ជនជាតិខ្មែរ៥នាក់និងវៀតណាម៣ពាក់ព័ន្ធករណីគប់ គ្រាប់បែក​នៅសង្កាត់បឹងកេងកង៣

ជនសង្ស័យគប់គ្រាប់បែកនៅសង្កាត់បឹងកេង៣ចំនួន៨នាក់ត្រូវបានចាប់ខ្លួន
ជាមួយភស្តុតាងដាក់នៅលើតុនេះ

ដោយ​កញ្ញា សុខ​ ឆេង

នៅព្រឹកថ្ងៃសុក្រនេះ សមត្ថកិច្ច​នគរបាល​ព្រហ្មទណ្ឌ​នៃ​អគ្គស្នងការ​នគរបាល​ជាតិបង្ហាញជន​សង្ស័យ​គប់​គ្រាប់​បែក​នៅ​បឹងកេងកង​៣ ចំនួន៨នាក់ដោយអះអាង ថា ក្នុង​ចំណោម​ជន​សង្ស័យ​ទាំង​៨នាក់នេះ មាន​ជនជាតិ​វៀតណាម​៣​នាក់ និង​ខ្មែរ​៥​នាក់ ក្នុង​នោះ​ស្រី​៣នាក់ រួម​នឹង​កាំភ្លើង​ខ្លី​មួយ​ដើម និង​វត្ថុ​តាង​ផ្សេង​ទៀតដែលត្រូវបានរឹបអូសពីជនសង្ស័យទាំងនោះ។

ស្នងការ​នគរបាល​រាជធានី​ភ្នំពេញ លោក ជួន សុវណ្ណ អះអាង​ក្នុង​សន្និសីទ​បង្ហាញ​ជន​សង្ស័យ​នេះ​ថា ក្រៅ​ពី​ការ​ចាប់​ខ្លួន​ជន​សង្ស័យ​ទាំង​៨​នាក់​នេះ សមត្ថកិច្ច​នឹង​បន្ត​វិធានការ​រក​ជន​សង្ស័យ​ពាក់ព័ន្ធ​ផ្សេង​ទៀត រួម​នឹង​អ្នក​សមគំនិត​ដែល​ប្រគល់​អាវុធ និង​គ្រាប់​បែក​ផ្ទុះ​ដល់​ជន​ដែល​ប្រព្រឹត្តិទាំង

នេះ។

តុលាការគ្រោងជំនុំជម្រះក្តីអ្នកស្រីថាក់​​ ឡានី​ខណះ អ្នកស្រីគេចខ្លួនដោយសុវត្ថិភាព ទៅក្រៅប្រទេស

អតីតសមាជិកព្រឹទ្ធសភាបក្សសម រង្ស៊ីអ្នកស្រី ថាក់ ឡានីគេចខ្លួនទៅក្រៅប្រទេសដោយ

សុវត្ថិភាព

ដោយ​ លោក​នុប ​គីម
 
ប្រភពពីគណបក្សសង្គ្រោះជាតិឲ្យដឹងថាអ្នកស្រីថាក់​ ឡានីអតីតសមាជិកព្រឹទ្ធសភាគណបក្ស
សម ​រង្ស៊ីបានចាកចេញទៅក្រៅប្រទេសដោយសុវត្ថិភាព ខណះអយ្យការ​អម​សាលាដំបូង​រាជធានី​
ភ្នំពេញ សម្រេច​បញ្ជូន​សំណុំ​រឿង​លោក ហ៊ុន សែន ប្ដឹង​អតីត​សមាជិក​ព្រឹទ្ធសភា​មក​ពី​គណបក្ស សម រង្ស៊ី រុបនេះ ទៅ​ជំនុំ​ជម្រះនាពេលខាងមុខនេះ។
ព្រះរាជអាជ្ញា​រង​នៃ​សាលា​ដំបូង​រាជធានី​ភ្នំពេញ លោក លី សុផាណា បាន​ប្រាប់​តាម​បណ្ដាញ​ទំនាក់ទំនង​សង្គម​តេឡេក្រាម (Telegram) នៅ ​ថ្ងៃ​ទី​២២ ខែ​កញ្ញា ថា សំណុំ​រឿង​ដែល​លោក​នាយក​រដ្ឋមន្ត្រី ហ៊ុន សែន ប្ដឹង​ឈ្មោះ ថាក់ ឡានី ត្រូវ​បញ្ជូន​ទៅ​សាលា​ដំបូង​រាជធានី​ភ្នំពេញ​តាម​ដីកា​បញ្ជូន​រឿង​ទៅ​ជំនុំ​ ជម្រះ​ផ្ទាល់។

តុលាការផ្តន្ទាទោសលោកនី​ ចរិយាឲ្យជាប់ពន្ធនាគារ ៦ខែ​ពិន័យជា ប្រាក់៦លានរៀល

 

លោក នី ចរិយាពេលធ្វើជាមន្ត្រីអង្គការអាដហុកហើយការពារសិទ្ធិពលរដ្ឋបាន

ជោគជ័យកន្លងមក

ដោយ​ កញ្ញា​ សុខ​ ឆេង

នៅថ្ងៃព្រហស្បត្តិ៍នេះ​សាលាដំបូងរាជធានីភ្នំពេញសម្រេចផ្តន្ទាទោសលោក នី ចរិយាឲ្យជាប់
ពន្ធនាគារ៦ខែ និងពិន័យជាប្រាក់ចំនួន៦លានរៀល ពាក់ព័ន្ធនិងបណ្តឹងរបស់មន្ត្រីតុលាការ
ខេត្តសៀមរាបពីរនាក់ ដែលប្តឹងលោកពីបទបរិហារកេរ្តិ៍ពួកគេក្នុងករណីជម្លោះដីធ្លីមួយរវាង
ប្រជាពលរដ្ឋក្រីក្រនិងសមាគមវៀតណាមនៅក្នុងខេត្តនោះ។

លោកហ៊ុន ​សែនរងចាំមើលអ្នកនយោបាយណា វាយប្រហារលោកមុន ក្នុងរដូវភ្ជំបិណ្ឌនេះ

 

