ក្រសួងសុខាភិបាលពង្រាយគ្រូពេទ្យជាង៨០០នាក់និងរថយន្ត សង្គ្រោះបន្ទាន់ជិត៦០គ្រឿងដើម្បីជួយសង្គ្រោះអ្នកមកលេងបុណ្យ អ៉ុទូក

ក្រសួងសុខាភិបាល ឲ្យដឹងថា គ្រូពេទ្យជាង៨០០នាក់ និងរថយន្តសង្គ្រោះបន្ទាន់ជិត៦០គ្រឿង នឹង ត្រូវដា​ក់​​​​ព​​​​ង្រា​​​យតាមគោលដៅ៣៧កន្លែង ក្នុងរាជធានីភ្នំពេញ ដើម្បីត្រៀមជួយសង្គ្រោះបន្ទាន់ និង ផ្តល់សេវា ឥត​​គិ​តថ្លៃ​ ដល់អ្នកមានបញ្ហាសុខភាព ដែលបានមកលេងពិធីបុណ្យអុំទូក។
ព្រះ​រាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ នឹងត្រូវធ្វើឡើងនៅសប្តាហ៍នេះ ចាប់​ពីថ្ងៃ​​ទី២ ដល់ថ្ងៃទី៤ ខែវិច្ឆិកា ឆ្នាំ២០១៧។
សេចក្តីជូនដំណឹងចុះថ្ងៃទី៣១ខែតុលា ក្រសួងសុខាភិបា​លលើកឡើងថា ខ្លួនបានត្រៀ​មរ​ថ​យន្ត​​គិ​លាន​សង្គ្រោះទាំងចល័ត ទាំងនៅតាមគោលដៅ សរុប៥៨គ្រឿង តាមទីតាំង៣៧កន្លែង។ ​ក្រសួ​ង ថា គ្រូ​ពេទ្យចំនួន៨២០នាក់ ក៏ត្រូវដាក់ពង្រាយតាមគោលដៅនិមួយៗផងដែរ ។
សេចក្តីជូនដំណឹងដដែល ឲ្យដឹងទៀតថា ក្នុងករណី រកទីតាំងដើម្បីរកសេវាសង្គ្រោះបន្ទាន់ មិន ឃើញ អាច​ទាក់​ទង ទូរស័ព្ទ១១៩ ឬទំនាក់ទំនង លោកវេជ្ជបណ្ឌិត សុខ ស្រ៊ុន ដែល​មា​ន​លេ​ខ ទូរសព្ទ០១២ ៩១២ ១២២។
ក្រសួងសុខាភិបាល បញ្ជាក់ថា មន្ទីរពេទ្យរដ្ឋចំនួន៤ទៀត មានមន្ទីរពេទ្យកាល់ម៉ែត្រ ពេ​ទ្យ​ព្រះ​អង្គដួង ពេ​ទ្យ​​​មិត្តភាពខ្មែរ សូវៀត និងមន្ទីរពេទ្យព្រះកុសមៈ ក៏ត្រូវដាក់ពង្រាយ ឲ្យគ្រូពេ​ទ្យ ប្រចាំ​កា​រ​ត្រៀ​ម​ជួយ​ផ្តល់​​​​សេ​វាអំឡុងពេលជាមួយគ្នានេះដែរ។
ព័ត៌មានដ៏សំខាន់នេះ ជាការជូនដំណឹងដល់បងប្អូនមកកំសាន្តព្រះរាជពិធីបុណ្យអ៉ុទូក នៅមុខ ព្រះរាជវាំង ចាប់​ពីថ្ងៃ​​ទី២ ដល់ថ្ងៃទី៤ ខែវិច្ឆិកា ឆ្នាំ២០១៧។ គណះការបុណ្យនិងក្រួសូងទេសចរណ៏ មិនទាន់អាចប៉ាន់ស្មានចំនួនអ្នកមកចូលរួមបាននៅ ឡើយនាឆ្នាំនេះ៕