.jpg)
លោក អ៊ុំ សំអាន(ស្តាំ)និងលោក ហ៊ុន សែន (ឆ្វេង)
ដោយ លោក សេក ប្រសើរ
តំណាងរាស្រ្តសង្រ្គោះជាតិ លោក អ៊ុំ សំអាន នៅថ្ងៃព្រហស្បត្តិ៍នេះបន្តចាក់ក្រឡេកលោក
នាយករដ្ឋមន្រ្តី ហ៊ុន សែនបន្ថែមទៀតបើទោះបីកាលពីថ្ងៃអង្គារ៍ លោកនាយករដ្ឋមន្រ្តីល្បី
ខាងសំឡុតគូបក្ខដិបក្ខនយោបាយរបស់ខ្លួនបានគំរាមចាប់ខ្លួនភ្លាមៗចំពោះអ្នកណាហ៊ាន
និយាយថាផែនទីក្លែងក្លាយឬផែនទីចោរនោះ។ តែសម្រាប់លោក អ៊ុំ សំអានតំណាងរាស្ត្រ
មណ្ឌលសៀមរាបនៃគណបក្សប្រឆាំងវិញមិនខ្វល់នឹងការគំរាមបែបនេះទេហើយលោកនៅ
តែបន្តឆ្លើយឆ្លងជាមួយលោកហ៊ុន សែនពីរឿងផែនទីដដែល។
នៅថ្ងៃនេះ លោក អ៊ុំ សំអានដែលមានសញ្ជាតិពីរ (ខ្មែរ-អាមេរិកាំង) នោះបានសម្តែងការ
បារម្ភរបស់លោកថាបំណងរបស់លោកហ៊ុន សែនចម្លងផែនទីដូរខ្នាតពីផែនទីបោនខ្នាត
១/១០០.០០០មក ផែនទីUTMខ្នាត១/៥០.០០០ នឹងធ្វើឲ្យកម្ពុជាខាតបង់ដី ដោយអះអាងថាយួនអាចនឹងកេងចំណេញពីការចម្លងនោះ។
លោក អ៊ុំ សំអាន បានថ្លែងបែបនេះពីសហរដ្ឋអាមេរិកគឺជាការឆ្លើយតបលោកនាយករដ្ឋមន្រ្តី
ហ៊ុន សែន ដែលថ្មីៗនេះបានអះអាងថាលោកនឹងស្វែងរកអ្នកជំនាញបរទេសនៅថ្ងៃខាងមុខ មកជួយផ្ទេរផែនទីបោនខ្នាត១/១០០.០០០ទៅជាផែនទីខ្នាតUTM១/៥០.០០០ តាមរយៈការចរចាជាមួយភាគីវៀតណាម។ លោកមានប្រសាសន៍ថា៖“ក្នុងករណី ផ្ទេរមិនបានត្រឹមត្រូវ មិន
បានឯកភាពគ្នា ផែនទីបោននៅតែជាផែនទីផ្លូវការហើយក្នុងករណីខាងមុខគឺយើងនឹង ពិភាក្សា
រកអ្នកជំនាញការបរទេសមកតែម្តង ដើម្បីជួយផ្ទេរផែនទីពី ផែនទីបោនទៅកាន់ផែនទីUTM”។
លោក អ៊ុំ សំអាន បន្តថា«កាលណាការចម្លងខុសតែបន្តិច នាំឲ្យកម្ពុជាខាតបង់ដីដល់ទៅ
ប្រទេសយួន។ លោកបញ្ជាក់ថា«ខ្ញុំបារម្ភខ្លាចថាការចម្លងនោះលម្អៀង ដែលនាំឲ្យកម្ពុជាខាតបង់ដីទៅយួន«។លោកបានបន្ថែមទៀតថា៖ “ដូច្នេះ យួនវាអាចស៊ីយើងចំណុចហ្នឹងណា។ នៅពេលចម្លងផែនទីខ្នាត១/១០០.០០០មក១/៥០.០០០ ចម្លងខុសលម្អៀងតែមួយចុងប៊ិចស្មើ១០០ម៉ែត្រ ហើយលម្អៀងតែមួយសង់ទីម៉ែត្រ ស្នើ១គីឡូម៉ែត្រនៅលើដីហើយ”។