លោកនាយករដ្ឋមន្ត្រី ហ៊ុន សែនរងចាំមើលខាងគណបក្សប្រឆាំងវាយប្រហារគាត់មុនសិន

ទើបលោកឆ្លើយតបវិញ។​​ នេះជាសញ្ញាមួយល្អសម្រាប់នយោបាយជាតិទាំងមូល។

ដោយ ​លោក​ជា វិបុល
 
លោកនាយករដ្ឋមន្ត្រី ហ៊ុន សែននៅថ្ងៃនេះបង្ហាញឥរិយាស្លូតបូតចំពោះគូបដិបក្ខនយោបាយ
របស់លោកដោយបានថ្លែងថាលោករង់ចាំមើលថាមានអ្នកនយោបាយណាវាយប្រហារលោក
មុនក្នុងរដូវភ្ជុំបិណ្ឌនេះ។
ដោយលោកអះអាងថា “បទឈប់បាញ់” នយោបាយមួយហាក់បីដូចជាត្រូវរូវគ្នាតាំងពីថ្ងៃអង្គារទី​
២០​ខែ​កញ្ញា​ឆ្នាំ​២០១៦នេះ។
ថ្លែងក្នុងពិធីចែកសញ្ញាបត្រឲ្យនិសិ្សតសកលវិទ្យាល័យមួយនៅព្រឹកថ្ងៃព្រហស្បតិ៍នេះ លោក ហ៊ុន សែន ថាលោកពុំមានសារនយោបាយអ្វីដែលត្រូវតបតទៅបក្សប្រឆាំងនោះទេ ដោយលោកលើក
ឡើងថាបទឈប់បាញ់នយោបាយថ្មីមួយហាក់បីដូចជាបានត្រូវរ៉ូវគ្នាកាលពីថ្ងៃអង្គារ។
ទោះជាយ៉ាងណា លោកថាលោករង់ចាំមើលថានរណាជាអ្នកវាយប្រហារមុនក្នុងឱកាសនៃពិធី
បុណ្យភ្ជុំបិណ្ឌប្រពៃណីជាតិខ្មែរនេះ។

តុលាការភ្នំពេញបើក​សវនាការ​ជំនុំ​ជម្រះ​សំណុំ​រឿង លោក​នី ​ចរិយាបរិហាកេរ្តិ៍មន្ត្រីតុលាការ នៅព្រឹកនេះ

លោក នី ចរិយាត្រូវបានមន្ត្រីពន្ធនាគារនាំមកតុលាការ

 

ដោយ​ លោក​នុប​ គីម

សាលាដំបូង​រាជធានី​ភ្នំពេញ នៅ​ព្រឹក​ថ្ងៃ​ទី​២២ ខែ​កញ្ញានេះបើក​សវនាការ​ជំនុំ​ជម្រះ​សំណុំ​រឿង​
ចោទ​ប្រកាន់​អគ្គលេខាធិការ​រង គ.ជ.ប លោក នី ចរិយា ពី​បទ​បរិហារកេរ្តិ៍​សាធារណៈ និង​បរិហារ​បង្កាច់​កេរ្តិ៍​មន្ត្រីតុលាការខេត្តសៀមរាបពីរនាក់កាល​ដែល​លោក​នៅ​ជា​ប្រធាន​ផ្នែក​ស៊ើបអង្កេត​
របស់​សមាគម​អាដហុក (ADHOC)ក្នុងឆ្នាំ ២០១៥។
លោក នី ចរិយា ត្រូវ​បាន​ប្ដឹង​ ដោយ​ព្រះរាជអាជ្ញា​រង​អម​សាលា​ដំបូង​ខេត្ត​សៀមរាប លោក សុខ កែវបណ្ឌិត និង​ចៅក្រម​ស៊ើបសួរ​នៃ​សាលា​ដំបូង​ខេត្ត​នេះ លោក គី ឬទ្ធី កាល​ពី​ខែ​មិថុនា ឆ្នាំ​
២០១៥ ពីបទ​បរិហារកេរ្ដិ៍ ទាក់ទង​នឹង​ជម្លោះ​ដីធ្លីរវាងប្រជាពលរដ្ឋនិងសមាគមវៀតណាម​នៅ
​ខេត្ត​សៀមរាប។

ពលរដ្ឋស្នើឲ្យលោកហ៊ុន ​សែនលប់បំបាត់ល្បែងស៊ីសង តាមប្រព័ន្ធអ៊ិនធឺណេត​ក្នុងរាជធានី កំពុងញាំញីសង្គម ទាំងមូល

ទីតាំងល្បែងអ៊ិនធឺណែតស្ថិតនៅតាមដងផ្លូវត្លោកបែកក្នុងខណ្ឌសែនសុខ
របស់ម្ចាស់កាន់ទូរសព្ទដៃលេខ​012 387888

ដោយ លោក ជា វិបុល
 

ប្រជាពលរដ្ឋ​រស់នៅ​តាម​បណ្ដា​សង្កាត់​មួយចំនួន​ដូចជា សង្កាត់​ទឹកថ្លា សង្កាត់​ក្រាំងធ្នង់ និង​សង្កាត់​មួយចំនួនទៀត នៃ​ខណ្ឌ​សែន​សុខ និងសង្កាត់ជាច្រើនទៀតតាមបណ្តាខណ្ឌដទៃៗទៀតដូចជា

ខណ្ឌពោធិ៍សែនជ័យ​ខណ្ឌឬស្សីកែវនិងខណ្ឌទួលគោកនិងបណ្តាខណ្ឌនានានៅទូទាំងរាជធានី

ភ្នំពេញស្នើឲ្យលោកនាយករដ្ឋមន្ត្រី​ហ៊ុន សែនជួយបង្ក្រាបនិងលប់បំបាត់ល្បែងភ្នាល់ចាក់លុយ

រាប់រយ​រាប់ពាន់និងរាប់ម៉ឺនដុល្លារតាមប្រព័ន្ធអ៊ិនធឺណែតនេះជាបន្ទាន់ដោយសារល្បែងក្រោមស្លាក

