រដ្ឋបាលខេត្តមណ្ឌលគិរី ចេញមុខការពារលោក ស្វាយ សំអ៊ាង ដែលពាក់ព័ន្ធការ លក់ភ្នំដោះក្រមុំ និងកាប់បំផ្លាញព្រៃឈើ!

អ្នកនាំពាក្យនៃរដ្ឋបាលខេត្តមណ្ឌលគិរី នៅថ្ងៃទី១៥ ខែកក្កដា ឆ្នាំ២០១៩ បានចេញធ្វើការបំភ្លឺមួយ បន្ទាប់ពី ម្ចាស់ Facebook ឈ្មោះ «ស្លេកស្លាប់ស្លេកស្លាប់អ្នកប្រយុទ្ធ» បានធ្វើការ Live ផ្ទាល់លើ ហ្វេសប៊ុករបស់ខ្លួន ដោយចោទប្រកាន់វាយប្រហារយ៉ាងខ្លាំងមកលើ អភិបាលខេត្តនេះគឺលោក ស្វាយ សំអ៊ាង ថា «ក្បត់ជាតិ ពុករលួយ ដោយបានលក់ភ្នំដោះក្រមុំ លក់សួនច្បារឲ្យឧកញ៉ាទ្រី ភាព លក់សមុទ្រឈើ និងចំការស្រល់ជាព្រះរាជទ្រព្យព្រះមហាក្សត្រ»។

ការចោទប្រកាន់នេះ ធ្វើឡើងបន្ទាប់ពីសមត្ថកិច្ចកងរាជអាវុធហត្ថលើផ្ទៃប្រទេសបានចាប់ខ្លួន ឧកញ៉ា សឹង សំអុលនិងបក្ខពួក៣នាក់ ទៀតដែលឃុបឃិតគ្នាកាប់បំផ្លាញព្រៃឈើនៅក្នុងខេត្តនេះ យ៉ាងមហន្តរាយហើយការ ប្រព្រឹត្តបទឧក្រិដ្ឋព្រៃឈើនេះដំណើរការ បានយ៉ាងរលូនក៏ដោយសារ ការបើកដៃពីសំណាក់អភិបាលខេត្តរូបនេះដែរ។ ដូច្នេះអាជ្ញាធរ ហ៊ុន សែនត្រូវតែបើកការស៊ើប អង្កេត លើលោក ស្វាយ សំអ៊ាងជាបន្ទាន់ ខណះឧកញ៉ា គង់ ក្រឹង ដែលជាមេឈ្មួញកាប់ប៉ផ្លាញ ព្រៃឈើដ៏ធំប្រចាំស្រុកស្នួល ខេត្តក្រចេះកំពុងរត់គេចខ្លួនពីសំណាញ់ច្បាប់នៅឡើយ៕