លោក អ៊ុំ សំអានបង្កាប់ឲ្យរដ្ឋាភិបាលគួរតែចម្លងតែផែនទីបោនមកផែនទីUTMដោយមិនបាច់ ប្តូរខ្នាត១/១០០.០០០ទៅ១/៥០.០០០នោះទេ។ លោកបន្តថា«តាមដែលខ្ញុំបានដឹង កន្លងមកមាន
ការចម្លងផែនទីនោះរួចទៅហើយ តែខ្ញុំថាប្រហែលជានាយករដ្ឋមន្រ្តីចង់ឲ្យបរទេសត្រួតពិនិត្យ
លើ ផែនទីនោះបន្តទៀត»។
ប្រធានគណៈកម្មាធិការកិច្ចការព្រំដែន លោកវ៉ា គឹមហុងបានមិនអាចវទាក់ទងតាមទូរស័ព្ទសម្ភាស
ពីការលើកឡើងរបស់លោក អ៊ុំ សំអានបានទេនៅរសៀលនេះ។
ក៏ប៉ុន្តែតាមរយៈវីដេអូថតទុករយៈពេលប្រមាណ ៣ម៉ោងដែលចាក់ផ្សាយតាមទូរទស្សន៍ជាតិ
កម្ពុជា (ទ.ទ.ក)កាលពីថ្ងៃអង្គារ លោក ហ៊ុន សែនបាននិយាយថាការដោះស្រាយបញ្ហាព្រំដែនជាមួយវៀតណាម រដ្ឋាភិបាលកម្ពុជាបានប្រើប្រាស់សន្ធិសញ្ញាឆ្នាំ១៩៨៣ ១៩៨៥និងសន្ធិសញ្ញាបំពេញបន្ថែមឆ្នាំ២០០៥។ លោកបន្តថាសន្ធិសញ្ញាឆ្នាំ២០០៥ដែលអនុញ្ញាតឲ្យផ្ទេរផែនទីពី ខ្នាត
បោន១/១០០.០០០ទៅខ្នាតUTM១/៥០.០០០ ត្រូវបានព្រះមហាក្សត្រឡាយព្រះហត្តលេខា
ឲ្យប្រើប្រាស់រួចមកហើយ។
លោក ហ៊ុន សែន បន្តថាលោកបានណែនាំឲ្យប្រធានគណៈកម្មាធិការទទួលបន្ទុកកិច្ចការ ព្រំដែន លោក វ៉ា គឹមហុង កាលពីថ្ងៃទី០៤ខែកញ្ញា ឲ្យចរចាជាមួយវៀតណាមលើចំណុចបច្ចេកទេសមិនចុះសម្រុងគ្នាក្នុងនោះក៏មាន ការផ្ទេរផែនទីបោនទៅផែនទីUTM ផងដែរ។ លោកបញ្ជាក់ថាការចរចាសុំរកជំនួយបរទេសជាការល្អប្រសើរ។
ម្យ៉ាងទៀតមាត្រា២នៃរដ្ឋធម្មនុញ្ញចែងថាបូរណភាពទឹកដីរបស់ព្រះរាជាណាចក្រ កម្ពុជាមិនអាចរំលោភបំពានដាច់ខាតក្នុងព្រំដែនរបស់ខ្លួនដែលកំណត់ ក្នុងផែនទីខ្នាត១/១០០.០០០ធ្វើនៅចន្លោះឆ្នាំ១៩៣៣-១៩៥៣និងទទួលស្គាល់ ជាអន្តរជាតិនៅចន្លោះឆ្នាំ១៩៦៣-១៩៦៩។
ដោយសារតែមាត្រា២នៃរដ្ឋធម្មនុញ្ញចងជើងមិនឲ្យមានការផ្លាស់ប្តូរខ្នាតផែនទីបែបនេះ ទើប
លោក នាយករដ្ឋមន្រ្តី ហ៊ុន សែននៅតែត្រូវការលោកសម រង្ស៊ីជាដៃគូសន្ទនាជានិច្ច៕
0 comments:
Post a Comment