អ៊ិនធឺនេះកំពុងបង្កឲ្យមានចោរលួច​ចោរឆក់​ចោរប្លន់និងសេពគ្រឿងញៀនហើយទីតាំងលេងល្បែង

ទាំងនេះក៏ជាកន្លែងស្នាក់នៅរបស់យុវជនលេងចាញ់អស់លុយទៅណាមិនរួចក៏ដេកស៊ីក្នុងទីតាំង

 ល្បែងទាំងនោះដើម្បីធ្វើសកម្មភាពប្លន់​លួចនិងឆក់ទៀតផង។

 

ទីតាំងល្បែងអ៊ិនធឺណេតឈ្មោះAll Day Net ស្ថិតនៅតាមដងផ្លូវទំនប់ទួលគោក

លោកសុន ​ឆ័យអះអាងថារដ្ឋាភិបាលធ្វើឲ្យបាត់ថវិកា ជាតិអស់ប្រមាណ៦០លានដុល្លារ ក្នុងគម្រោង ទិញស្រូវ

 

កសិករនៅខេត្តបាត់ដំបងយកគោយន្តដឹកស្រូវរបស់ខ្លួនទៅដាក់បិទផ្លូវនៅ

ស្រុកសង្កែកាលពីថ្ងៃ ទី ១៨ កញ្ញា

ដោយ លោក នុប គីម

ប្រធានក្រុមតំណាងរាស្រ្តគណបក្សសង្គ្រោះជាតិលោក​សុន​ឆ័យអះអាងនៅថ្ងៃនេះថា រដ្ឋាភិបាល
លោកហ៊ុន សែនអនុវត្តគម្រោងទិញស្រូវរបស់កសិករមិនបានត្រឹមត្រូវទេដោយប្រកាន់បក្ខពួក
និយមបណ្តាលឲ្យបាត់ថវិកាជាតិអស់ប្រមាណ៦០លានដុល្លារអាមេរិកនៅក្នុងគម្រោងជួយកសិករ
នេះ។
ថ្លែងទៅកាន់អ្នកគាំទ្រនិងអ្នកសារព័ត៌មាននៅស្នាក់ការកណ្តាលគណបក្សសង្គ្រោះជាតិនៅព្រឹកនេះ ប្រធានក្រុមតំណាងរាស្ត្របក្សប្រឆាំងនិងជាអនុប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភាលោក សុន ឆ័យ រំឭកថាកាលពី៣ទៅ៤ឆ្នាំមុន សភាបានអនុម័តលុយ
ប្រមាណ៦០លានដុល្លារសម្រាប់ជួយដល់គម្រោងទិញស្រូវពីកសិករ។ ប៉ុន្តែលោកថា គម្រោងនោះ
មិនបានផ្តល់ប្រយោជន៍ដល់កសិករទេ ដោយសារការ ចាត់ចែងមិនមានតម្លភាព បក្ខពួកនិយម
ធ្វើឲ្យបាត់លុយនោះ។

តុលាការកំពូលបើសវនាការបណ្តឹងសារទុក្ខរបស់លោក​អ៊ុំ សំអាន នាព្រឹកនេះ

 

លោក អ៊ុំ​ សំអានតំណាងរាស្ត្រខេត្តសៀមរាប

ដោយ កញ្ញា ប្រាក់​ ដាលីន

តុលាការកំពូលនៅព្រឹកថ្ងៃពុធនេះបានបើកសវនាការលើបណ្តឹងសារទុក្ខរបស់លោក អ៊ុំ សំអាន តំណាងរាស្ត្រគណបក្សសង្គ្រោះជាតិ បន្ទាប់ពីមេធាវីការពារក្តីបានប្តឹងជំទាស់នឹងការឃុំខ្លួន
តំណាងរាស្ត្ររូបនេះតាំងពីខែ​មេសាមក។
លោក អ៊ុំ សំអាន ត្រូវបានតុលាការចោទពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ (បង្កឲ្យមាន
ភាពវឹកវរធ្ងន់ធ្ងរ ដល់សន្តិសុខសង្គម) និងបទញុះញង់ឲ្យមានការរើសអើង បន្ទាប់ពីលោកបានរិះ
គន់រដ្ឋាភិបាលកម្ពុជាថាប្រើប្រាស់ផែនទីក្លែងក្លាយក្នុងការបោះបង្គោលព្រំដែនជាមួយវៀតណាម។

សហរដ្ឋអាមេរិកផ្តល់អនុគ្រោះពន្ធសម្រាប់ផលិតផលកាបូប ​ចំនួន២៨ប្រភេទនាំចូលទៅ កាន់ប្រទេសខ្លួន

 

ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីលៀម ហេត

ដោយ ​កញ្ញា​ប្រាក់​ ដាលីន
 
សហរដ្ឋអាមេរិកបានផ្តល់អនុគ្រោះពន្ធសម្រាប់ផលិតផលកាបូប​ចំនួន២៨ប្រភេទនាំចូលទៅ
កាន់ប្រទេសរបស់ខ្លួនក្នុងនោះប្រទេសកម្ពុជាទទួលបានផលប្រយោជន៏ជាងគេក្នុងវិស័យផលិត
កាបូបដៃ​ កាបូបយួរ ​កាបូបលុយបុរស-នារី​ កាបូបស្ពាយនិងវ៉ាលីសជាដើម។
យោងតាមទិន្នន័យពីក្រុមហ៊ុន សេនធ្លើ ដ្រេត អិលអិលស៊ី (Sandler Trade LLC) កាលពីឆ្នាំ២០១៥ កម្ពុជាឈរលើលេខរៀងទី១៤ក្នុងចំណោម២៥ប្រទេសនៅលើពិភពលោកដែលបាននាំចេញកាបូប
សម្រាប់ដាក់សម្ភារៈធ្វើដំណើរទៅកាន់អាមេរិកមានទឹកប្រាក់ចំនួនជិត៥០លានដុល្លារ។
សហរដ្ឋអាមេរិកមានជំនឿថាប្រព័ន្ធអនុគ្រោះពន្ធទូទៅសម្រាប់ផលិតផលកាបូបនាំចូលទៅសហរដ្ឋ
អាមេរិកនឹងផ្តល់ផលប្រយោជន៍ជាច្រើនដល់ប្រទេសដែលនាំចូល ហើយកម្ពុជាជាប្រទេសមួយ
ដែលមានសក្កានុពលនៅក្នុងវិស័យទាំងនេះ។

