លោកម៉ៅ មុន្នីវណ្ណរងការចោទពីលោកសម រង្ស៊ីត្រង់ៗថា ជាជនក្បត់បក្សហើយ
កំពុងធ្វើបក្សប្រហារទៀតផង។
លោក សម រង្ស៊ី អតីតប្រធានគណបក្សប្រឆាំង
បានចាត់ទុកលោកម៉ៅ មុន្នីវណ្ណជាជនបង្កប់ស៊ីរូង ផ្ទៃក្នុងបក្សសង្គ្រោះជាតិជាយូរមកហើយ ដើម្បីផ្តួលរំលំគណបក្សប្រឆាំងដ៏ធំនៅកម្ពុជាតាម បញ្ជារបស់លោកនាយករដ្ឋមន្ត្រី
ហ៊ុន សែន។ទាក់ទងនឹងទង្វើក្បត់បក្សរបស់លោកម៉ៅ មុន្នីវណ្ណនេះ លោកសម រង្ស៊ីបានថតជាវីដេអូឃ្លីប បង្ហោះនៅក្នុងហ្វេសប៊ុក (Facebook) ផ្ទាល់ខ្លួន របស់លោក កាលពីថ្ងៃទី៣០ តុលា ថា គណបក្សកាន់អំណាចមិនអាចរំលាយគណបក្សសង្គ្រោះជាតិបានទេ ទើបប្រើវិធីមួយទៀត គឺទិញមន្ត្រីបក្សប្រឆាំងមួយចំនួននៅក្នុងជួរគណៈកម្មការនាយក។ លោក សម រង្ស៊ី អះអាងថា លោក ម៉ៅ មុនីវណ្ណ គឺជាជនបង្កប់របស់គណបក្សកាន់អំណាចក្នុងការរំលាយបក្សប្រឆាំង។
លោក ម៉ៅ មុនីវណ្ណ ត្រូវបានគេមើលឃើញថា ជាមន្ត្រីសកម្មក្នុងការចុះពង្រឹងគណបក្សតាមមូល ដ្ឋាននៅស្របពេលមន្ត្រីជាន់ខ្ពស់បក្សប្រឆាំងមួយចំនួនទៀត និរទេសខ្លួនទៅក្រៅប្រទេស ដើម្បីសិទ្ធិសេរីភាព។ នៅមុនពេលគណបក្សសង្គ្រោះជាតិរួមគ្នារវាង គណបក្សសម រង្ស៊ី និងគណបក្សសិទ្ធិមនុស្សនោះ លោក ម៉ៅ មុនីវណ្ណ បានចាកចេញពីគណបក្សសម រង្ស៊ី ចុះចូលជាមួយគណ បក្សសិទ្ធិមនុស្ស។ កាលណោះ លោកបានទម្លាក់ចោលស្លាកគណបក្សសម រង្ស៊ី ជាច្រើននៅខេត្តកំពង់ចាមដែលជាមណ្ឌលបោះឆ្នោតរបស់លោក និងបានលើកស្លាកគណបក្សសិទ្ធិមនុស្សជំនួសវិញ។
ក្រៅពីលោកម៉ៅ មុន្នីវណ្ណ ក៏ក្រុមមន្ត្រីជំនិតរបស់លោក សម រង្ស៊ីបានដាក់ការសង្ស័យលើលោក ប៉ុល ហំម អនុប្រធានគណបក្ស លោកអ៊ូ ច័ន្ទរិទ្ធ និងលោក អ៊ូ ច័ន្ទរ័ត្ន ជាតំណាងរាស្ត្រស្និទ្ធនឹង លោកកឹម សុខាជាជនក្បត់បក្សដែរ។
ផ្ទុយពីការលើកឡើងរបស់ លោក សម រង្ស៊ី ដែលថាមានជនក្បត់បក្សនេះ លោក អ៊ូ ច័ន្ទរ័ត្ន អះអាងថា មន្ត្រីគណៈកម្មការនាយករបស់បក្សប្រឆាំងភាគច្រើននៅក្នុងប្រទេសនៅឡើយ ហើយអ្នកនៅក្នុងប្រទេសមិនមែនសុទ្ធតែជាជនក្បត់នោះទេ។
