ថវិកា១២លានដុល្លារនឹងត្រូវចំណាយសម្រាប់ រៀបចំបុណ្យសពអតីតនាយករដ្ឋមន្រ្តី ជប៉ុនស៊ិនហ្សូ អាបេ!

រដ្ឋាភិបាលជប៉ុន នឹង​ចំណាយ​ទឹកប្រាក់​ប្រមាណ ១,៦៥ ពាន់​លាន​យ៉េន ឬ​ប្រមាណ ១២ លាន​ដុល្លារ សម្រាប់​ការ​រៀបចំ​ពិធី​បុណ្យសព​របស់​អតីត​នាយករដ្ឋមន្ត្រី​ជប៉ុន Shinzo Abe។

រដ្ឋាភិបាល​ជប៉ុនបាននិយាយថា ថ្លៃចំណាយ​លើ​កងអង្គរក្ស​នឹង​កើនឡើង​ដល់ ៨០០លាន​យ៉េន ខណៈ​ការ​ស្វាគមន៍​គណប្រតិភូ​បរទេស​ដែល​នឹង​ចូលរួម​ពិធីបុណ្យសព នឹង​កើនដល់​ ៦០០ លាន​យ៉េន។ នេះបើតាមប្រធាន​ខុទ្ទកាល័យ​លោក Hirokazu Matsuno បាន​ប្រកាស។

សូមជម្រាបដែរ​ថា ​ភ្ញៀវប្រហែល ៦ ០០០ នាក់ រួមទាំងឥស្សរជនបរទេសផង ត្រូវបានគេរំពឹងថានឹងចូលរួមក្នុងពិធីមួយនេះដែលនឹងប្រព្រឹត្តទៅនៅថ្ងៃទី ២៧ ខែកញ្ញានៅសាល Nippon Budokan ទីក្រុងតូក្យូ៕