ប្រធានសភាវៀតណាមគ្រោងមកបំពេញទស្សនកិច្ច​នៅ កម្ពុជាចំនួន២ថ្ងៃ

ប្រធានរដ្ឋសភាសាធារណរដ្ឋសង្គមនិយមវៀតណាម លោកស្រី

 NGUYEN THI KIM NGAN

ដោយ ​លោក ​នុប គីម

ប្រធានរដ្ឋសភាសាធារណរដ្ឋសង្គមនិយមវៀតណាម លោកស្រី NGUYEN THI KIM NGANនឹងដឹក
នាំគណៈប្រតិភូជាន់ខ្ពស់មួយក្រុមមកបំពេញទស្សនកិច្ចផ្លូវការនៅក្នុងប្រទេសកម្ពុជានាសប្ដាហ៍
ក្រោយនេះ។
នេះបើយោងតាមសេចក្ដីជូនដំណឹងរបស់អគ្គលេខាធិការដ្ឋានរដ្ឋសភាកម្ពុជាចេញផ្សាយនៅថ្ងៃ
អង្គារនេះឲ្យដឹងថាទស្សនកិច្ចរបស់លោកស្រីមានរយៈពេល២ថ្ងៃគិតចាប់ពីថ្ងៃទី២៧ដល់ ថ្ងៃទី២៨
ខែកញ្ញាខាងមុខ។

លោក​សុន​ ឆ័យប្រកាសពីតំណាងរាស្ត្របក្សខ្លួន នឹងចូល​សភាវិញនៅខែក្រោយ

លោក សុន ឆ័យ(កណ្តាល) និងតំណាងរាស្រ្តផ្សេងៗទៀតចុះទៅសួរសុខទុក្ខអ្នកជាប់

គុកព្រៃសនាព្រឹកមិញនេះ

ផដោយ លោក ជា វិបុល

លោក​សុន​ឆ័យប្រធានក្រុមតំណាងរាស្ត្រគណបក្សសង្គ្រោះជាតិប្រកាសនៅថ្ងៃនេះថា ថ្នាក់ដឹក
នាំបក្សប្រឆាំងនេះកំពុងពិចារណាក្នុងការចូលរួមប្រជុំសភាពេញអង្គនៅខែក្រោយ ក្រោមហេតុ
ផលថាដើម្បីដោះស្រាយបញ្ហាមួយចំនួនដែលកំពុងកើតមាន។
លោក​សុន​ឆ័យប្រកាសបែបនេះបន្ទាប់ពីលោកនាយករដ្ឋមន្ត្រីហ៊ុន សែនជេរប្រមាថការទានមន្ត្រី
និងគណបក្សប្រឆាំងនេះទាំងមូលកាលពីម្សិលមិញថា “បើអញ់ចរចាគឺឆ្កែសុទ្ធ” ដោយលោកពោល
សំដៅទៅនឹងការគំរាមធ្វើបាតុកម្មរបស់បក្សប្រឆាំងដើម្បីចាប់បង្ខំគណបក្សប្រជាជនកម្ពុជាកំពុង
កាន់អំណាចឲ្យចូលតុចរចា។ លោកហ៊ុន​សែនក៏បង្ហើបថា “ច្រកមានតែមួយគត់គឺសភា”។​

ឧត្តមសេនីយ៍ឯក ចាន់ វ៉ាន់ធឿនឲ្យលោកអ៊ុំ​ មុន្នីព្យាយាម ចរចាលុយកាក់​ជាមួយម្ចាស់ សហគ្រាស ផលិតនិង វេចខ្ចប់ ថ្នាំលាបសក់

លោក ចាន់ វ៉ានឌឿន (ពាក់ផ្កាយ៣)និងលោកឡុង ស្រេង (ស្តាំ) ជាបក្ខពួកតែមួយក្នុង
ការចុះចាប់ទំនិញរបស់ពលរដ្ឋយកលុយ ហើយដោះលែងវិញ

 ដោយ លោក ជា វិបុល

ឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាន​ប្រឆាំងបទល្មើសសេដ្ឋកិច្ចបានបញ្ជាឲ្យ
លោកអ៊ុំ ​មុន្នីនិងលោកឡុងស្រេងជាអនុប្រធានរបស់លោកឲ្យទៅជួបចរចាលុយកាក់ជាមួយ
ម្ចាស់សហគ្រាសផលិតនិង វេចខ្ចប់ថ្នាំលាបសក់​ «ខល័រ និង ប៊្លូប្រឺហ្វេសិនណល»ដើម្បីជាថ្នូរ
និងការអនុញ្ញាតិឲ្យសហគ្រាសនេះបន្តដំណើរឡើងវិញ។ នេះបើតាមការអះអាងរបស់ម្ចាស់

សហគ្រាសនេះនាព្រឹកមិញនេះ។

ក្រុមតំណាងរាស្ត្របក្សប្រឆាំងថារដ្ឋាភិបាលដើរ នយោបាយខុស​ទើប កសិកររងគ្រោះ ដោយសារ គ្មានទីផ្សារស្រូវ

