លោកស្រី ប៊ូ រចនាភរិយាសពលោក កែម ឡីដ៏ល្បីល្បាញមិនបានចូលរួមពិធីបុណ្យ
១០០ថ្ងៃនេះទេ។
ដោយ លោកនុប គីម
យុវជនទូទៅក៏ដូចជាក្រុមយុវជនគណបក្សសង្គ្រោះជាតិហាក់បីដូចជាមិនសូវចាប់អារម្មណ៏នឹង
ពិធីរៀបចំខួ១០០ថ្ងៃសពលោកកែមឡីអ្នកវិភាគបញ្ហាសង្គមទេបើទោះបីសាលារាជធានីភ្នំពេញ
អនុញ្ញាតឲ្យពិធីនេះរៀបចំនៅវត្តពោធិយារាមហៅវត្តចាស់ក៏ដោយ។ការមិនចាប់អារម្មណ៏ពីក្រុមយុវជននេះក៏នាំឲ្យមានការរាំងស្ទះក្នុងការធ្វើរោងបុណ្យនិងរៀបចំ
សម្ភារះបុណ្យផ្សេងៗទៀតផងដែរ។
ដោយមើលឃើញភាពស្ងាប់ស្ងាត់ពីក្រុមយុវជនដែលធ្លាប់ជួយជ្រោមជ្រែងពិធីបុណ្យសពលោកកែមឡីពេលត្រូវបានខ្មាន់កាំភ្លើងមិនគ្រប់ទឹកឈ្មោះអឿតអ៊ាងហៅជួបសម្លាប់បាញ់ពីរគ្រាប់នៅក្នុង
ហាងស្តារម៉ាតកាល់តិចក្បែរស្តុបបូកគោនោះគណៈកម្មការរៀបចំបុណ្យ១០០ថ្ងៃលោក កែម ឡី អំពាវនាវឲ្យយុវជនចូលរួមស្ម័គ្រចិត្តជួយក្រុមការងារក្នុងការរៀបចំរោងបុណ្យនិងសម្ភារផ្សេងៗទៀត ខណៈពិធីបុណ្យចាប់ផ្តើមនៅថ្ងៃស្អែកនេះ ប៉ុន្តែការងារមួយចំនួននៅមិនទាន់រៀបចំហើយទេ។
សមាជិកគណៈកម្មការបុណ្យ ព្រះតេជគុណ ប៊ុត ប៊ុនតិញដែលទទួលបានបច្ច័យរាប់ម៉ឺនដុល្លារ
ពីកេរ្តិ៍លោកកែមឡីនោះ មានសង្ឃដីកានៅកន្លែងរៀបចំរោងបុណ្យនៅព្រឹកនេះថា រោងបុណ្យទើប
រៀបចំបានប្រមាណ៣០%ប៉ុណ្ណោះ។ ព្រះតេជគុណបន្តថា ចំណែកការរៀបចំផ្កាតុបតែងនិងជួយ
រៀបចំសម្ភារផ្សេងៗ ក៏ត្រូវការកម្លាំងយុវជនបន្ថែមដើម្បីរៀបចំផងដែរ។
បុណ្យគម្រប់ខួប១០០ថ្ងៃរបស់លោក កែម ឡី ធ្វើរយៈពេល៤ថ្ងៃ គឺចាប់ពីថ្ងៃទី១៤ដល់ថ្ងៃទី១៧ខែ
តុលា។ ចាប់ពីថ្ងៃទី១៤និង១៥ បុណ្យធ្វើនៅវត្តចាស់ក្នុងរាជធានីភ្នំពេញចំណែកនៅថ្ងៃទី១៦ចាប់
ផ្តើមហែរូបសំណាកលោក កែម ឡី ទៅកាន់ខេត្តតាកែវ ហើយនៅថ្ងៃទី១៧ធ្វើបុណ្យនៅទីនោះ
មួយព្រឹកទៀត។
ក្រុមយុវជនគាំទ្រគណបក្សសង្គ្រោះជាតិ៥រូបដែលសកម្មក្នុងការបង្ហោះព័ត៌មានស្តីពីសពលោក
កែមឡីដែលត្រូវខ្មាន់កាំភ្លើងមិនគ្រប់ទឹកឈ្មោះ ជួបសម្លាប់បាញ់សម្លាប់កាលពីថ្ងៃ ទី១០កក្កដា
កន្លងមកនេះសម្តែងការមិនពេញចិត្តនឹងការរៀបចំពិធីបុណ្យ១០០ថ្ងៃនេះទេបន្ទាប់ពីបងប្រុស
លោកកែមឡីម្នាក់ឈ្មោះកែមរិទ្ធិសិទ្ធសម្តែងកំហឹងនឹងព្រះសង្ឃប៊ុតប៊ុនទិញចំពោះការរៀបចំ
ពិធីបុណ្យ១០០ថ្ងៃនេះនៅទីអារាមដែលជាទីសាធារណះទៅវិញ៕
0 comments:
Post a Comment