនៅក្បែរដីសម្បទានសេដ្ឋកិច្ច របស់ក្រុមហ៊ុនម៉ាងយ៉ាងខេដែលមានឃ្លាំងទី១ស្ថិតផ្សារឡាវ ស្រុកវ៉ើនសៃនិងឃ្លាំងទី២ក្បែររោងចក្រចិនជិត ចំការកៅស៊ូ ក្នុងស្រុកវ៉ើនសៃ។
ប្រភពដដែលឲ្យដឹងថា លោកសាល បានចាប់ផ្តេីមធ្វេីសកម្មភាពដឹកជញ្ជូនឈេីយកទៅលក់ នៅស្រុកយួននេះ រយះពេលមួយខែ កន្លងមកហេីយ ដោយប្រេីប្រាស់កម្មករខ្មែរជាច្រេីននាក់ មកពីខេត្តក្រចេះ។
មន្ត្រីអង្គការក្រៅរដ្ឋាភិបាលនិងសកម្មជនព្រៃឈើក្នុងខេត្តរតនគិរី បានឲ្យដឹងថាឈ្មោះ សាល មេការក្រុមហ៊ុនមេឈ្មួញ ទ្រី ភាពគឺជាអ្នករត់ការបើកផ្លូវសម្រាប់ធ្វើសកម្មភាពដឹកជញ្ជូនឈើចេញពីស្រុកវ៉ើនសៃ ដោយប្រើប្រាស់អាជ្ញាប័ណ្ណក្រុមហ៊ុនដួងស្រួច។ មន្ត្រីអាជ្ញាធរមូលដ្ឋាននិងសមត្ថកិច្ចតូចតាចក្នុងស្រុកវ៉ើនសៃ បានឲ្យដឹងថា សកម្មភាពដឹកជញ្ជូនឈើចេញពីស្រុកវ៉ើនសៃ បង្ហាញថាក្រុមហ៊ុនមេឈ្មួញ ទ្រី ភាព បន្តសកម្មភាពដឹកជញ្ជូនឈើឡើងវិញយ៉ាងពេញបន្ទុកតែម្តង។ លោក សាល ដែលជាមេការក្រុមហ៊ុនមេឈ្មួញ ទ្រី ភាព បានបញ្ជាក់ថា ឈើដែលដឹកជញ្ជូននោះជាឈើដែលនៅសេសសល់មានច្បាប់ហើយកាត់ដឹកឈេីចេញទៅវៀតណាម តាមរយះអាជ្ញាប័ណ្ណរបស់ក្រុមហ៊ុនដួងស្រួច។ ប៉ុន្តែប្រភពពីមន្ត្រីអាជ្ញាធរមូលដ្ឋានក្នុងស្រុកវ៉ើនសៃ បានឲ្យដឹងថា ឈើទាំងនោះគឺជាឈើទើបកាប់រំលំអារច្រៀកថ្មីៗ មិនមែនជាឈើចាស់ៗរប់សក្រុមហ៊ុនដួងស្រួចដែលនៅសេសសល់ឡើយ។ប្រភពពីមន្ត្រីអាជ្ញាធរក្នុងស្រុកវ៉ើនសៃ ខេត្តរតនគិរី បានឲ្យដឹងថាការដែលក្រុមហ៊ុនមេឈ្មួញ ទ្រី ភាព បន្តសកម្មភាពដឹកឈើចេញពីព្រៃក្នុងស្រុកវ៉ើនសៃ នៅពេលនេះគឺមានការឃុបឃិតជាមួយមេរដ្ឋបាលព្រៃឈើខេត្តរតនគិរី លោក កែប កត់ និងសមត្ថកិច្ចពាក់ព័ន្ធមួយចំនួនទៀតផងដែរ។ ជាងនេះទៅទៀតលោក សាល មេការរបស់មេឈ្មួញ ទ្រី ភាព ប្រចាំខេត្តរតនគិរី មានជំនាញខាងរត់ការបើកផ្លូវដឹកជញ្ជូនឈើចេញពីស្រុកខ្មែរទៅស្រុក យួន ជាយូរមកហើយមិនដែលមានមន្ត្រីជំនាញ និងសមត្ថកិច្ចពាក់ព័ន្ធណាហ៊ានប៉ះពាល់ឡើយ។ ទន្ទឹមនឹងនេះប្រភពខ្លះបានឲ្យដឹងថា មន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធដទៃទៀតក្នុងខេត្តរតនគិរី សុទ្ធតែមានទំនាក់ទំនងជិតស្និទ្ធជាមួយឈ្មោះ សាលនេះ ដែលជាមេការរបស់មេឈ្មួញ ទ្រី ភាព ហេតុនេះហើយទើបលោក សាល អាចប្រមូលទិញឈើនិងដឹកជញ្ជូនឈើចេញពីស្រុកវ៉ើនសៃ កក្រើកសមត្ថកិច្ចខេត្តរតនគិរីដោយជ្រកក្រោមអាជ្ញាប័ណ្ណក្រុមហ៊ុនដួងស្រួច ។ ទន្ទឹមនឹងនេះឈ្មួញធំៗមួយចំនួនកំពុងដឹកឈើតាមរថយន្តយីឌុបចេញទៅស្រុកយួនតាមច្រកទ្វារអន្តរជាតិអូរយ៉ាដាវ យ៉ាងគគ្រឹកគគ្រេងព្រោះអភិបាលខេត្តរតនគិរី លោក ថង សាវុន ក៏ដូចជាលោក កែប កត់ នាយខណ្ឌរដ្ឋបាលព្រៃឈើខេត្តរតនគិរី និងសមត្ថកិច្ចពាក់ព័ន្ធដទៃទៀតមិនចាត់ វិធានការទប់ស្កាត់នោះទេ ហើយសម្ងំប្រមូលលុយតាមរបៀបពុករលួយជាប្រព័ន្ធ។
ភ្លាមៗនេះ សារព័ត៌មានជាតិខ្មែរ មិនអាចទាក់ទងលោក សាល មេការក្រុមហ៊ុន ទ្រី ភាព ប្រចាំខេត្ត រតនគិរីបានទេ នៅថ្ងៃ នេះ ដោយទូរសព្ទចូលជាច្រេីនលេីក តែគ្មានអ្នកទទួល៕
No comments:
Post a Comment