កសិករប្រមាណ១០០០នាក់បាតុកម្មបិទផ្លូវជាតិលេខ៥ក្នុងស្រុកសង្កែ ខេត្តបាត់ដំបង

កាលពីម្សិលមិញដើម្បីទាមទារឲ្យរដ្ឋាភិបាលជួយរកទីផ្សារស្រូវឲ្យបានតម្លៃសមស្រប

ដោយ លោក នុប​ គីម
 
ក្រុមតំណាងរាស្ត្រគណបក្សសង្គ្រោះជាតិបានចេញសេចក្ដីថ្លែងការណ៍មួយនៅថ្ងៃចន្ទនេះ ដោយ
អះអាងថារដ្ឋាភិបាលដើរនយោបាយខុសទើបបង្កឲ្យកសិកររងគ្រោះដោយសារគ្មានទីផ្សារកសិផល
និងតម្លៃស្រូវចុះថោក។
ក្រុមមន្ត្រីបក្សប្រឆាំងនេះក៏អំពាវនាវឲ្យរដ្ឋាភិបាលលោកហ៊ុន សែនជួយរកដំណោះស្រាយដល់
កសិករដែលកំពុងរងគ្រោះដោយសារគ្មានទីផ្សារលក់ផលិតផលរបស់ខ្លួន ជាពិសេសតម្លៃស្រូវ
ចុះថោក។

អ្នកស្រី បូ ឆវីទ្រហូយំបន្ទាប់ពីតុលាការកាត់ទោសឲ្យ ជាប់ពន្ធនាគារ៦ខែជាមួយ ស្ត្រីបឹងកក់ ៣នាក់ទៀត

 

អ្នកស្រី បូ ឆវី សកម្មជនដីធ្លីបឹងកក់ម្នាក់ក្នុងចំណោម៤នាក់ទ្រហូយំនៅមុខតុលាការភ្នំពេញ

បន្ទាប់ពីត្រូវបានផ្តន្ទាទោសឲ្យជាប់ពន្ធនាគារ៦ខែនៅព្រឹកមិញនេះ

ដោយ លោក ជា វីរះ

អ្នកស្រីបូ ឆវីជាសកម្មជនដីធ្លីម្នាក់ក្នុងចំណោមស្រ្តីសកម្មជនដីធ្លីបឹងកក់៤នាក់បានទ្រហូយំបន្ទាប់
ពីចៅក្រម​សាលាដំបូង​រាជធានី​ភ្នំពេញ សម្រេច​ផ្ដន្ទាទោស​ពួកគេទាំង៤ ​នាក់ ដាក់​ពន្ធនាគារ​៦​ខែ ពី​បទ​ប្រមាថ​អ្នក​រាជការ​សាធារណៈ និង​បទ​ប្រឆាំង​នឹង​អ្នក​រាជការ​សាធារណ​មាន​ស្ថាន​ទម្ងន់​ទោស។
ក្នុង​សវនាការ​នៅថ្ងៃទី១៩ កញ្ញានេះ ស្ត្រី​សកម្មជន​ដីធ្លី​បឹងកក់ ៤​នាក់​ដែល​ត្រូវ​តុលាការ​ផ្ដន្ទាទោស​នោះ​មាន​វត្តមាន​តែ​បី​នាក់​ប៉ុណ្ណោះ គឺ​អ្នកស្រី ទេព វន្នី អ្នកស្រី បូ ឆវី អ្នកស្រី គង់ ចន្ថា។ ចំណែក​អ្នកស្រី ហេង មុំ ពុំ​មាន​វត្តមាន​ក្នុង​សវនាការ​ឡើយ។

លោកហ៊ុន សែនថាបក្សប្រឆាំងមិនអាចគំរាមធ្វើបាតុកម្ម​ ដើម្បីបង្ខំឲ្យចូលតុចរចា បានទេ

លោក ហ៊ុន សែនបញ្ជាក់ថាមេបក្សប្រឆាំងមិនអាចគំរាមធ្វើបាតុកម្មដើម្បីបង្ខំបក្សកាន់

អំណាចឲ្យចូលតុចរចាបានទេ

ដោយ លោក ជា វិបុល

លោកនាយករដ្ឋន្រ្តី ហ៊ុន សែន បានថ្លែងនៅថ្ងៃនេះថា គណបក្សប្រឆាំងគំរាមគណបក្សកាន់
អំណាចឲ្យចូលតុចរចារចាដោយប្រកាសធ្វើមហាបាតុកម្ម​ប៉ុន្តែលោកថាការគំរាមនេះមិនអាច
ទៅរួចនោះទេ។
លោកថ្លែងថា៖ “គំរាមគេធ្វើបាតុកម្មដើម្បីចរចា! អត់ផ្លូវទេអាពៅ និយាយគ្នាឲ្យច្បាស់ ចង់ចរចា
និយាយគ្នាឲ្យត្រង់ និយាយឲ្យស្រួល បាតុកម្ម! ចរចា! បើអញចរចា ឆ្កែសុទ្ធហាស! ប្រាប់ឲ្យហើយ
ទៅ!…កន្លែងតែមួយគត់ គឺសភា”។
លោកនាយករដ្ឋមន្ត្រីបានបញ្ជាក់ទៀតថា គ្មានទេការចរចា ប្រសិនបើគណបក្សប្រឆាំងនៅតែ
ព្រមានធ្វើបាតុកម្ម ដើម្បីដាក់សម្ពាធឲ្យរដ្ឋាភិបាលវិលចូលតុចរចានោះ។

លោកនាយករដ្ឋមន្ត្រីប្រកាសរៀបចំពិធីបុណ្យអុំទូក នៅឆ្នាំនេះ

 