ចំណែកអ្នកតំណាងរាស្ត្រមណ្ឌលខែត្រកំពង់ចាម មកពីគណបក្សសង្គ្រោះជាតិ ដែលរងការចោទ ប្រកាន់ពីអតីតប្រធានគណបក្សសង្គ្រោះជាតិ ថា មានបំណងធ្វើបក្សប្រហារ គឺលោក ម៉ៅ មុនីវណ្ណ បានបដិសេធការចោទប្រកាន់នេះ ដោយលោកអះអាងថា លោកធ្វើនយោបាយដោយឈរខាងប្រជាពលរដ្ឋ និងមិនចង់បកស្រាយចំពោះការចោទប្រកាន់របស់ លោក សម រង្ស៊ី ទៅលើរូបលោកនោះទេ។
លោក ម៉ៅ មុនីវណ្ណ យល់ថា ទង្វើរបស់លោក ទុកឲ្យប្រជាពលរដ្ឋជាអ្នកសម្រេច ប៉ុន្ដែទោះយ៉ាងណា លោកមិនមានការអាក់អន់ចិត្តចំពោះលោក សម រង្ស៊ី នោះទេ បើទោះជាចោទប្រកាន់លោក ត្រង់ៗក៏ដោយ។
លោក ម៉ៅ មុនីវណ្ណ ដែលហាក់ព្យាយាមមិនចង់ឆ្លើយនឹងក្រុមអ្នកសារព័ត៌មាន នៅក្រៅរបងតុលាការកំពូល នៅព្រឹកថ្ងៃទី៣១ តុលា អះអាងថា ពាក្យចោទប្រកាន់លើរូបលោក វាហាក់កើតមានញឹកញាប់ហើយ ដូច្នេះលោកយល់ថា មានតែពេលវេលាទេ ដែលអាចបញ្ជាក់ពីទង្វើ
របស់លោក។
សូមបញ្ជាក់ថា លោកម៉ៅ មុន្នីវណ្ណធ្លាប់មានទំនាស់ជាមួយលោកអេង ឆៃអ៊ាងនិងលោក គួយ ប៊ុនរឿនដែលជាមនុស្សជំនិតបំផុតរបស់លោកសម រង្ស៊ី ពីបញ្ហាបែងចែកការគ្រប់គ្រងខេត្ត មុនពេលលោកម៉ៅ មុន្នីវណ្ណចេញទៅចុះចូលជាគណបក្សសិទ្ធិមនុស្សរបស់លោក កឹម សុខា។ នៅពេលនោះ លោកអេង ឆៃអ៊ាង ក្នុងនាមលោកសម រង្ស៊ីជាប្រធានគណបក្សសម រង្ស៊ីបាន ផ្លាស់ ប្តូរលោកម៉ៅ មុន្នីវណ្ណចេញពីប្រធានក្រុមការងារខេត្តកំពង់ចាម ដែលគណបក្សប្រឆាំងមាន អ្នកគាំ ទ្រច្រើនឲ្យទៅធ្វើជាប្រធានក្រុមការងារខេត្តតាកែវ ដែលគណបក្សប្រឆាំងមាន អ្នកគាំទ្រតិច
តួចវិញ។ បញ្ហានេះជំរុញឲ្យលោកម៉ៅ មុន្នីវណ្ណចិញ្ចឹមចិត្តគំនុំជាមួយក្រុមលោកអេង ឆៃអ៊ាងជារៀង រហូតមកដល់ថ្ងៃនេះ ទើបមានការចោទប្រកាន់ត្រង់ៗពីលោកសម រង្ស៊ីតែម្តងហើយការចោទនេះ ក៏ដោយសារលោក ម៉ៅ មុន្នីវណ្ណបានរៀបចំបញ្ចីឈ្មោះសមាជិកព្រឹទ្ធសភាថ្មីរបស់គណបក្ស សង្គ្រោះជាតិដោយយកទៅឲ្យលោកកឹម សុខាកំពុងជាប់គុក ចុះហត្ថលេខាដោយគ្មានការពិភាក្សា
ជាមួយលោកអេង ឆៃអ៊ាង និងអ្នកស្រី មូរ សុខហួជាអនុប្រធានបក្សដែលស្មោះនឹងលោកសម រង្ស៊ីឡើយ៕
No comments:
Post a Comment