ព្រះមហាក្សត្រថតជាមួយលោកហ៊ុន សែននិងតំនាងរាស្ត្របក្សកាន់អំណាចដទៃ
ទៀត ខណះអង្គទូតនានាប្រចាំកម្ពុជា សម្តែងការគួរសមចំពោះទ្រង់នៅក្នុងមន្ទីររដ្ឋសភា។
ព្រះមហាក្សត្រ បរមនាថនរោត្តម សីហមុនី ក្នុងឱកាសបើបវេសនកាលនៃរដ្ឋសភា នាថ្ងៃ១២ខែ តុលានេះ បានសរសើរតំណាងរាស្ត្រ ដែលបានចុះសួរសុខទុក្ខ ប្រជាពលរដ្ឋ អំឡុងវិស្សមកាល និងលើកយកបញ្ហានានារបស់ប្រជារាស្ត្រ មកប្រាប់រដ្ឋាភិបាល ពេលសភាចូលធ្វើការវិញ។
ព្រះរាជសារ របស់ព្រះមហាក្សត្រ ក៏បានសរសើររដ្ឋាភិបាលថា ការខិតខំប្រឹងប្រែង កន្លងទៅ ធ្វើ
ឲ្យ កម្ពុជាធានាបាន ស្ថេរភាពនយោបាយ សេដ្ឋកិច្ចប្រកប ដោយភាពត្រឹមត្រូវ និងការអភិវឌ្ឍន៏។
ព្រះមហាក្សត្របញ្ជាក់ដូចនេះថា៖ «ខ្ញុំមានសង្ឃឹមថា រដ្ឋសភា ដ៏ឧត្តុងឧត្តម ជាតំណាងប្រជាពលរដ្ឋខ្មែរទាំងមូល និងបន្តខិតខំប្រឹងប្រែងដោះស្រាយបញ្ហាប្រឈមចំពោះមុខបន្តទៀត ដើម្បីស ម្រេចឲ្យបាននូវទិសដៅរួមជាជំហានៗ ធានាបាននូវសង្គមកម្ពុជាមួយ ប្រកបដោយភាពសុខ ដុមរមនា»។
ទោះជាយ៉ាងណា ក៏សម្តេចព្រះបរមនាថ នរោត្តម សីហមុនី បាន រំឭកស្ថានប័នរដ្ឋសភានិងរដ្ឋាភិបាល ឲ្យបន្តដោះស្រាយបញ្ហា តម្កល់ឧត្តមគតិជាតិ ធានាដល់សុខដុមរមនាដល់ប្រជាជាតិ ទាំង មូល។
ព្រះរាសារ លើកឡើងបន្តថា ៖ «កិច្ចខិតខំប្រឹងប្រែង រួមគ្នានេះ គឺជាសកម្មភាពបម្រើជាតិមាតុភូមិដ៏ឧត្តុងឧត្តម ដែលញ៉ាំងឲ្យប្រទេសជាតិយើង រក្សាបាននូវសន្តិភាព ស្ថេរិភាព និងការអភិវឌ្ឍ ដែលប្រជាពលរដ្ឋកម្ពុជាគ្រប់រូប ប្រាថ្នាចង់បាន និងត្រូវការជាចាំបាច់ ដើម្បីរស់នៅដោយភាព សុខ សាន្ត»។
ព្រះរាជសារ រំឭកស្ថានប័នរដ្ឋសភានេះ ហាក់ចំពេល ដែលតំណាងរាស្ត្របក្សកាន់អំណាច កំពុង ពិភាក្សាធ្វើវិសោធនកម្មច្បាប់មួយចំនួន ដែលបក្សប្រឆាំងថា ច្បាប់នោះ នឹងតម្រូវឲ្យដកហូតអាសនៈចំនួន៥៥ របស់ខ្លួន ដែលពលរដ្ឋបោះឆ្នោត គាំទ្រអំឡុងឆ្នាំ២០១៣ តាមការស្នើឡើង របស់បក្សកាន់អំណាច។
ភាពចម្រូងចម្រាស ផ្នែកនយោបាយចុងក្រោយនេះ អ្នកតាមដាន បង្ហាញការព្រួយបារម្ភថា បើបក្សកាន់អំណាច យកច្បាប់នេះ ដើម្បីរឹបអូសយកអាសនៈ របស់បក្សប្រឆាំង ក្នុងសភាមែន ពួក គេព្រមានថា ស្ថានការណ៍នយោបាយ ឈានដល់ការផុយស្រួយនៃការបែកបាក់ជាតិ ដោយថា អាសនៈចំនួន៥៥នេះ មានអ្នកគាំទ្រជិតពាក់កណ្តាលប្រទេស៕
No comments:
Post a Comment