លោក នាយករដ្ឋមន្ត្រី ហ៊ុន សែនថ្លែងក្នុងពិធី ចែកសញ្ញាបត្រដល់និស្សិតនៅព្រឹក

មិញនេះ។

ដោយ លោក នុប គីម
 
លោកនាយករដ្ឋមន្ត្រី ហ៊ុន សែន ប្រកាសរៀបចំពិធីបុណ្យអុំទូកនៅឆ្នាំនេះឲ្យបានបើទោះបីជាកម្រិត
ទឹកធ្លាក់ទាបរហូតដល់ត្រឹមជម្រៅ២ម៉ែត្រក៏ដោយ។
ក្នុងពិធីចែកសញ្ញាបត្រដល់និស្សិតនៃសកលវិទ្យាល័យមួយនៅព្រឹកថ្ងៃចន្ទនេះលោកនាយករដ្ឋមន្ត្រី
បានរំឭកពីការរៀបចំពិធីបុណ្យអ៊ុំទូកនៅឆ្នាំនេះ ហើយលោកប្តេជ្ញារៀបចំធ្វើឲ្យបាន។
លោកបញ្ជាក់ថា៖ «ឆ្នាំនេះ អុំទូកហើយ ទោះបីយ៉ាងណាក៏ដោយ ទឹកសល់តែ២ម៉ែត្រក៏អុំដែរ»។
តាមប្រតិទិននៅឆ្នាំនេះ បុណ្យអុំទូកនឹងប្រព្រឹត្តទៅនៅថ្ងៃទី១៣, ១៤ និង១៥ខែវិច្ឆិកា។ ក៏ប៉ុន្តែ
ប៉ុន្មានឆ្នាំចុងក្រោយនេះ បុណ្យអុំទូកបានផ្អាកអ៊ុំជាបន្តបន្ទាប់គឺចាប់ពីឆ្នាំ២០១១ដល់ឆ្នាំ២០១៥
ដោយលោកនាយករដ្ឋមន្ត្រីលើកឡើងពីមូលហេតុថាទឹកច្រើនពេកមិនអាចអុំទូកបានទេ។
ទោះជាយ៉ាងណា​អ្នកតាមដានស្ថានការណ៏នយោបាយកម្ពុជាមើលឃើញថាលោកហ៊ុន សែន
ហ៊ានប្រកាសរៀបចំពិធីបុណ្យអុំទុកនៅឆ្នាំ​២០១៦នេះដោយសាររដ្ឋាភិបាលរបស់លោកគ្រប់គ្រង
ស្ថានការណ៏នយោបាយបានទាំងស្រុងដោយលោកប្រើប្រព័ន្ធតុលាការនិងកងកម្លាំងប្រដាប់អាវុធ
វាយបំបាក់ស្មារតីគណបក្សសង្គ្រោះជាតិនាពេលនេះ៕

បក្ស​សង្គ្រោះ​ជាតិ ខេត្ត​កំពង់ធំបើកយុទ្ធនាការរៃអង្គាស ប្រាក់ជួយ​ពលរដ្ឋមួយគ្រួសារត្រូវ តុលាការរឹបអូស ផ្ទះសម្បែង

 

លោក​ ស៊ុយ ស៊ីម និងអ្នកជិតខាងម្នាក់ត្រូវសមត្ថកិច្ចចាប់វ៉ៃខ្នោះពេលចុះអនុវត្តដីការឹបអូស

ផ្ទះសម្បែងនិងដីធ្លីកាលពីថ្ងៃ ទី ១៦ កញ្ញានេះ

មន្ត្រី​គណបក្ស​សង្គ្រោះ​ជាតិ ខេត្ត​កំពង់ធំ កំពុងបើកយុទ្ធនាការ​ស្វែងរក​ថវិកា​ជួយ​ពលរដ្ឋ​មួយ​គ្រួសារ​រស់នៅ​ឃុំ​ត្នោតជុំទី២ ស្រុក​បារាយណ៍ខេត្តកំពង់ធំ  គឺ​ដើម្បី​ជួយ​ឲ្យ​ពួក​គាត់​មាន​ដីធ្លី និង​ផ្ទះ​សម្បែង​សមរម្យ​សម្រាប់​រស់នៅ​ឡើង​វិញបន្ទាប់ពី ព្រះរាជអាជ្ញា​រង​អម​សាលា​ដំបូង​ខេត្ត ព្រម​ទាំង​មន្ត្រី​សមត្ថកិច្ច​ស្រុក​ជាច្រើន​នាក់ បាន​ចុះ​អនុវត្ត​សាល​ដីកា ហើយ​បាន​រុះរើ​ផ្ទះ​សម្បែង​របស់ លោកស៊ុយ ស៊ីម ជា​ពលរដ្ឋ និង​ជា​សកម្មជន​គណបក្ស​ប្រឆាំងនេះកាលពីថ្ងៃ ទី​១៦​កញ្ញា​ឆ្នាំ ២០១៦នេះ។

លោកកឹម ​សុខាព្រមានបក្សកាន់អំណាចឲ្យគោរពសិទ្ធិ ស្មើគ្នា​ដើម្បីបញ្ជៀសការបង្ហូរឈាម

លោក កឹម សុខាប្រធានស្តីទីបក្សសង្គ្រោះជាតិ

ដោយ កញ្ញា ប្រាក់​ ដាលីន

មេដឹកនាំគណបក្សសង្គ្រោះជាតិ លោក កឹម សុខា នៅព្រឹកថ្ងៃនេះ បានព្រមានគណបក្ស
ប្រជាជនកម្ពុជាកំពុងដឹកនាំរដ្ឋាភិបាលឲ្យគោរពសិទ្ធិស្មើភាពគ្នាទៅវិញទៅមកដើម្បីបញ្ចៀស
ការបង្ហូរឈាម និងបដិវត្ដន៍។
លោក កឹម សុខា ថ្លែងថា៖ “មិនចង់ឃើញការបង្ហូរឈាម មិនចង់ឃើញបដិវត្ដន៍ មិនចង់
ឃើញការឈ្លោះប្រកែកគ្នា មិនចង់ឃើញការឈឺចាប់ សូមឲ្យគោរពសិទ្ធិមនុស្សដូចៗគ្នា
ទៅ”។

បញ្ហាស្រូវចុះថោកឈានដល់ការធ្វើបាតុកម្ម បិទផ្លូវជាតិ​លេខ៥ក្នុង ខេត្តបាត់ដំបង

 

