ស្ត្រីជនជាតិអេស្ប៉ាញឈ្មោះ Marga
Bucosa Segada ត្រូវសមត្ថកិច្ចចាប់ខ្លួននៅម៉ោងជិត១១ព្រឹកនេះ
ដោយ លោក នុប គីម
សមត្ថកិច្ចខណ្ឌដូនពេញនៅព្រឹកនេះបានចាប់ខ្លួនស្ត្រីជាជនបរទេសម្នាក់បញ្ជូនទៅអគ្គនាយកដ្ឋាន
អន្តោប្រវេសន៏ ដើម្បីសួរនាំបន្ទាប់ពីជនបរទេសរូបនោះបានតាមដានឃ្លាំមើលសកម្មជនដីធ្លីបឹង
កក់ពីរនាក់ដែលសមត្ថកិច្ចចាប់ឃុំខ្លួនតាំងពីល្ងាចថ្ងៃ ច័ន្ទម្សិលមិញ។
ស្ត្រីជនជាតិអេស្ប៉ាញឈ្មោះ Marga Bucosa Segada ត្រូវសមត្ថកិច្ចចាប់ខ្លួននៅម៉ោងជិត១១ព្រឹកនេះ នៅអធិការដ្ឋាននរបាលខណ្ឌដូនពេញ នៅពេលដែលរូបគាត់តាមដានឃ្លាំមើលសមត្ថកិច្ចកំពុង
សាកសួរសកម្មជនដីធ្លីនៅបឹងកក់២រូបគឺអ្នកស្រី បូវ សោភា និងអ្នកស្រី ទេពវន្នី ត្រូវសមត្ថកិច្ចចាប់
ខ្លួនតាំងពីល្ងាចថ្ងៃ ច័ន្ទទី១៥សីហា ពាក់ព័ន្ធយុទ្ធនាការអាវខ្មៅ។
តាមការអះអាងរបស់មន្ត្រីសង្គមស៊ីវិលដែលកំពុងតាមដានករណីចាប់ខ្លួននេះ បានឲ្យដឹងថា ស្ត្រីជនជាតិបរទេសនោះជាអ្នកស្រាវជ្រាវពីបញ្ហាសិទ្ធិមនុស្សនៅកម្ពុជា ប៉ុន្តែមិនទាន់ដឹងច្បាស់
ថាមកពីស្ថាប័នណានោះទេ។
សមត្ថកិច្ចអះអាងនៅកន្លែងចាប់ខ្លួនថា ពួកគេនឹងដោះលែងជនបរទេសរូបនេះឲ្យមានសេរីភាពវិញ បើសិនជាសួរនាំទៅរកឃើញមានឯកសារគ្រប់គ្រាន់ក្នុងការមកស្នាក់នៅកម្ពុជា។
នៅពេលចាប់ខ្លួនគេសង្កេតឃើញស្រ្តីបរទេសរូបនោះមាបការរឹងទទឹងនឹងក្រុមសន្តិសុខខណ្ឌដូន
ពេញដែរតែមិនអាចរារាំងការនាំខ្លួនឡើងរថយន្តសន្តិសុខបានឡើយ។
រហូតមកដល់ម៉ោងនេះសកម្មជនដីធ្លីពីរនាក់គឺអ្នកស្រី បូវ សោភា និងអ្នកស្រី ទេពវន្នីមិនទាន់ត្រូវ
បានដោះលែងនោះទេទំនងជាត្រូវបញ្ជូនទៅតុលាការទៀតផង៕
សមត្ថកិច្ចចាប់ខ្លួនអ្នកបឹងកក់ពេលកំពុងរៀបចំពិធីប្រមាថមន្ត្រីអាជ្ញាធរចំពោះការចាប់
ខ្លួនមន្ត្រីសិទ្ធិមនុស្សនិងគ.ជ.បនិងការបាញ់សម្លាប់លោកកែម ឡីដោយមានសូន្យរូបផ្សេង។
0 comments:
Post a Comment