លោក អ៊ុំ សំអានតំណាងរាស្ត្រខេត្តសៀមរាប
ដោយ កញ្ញា ប្រាក់ ដាលីន
តុលាការកំពូលនៅព្រឹកថ្ងៃពុធនេះបានបើកសវនាការលើបណ្តឹងសារទុក្ខរបស់លោក អ៊ុំ សំអាន តំណាងរាស្ត្រគណបក្សសង្គ្រោះជាតិ បន្ទាប់ពីមេធាវីការពារក្តីបានប្តឹងជំទាស់នឹងការឃុំខ្លួន
តំណាងរាស្ត្ររូបនេះតាំងពីខែមេសាមក។
លោក អ៊ុំ សំអាន ត្រូវបានតុលាការចោទពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ (បង្កឲ្យមាន
ភាពវឹកវរធ្ងន់ធ្ងរ ដល់សន្តិសុខសង្គម) និងបទញុះញង់ឲ្យមានការរើសអើង បន្ទាប់ពីលោកបានរិះ
គន់រដ្ឋាភិបាលកម្ពុជាថាប្រើប្រាស់ផែនទីក្លែងក្លាយក្នុងការបោះបង្គោលព្រំដែនជាមួយវៀតណាម។
កាលពីថ្ងៃទី៥ ខែកញ្ញា ឆ្នាំ២០១៦សាលាដំបូងរាជធានីភ្នំពេញបានបើកសវនាការលើសំណុំរឿង
នេះ តែលើកពេលប្រកាសសាលក្រមទៅថ្ងៃទី១០ ខែតុលា ខាងមុខនេះ។ ហើយខណះនោះដែរមេធាវីលោកអ៊ុំសំអានក៏បានដាក់ពាក្យប្តឹងជំទាស់ការកាត់ក្តីនោះដោយសំអាងថាកូនក្តីរបស់ខ្លួន
ជាតំណាងរាស្ត្រមានអភ័យឯកសិទ្ធិដែលតុលាការមិនអាចកាត់ទោសបានឡើយ។
លោក អ៊ុំ សំអាន ត្រូវបានសមត្ថកិច្ចចាប់ខ្លួននៅពាក់កណ្តាលយប់ថ្ងៃទី១១មេសានៅក្រុងសៀមរាប ទាំងមិនបានដកអភ័យឯកសិទ្ធិជាតំណាងរាស្ត្រ ក្រោយពីលោកចូលមកកម្ពុជាវិញដើម្បីចូលរួម
ពិធីបុណ្យចូលឆ្នាំប្រពៃណីជាតិខ្មែរ។
តុលាការកំពូលអះអាងថាខ្លួននឹងប្រកាសសាលក្រមសម្រេចករណីលោកអ៊ុំសំអាននៅពេលបាយ
ថ្ងៃត្រង់នេះ៕
0 comments:
Post a Comment