នាង ហេង ជីវ័ន្តជាកសិករម្នាក់នៅខេត្តបាត់ដំបងប្រមួលផលស្រូវរបស់នាងក្នុងទឹកមុខ

ញញឹម​តែបែរជាអស់សង្ឈឹមនៅពេលតម្លៃស្រូវថោកហួសហេតុពេក

ដោយ លោក នុប គីម

បញ្ហាស្រូវរបស់កសិករខ្មែរចុះថោកឈានទៅដល់ការធ្វើបាតុកម្មហើយនៅពេលនេះ​បើទោះ
បីជាលោកនាយករដ្ឋមន្ត្រីហ៊ុន សែនបានប្រកាសកាលពីដើមសប្តាហ៏នេះថារដ្ឋាភិបាល
របស់លោកបានបញ្ចេញថវិកាជាតិប្រមាណ២០លានដុល្លារដើម្បីអន្តរាគមន៏តម្លៃស្រូវដ៏ថោក
នេះឲ្យបានងើបថ្លៃឡើងវិញ។
នៅ​ម៉ោង​ជាង ១០​ព្រឹក​ថ្ងៃ​ទី​១៨ កញ្ញា នេះប្រជា​កសិករ​ប្រមាណ ១​ពាន់​នាក់ យក​គោយន្ត និង​ចាក់​ស្រូវ​បិទ​ផ្លូវ​ជាតិ​លេខ​៥ នៅ​ចំណុច​មុខ​សាលា​ឃុំ​កំពង់ព្រៀង ស្រុក​សង្កែ ខេត្ត​បាត់ដំបង ទាមទារ​ឲ្យ​អាជ្ញាធរ​ដោះស្រាយ​បញ្ហា​តម្លៃ​ស្រូវ​ធ្លាក់​ចុះ និង​រក​ទីផ្សារ​លក់​ផលិតផល​កសិផល​របស់​ពួក​គាត់។ ការ​បិទ​ផ្លូវ​ កើត​ឡើង​បន្ទាប់​ពី​តម្លៃ​ស្រូវ​ធ្លាក់​ចុះ​ថោក និង​គ្មាន​ទីផ្សារ ស្រប​ពេល​ដែល​កសិករ​ចាប់​ផ្ដើម​ប្រមូល​ផល​កសិផល​របស់​ពួក​គេ។

លោកកឹម ​សុខាមិនទាន់ចុះឈ្មោះបោះឆ្នោត​ខណះគ.ជ.ប ប្រកាស ថាពលរដ្ឋជាង២លាន៤២ ម៉ឺននាក់បានទៅ ចុះឈ្មោះ

លោក កឹម សុខាមិនទាន់ទៅចុះឈ្មោះបោះឆ្នោតទេរហូតមកដល់ព្រឹកថ្ងៃអាទិត្យនេះ

ដោយ លោក ជា វិបុល
 
ប្រធានស្តីទីគណបក្សសង្គ្រោះជាតិលោកកឹម ​សុខាមិនទាន់បានទៅចុះឈ្មោះបោះឆ្នោតនៅ
ឡើយទេរហូតមកដល់ថ្ងៃអាទិត្យនេះ​ខណះគណៈកម្មាធិការជាតិរៀបចំការបោះឆ្នោត(គ.ជ.ប) បានប្រកាសថា មានប្រជាពលរដ្ឋជាង ២លាន ៤២ម៉ឺននាក់ បានទៅចុះឈ្មោះបោះឆ្នោតនៅ
ក្នុងរយៈពេល ១៧ថ្ងៃដំបូង នៃដំណើរការចុះឈ្មោះបោះឆ្នោតនៅទូទាំងប្រទេស។
លោកកឹម សុខាត្រូវបានតុលាការភ្នំពេញកាត់ទោសឲ្យជាប់ពន្ធនាគារ៥ខែនិងពិន័យជាប្រាក់
៨សែនរៀលប្រហែល២០០ដុល្លារសហរដ្ឋអាមេរិកកាលពីថ្ងៃ ទី ៩ កញ្ញា ឆ្នាំ ២០១៦ពីបទមិន
ចូលបំភ្លឺនៅតុលាការតាមការកោះហៅក្នុងសំណុំរឿងស្នេហាលួចលាក់របស់លោកជាមួយនាង
ខុម ចាន់តារាទីហៅស្រីមុំ។

លោកសម​រង្ស៊ីះ​ អ្នកដឹកនាំប្រទេសកម្ពុជាសព្វថ្ងៃអាច ត្រូវជាប់សំណាញ់​តុលាការ ព្រហ្មទណ្ឌអន្តរជាតិ

ដោយ កញ្ញា សុខ​ឆេង
 

ប្រធានគណបក្សសង្គ្រោះជាតិលោកសម រង្ស៊ីសរសេរលើបណ្តាញសង្គមហ្វេសប៊ុករបស់

លោកនៅព្រឹកនេះថាអ្នកដឹកនាំប្រទេសកម្ពុជាសព្វថ្ងៃអាចត្រូវជាប់សំណាញ់តុលាការព្រហ្ម

ទណ្ឌអន្តរជាតិ(ICC) ។

លោកសម ​រង្ស៊ីអះអាងថាមកដល់ពេលនេះ តុលាការព្រហ្មទណ្ឌអន្តរជាតិបានកាត់ទោស ហើយចាប់ដាក់គុកជនឧក្រិដ្ឋ ដែលធ្លាប់បានធ្វើជាមេដឹកនាំផ្តាច់ការនៃប្រទេសមួយចំនួន

ដែលខ្លួនបានប្រព្រឹត្តបទឧក្រិដ្ឋសម្លាប់រង្គាល និងប្រល័យពូជសាសន៍។ តែនេះជាលើកទី

មួយហើយ ដែលតុលាការព្រហ្មទណ្ឌអន្តរជាតិ សម្រេចចាត់ការចំពោះជនឧក្រិដ្ឋមួយ

ប្រភេទទៀត ដែលអនុវត្តនយោបាយរឹបអូសយកដីធ្លីប្រជាពលរដ្ឋរបស់ខ្លួន និងកាប់បំផ្លាញ

ព្រៃឈើ នៅក្នុងប្រទេសដែលខ្លួនដឹកនាំ។ តុលាការចាត់ទុកថានយោបាយបែបនេះ គឺជាការ

ធ្វើបាបយ៉ាងអមនុស្សធម៌ និងជាការសម្លាប់មនុស្សក្នុងទ្រង់ទ្រាយធំ ទោះជាសម្លាប់បន្តិចម្តងៗ

ក៏ដោយ តែលទ្ធផលចុងក្រោយមិនខុសពីការសម្លាប់រង្គាល និងប្រល័យពូជសាសន៍ឡើយ។ 

តាមទស្សនៈនេះហើយ បានជាថ្នាក់ដឹកនាំប្រទេសកម្ពុជាសព្វថ្ងៃ អាចជាប់សំណាញ់តុលាការ

ព្រហ្មទណ្ឌអន្តរជាតិ ក្នុងពេលឆាប់ៗខាងមុខនេះ។

លោកហ៊ុន សែនប្រកាសបញ្ចេញថវិកាជាតិប្រមាណ ២០លាន ដុល្លារជួយស្រោច ស្រង់តម្លៃស្រូវ

 

កសិករប្រមូលផលស្រូវនៅឆ្នាំនេះនៅខេត្តបាត់ដំបងចំពេលតម្លៃស្រូវធ្លាក់ចុះយ៉ាងខ្លាំង

ដោយ លោក​ ជា វិបុល
 
លោក​នាយករដ្ឋមន្ត្រី ហ៊ុន សែន បាន​ប្រកាស​បញ្ចេញ​ថវិកា​ប្រមាណ​ ២០​លាន​ដុល្លារ​សហរដ្ឋអាមេរិក ដើម្បី​ជួយ​អន្តរាគមន៍​ពាក់ព័ន្ធ​ការ​ធ្លាក់​ចុះ​នៃ​តម្លៃ​ស្រូវ​របស់​ ប្រជាកសិករ​បច្ចុប្បន្នដែលបង្កឲ្យមានការរិះគន់រដ្ឋាភិបាលយ៉ាងខ្លាំង។
ការ​ប្រកាស​បញ្ចេញ​ថវិកា​ប្រមាណ​ជិត ២០​លាន​ដុល្លា​សហរដ្ឋអាមេរិក របស់​លោក​នាយក
រដ្ឋមន្ត្រី ហ៊ុន សែន​នៅ​ពេល​នេះ ធ្វើ​ឡើង​នៅ​លើ​គណនី​ហ្វេសប៊ុក (Facebook) របស់​លោក
នៅ​ថ្ងៃ​ទី​១៦ ខែកញ្ញាគឺជាការឆ្លើយតបនឹងការរិះគន់យ៉ាងខ្លាំងពីសំណាក់ប្រធានគណបក្ស
សង្គ្រោះជាតិលោក​សម រង្ស៊ី។

លោកស ខេងមិនត្រូវបណ្តោយឲ្យលោកចាន់ វណ្ណធឿន និងលោកអ៊ុំ ម៉ូនីបង្កើតបក្ខនិយមនិងពុករលួយនៅក្នុង នាយកដ្ឋាននគរបាលសេដ្ឋកិច្ច

លោក ស ខេង មើលមិនឃើញ លោក ចាន់ វណ្ណធឿនប្រធានថ្មីនៃនាយកដ្ឋាន

នគរបាលសេដ្ឋកិច្ចល្បីខាងបង្កើតបក្ខពួកនិយមនិងពុករលួយធ្វើឲ្យមន្ត្រីក្រោមឱវាទ

មិនពេញចិត្ត

ដោយ លោក នុប គីម

លោកឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ ស ខេងមិនត្រូវបណ្តោយឲ្យលោកឧត្តម
​សេនីយ៏ឯក(ផ្កាយ៣)​ ចាន់​ វណ្ណធឿនប្រធាន នាយកដ្ឋាន​ប្រឆាំង​បទល្មើស​សេដ្ឋកិច្ច​នៃ​ក្រសួង
មហាផ្ទៃ ដែលទើបតែងតាំងថ្មីនិងលោក​អ៊ូ​ ម៉ូនីជាអនុប្រធាននាយកដ្ឋាននេះបង្កើតបក្ខពួកនិយម
និងអំពើពុករលួយក្នុងការ «​ចាត់​តាំងតែ​មន្ត្រី​ជា​បក្សពួក​របស់ខ្លួន​ឲ្យ​ចុះ​បំពេញបេសកកម្ម តាម
បណ្តា​រាជធានី ខេត្ត​/​ក្រុង ហើយ​ការចាត់តាំង​នោះ​ពោល​ពេញ​ដោយ​អំពើពុករលួយនិងបក្ខពួក
និយមដោយបង្កឲ្យមានភាពចម្រូងចម្រាសនិងច្របូកច្របល់នៅក្នុងស្ថាប័នរដ្ឋមួយនេះថែម
ទៀត» ។

លោក អ៊ុំ​ មុន្នី(ក្បាលទំពែកពាក់ផ្កាយមួយ) ពូកែដាក់កម្លាំងនគរបាលចាប់ពលរដ្ឋ

យកលុយទូទាំងប្រទេស។

យោងតាមប្រភពពីក្រុមមន្ត្រីនគរបាលនៃនាយកដ្ឋានបទល្មើសសេដ្ឋកិច្ចឲ្យដឹងថាលោក ចាន់ វណ្ណធឿនដែលទើបឡើងកាន់តំណែងថ្មីនេះបានតែងតាំងបក្ខពួករបស់ខ្លួនឈ្មោះ អ៊ុំ ម៉ូនីជា
អនុប្រធានរបស់ខ្លួនដើម្បីងាយស្រួលក្នុងការចាត់ចែងលក់លិខិតបេសកកម្ម (លិខិត P) ទៅឲ្យ
មន្ត្រីដទៃទៀតក្នុងតម្លៃចាប់ពីមួយម៉ឺនដុល្លារឡើងទៅៗតាមទីតាំងខេត្តដែលសំបូរបទល្មើស
សេដ្ឋកិច្ច។ នេះជាការប្រព្រឹត្តអំពើពុករលួយដ៏ធ្ងន់ធ្ងរមួយនៅក្នុងស្ថាប័នរដ្ឋមួយនេះ។