លោក កឹម សុខា និង លោក ហ៊ុន សែនរងពាក្យបណ្តឹងទៅអង្គភាពប្រឆាំងអំពើពុករលួយ
ដោយលោក រស់ សារុំ
ប្រធានសមាគមជ័យលាភីបញ្ញាជនកម្ពុជា លោក រស់ សារ៉ុម ដែលត្រូវបានគេដឹងថាជាអ្នករៀបគម្រោងប្ដឹងលោក កឹម សុខា និងលោក អេង ឆៃអ៊ាង ទៅអង្គភាពប្រឆាំងអំពើពុករលួយ ឲ្យមានការស៊ើបអង្កេតទ្រព្យសម្បត្តិ នោះបែរជាធ្វើជា ប្ដឹងលោកនាយករដ្ឋមន្ត្រី ហ៊ុន សែន ព្រមទាំងប្រធានរបស់អង្គភាពប្រឆាំងអំពើពុករលួយផ្ទាល់ គឺលោក ឱម យ៉ិនទៀង ទៀតផងដែរ។
អ្នកវិភាគយល់ឃើញថាការប្រកាសប្តឹងរបស់បុគ្គលរស់សារ៉ុំប្រឆាំងនឹងលោកនាយករដ្ឋមន្ត្រីនិង
លោកឱមយ៉ិនទៀងនេះគឺដើម្បីបង្វែងការស្វែងយល់របស់មហាជនពីនិន្នាការរបស់ខ្លួនចំពោះ
គណបក្សកាន់អំណាចតែប៉ុណ្ណោះ។តាមពិតបុគ្គលរស់សារុំនេះមានផែនការកំទេចថ្នាក់ដឹកនាំ
គណបក្សសង្គ្រោះជាតិជាពិសេសលោកកឹមសុខានិងលោកអេង ឆៃអ៊ាងដែលកំពុងរងនូវបណ្តឹង
ដ៏ធ្ងន់ធ្ថររបស់ខ្លួននាពេលនេះ។
ប្រធានសមាគមជ័យលាភីបញ្ញាជនកម្ពុជា លោក រស់ សារ៉ុម អះអាងនៅថ្ងៃនេះថា ស្ថាប័នលោកគ្រោងប្ដឹងមន្ត្រីជាន់ខ្ពស់នៃបក្សកាន់អំណាច ឲ្យបើកបង្ហាញកញ្ចប់ថវិការបស់ពួកគេដាក់ឲ្យស៊ើបអង្កេត ដើម្បីបង្ហាញពីភាពស្អាតស្អំ។
ក្រោយជំនួបប្រជុំរបស់ថ្នាក់ដឹកនាំសមាគម នៅថ្ងៃច័ន្ទ ទី១៧ តុលា លោក រស់ សារ៉ុម ដែលជាប្រធានសមាគមជ័យលាភីបញ្ញាជនកម្ពុជា បញ្ជាក់ថា ស្ថាប័នលោកនឹងយកពាក្យបណ្ដឹងប្ដឹងលោក កឹម សុខា និងលោក អេង ឆៃអ៊ាង ទៅដាក់នៅអង្គភាពប្រឆាំងអំពើពុករលួយ ក្រោយការចុះឈ្មោះបោះឆ្នោតបានបញ្ចប់ជាស្ថាពរ ដោយលើកមូលហេតុថា ស្ថាប័នលោកជាប់រវល់រៀបចំដង្ហែញត្តិនៅថ្ងៃទី២៣ តុលា ខាងមុខ និងលោកចង់ទុកពេលឲ្យប្រជាជនចុះឈ្មោះបោះឆ្នោតបានស្រួល គ្មានការប៉ះពាល់អារម្មណ៍។
លោកបញ្ជាក់ថា៖ «យើងចង់ឃើញការបោះឆ្នោតជ្រើសតាំងតំណាងរាស្ត្រនៅពេលខាងមុខ បេក្ខជនតំណាងរាស្ត្រទាំងអស់ពីគ្រប់គណបក្ស មុននឹងឈរឈ្មោះ ត្រូវប្រកាសទ្រព្យសម្បត្តិសិន»។
នៅពេលអ្នកយកព័ត៌មានយើងចោទសួរពីសមាសភាពមន្ត្រីបក្សកាន់អំណាចដែលខាងសមាគមគ្រោងនឹងប្ដឹងដែរនោះ លោក រស់ សារ៉ុម បង្ហាញពីភាពស្ទាក់ស្ទើរបន្តិច មុននឹងលោកបញ្ចេញអត្តសញ្ញាណថា លោកនឹងប្ដឹងលោកនាយករដ្ឋមន្ត្រី ហ៊ុន សែន និងលោក ឱម យ៉ិនទៀង ជាប្រធានអង្គភាពប្រឆាំងអំពើពុករលួយ ផងនោះ។
លោកអះអាងថា៖ «អ្នកទាំងពីរហ្នឹង ខ្ញុំមិនចង់ចុចឈ្មោះទេ តែជាថ្នាក់ដឹកនាំកំពូលតែម្តង។ កំពូលរបស់រដ្ឋាភិបាល និងកំពូលរបស់អង្គភាពប្រឆាំងអំពើពុករលួយ»។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា (ANSA) លោក សន ជ័យ កាលពីថ្ងៃទី១៥ តុលាអះអាងថា ខាងសមាគមរបស់លោក រស់ សារ៉ុម គួរផ្ដោតខ្លាំងទៅមន្ត្រីជួររដ្ឋាភិបាល ដែលភាគច្រើនមានទ្រព្យស្តុកស្តម្ភ។
លោក រស់ សារ៉ុម ធ្លាប់បានប្ដឹងមន្ត្រីរបស់គណៈកម្មាធិការជាតិរៀបចំការបោះឆ្នោត (គ.ជ.ប) ទៅអង្គភាពប្រឆាំងអំពើពុករលួយដែរ ប៉ុន្តែត្រូវបានអង្គភាពមិនចាត់ការបណ្ដឹងនេះ ដោយសារខ្វះភស្តុតាង។ លោក រស់ សារ៉ុម បានចេញមុខសុំទោសជាសាធារណៈទៅ គ.ជ.ប កាលពីខែមិថុនា កន្លងទៅ។
ចំពោះករណីគណបក្សសង្គ្រោះជាតិ វិញ គម្រោងប្ដឹងនេះកើតឡើងដោយសារលោក រស់ សារ៉ុម ថាទ្រព្យសម្បត្តិថ្នាក់ដឹកនាំគណបក្សនេះមានការកើនឡើងខ្លាំង ដូចជាចម្ការម្រេចរបស់លោក កឹម សុខា និងវីឡារបស់លោក អេង ឆៃអ៊ាង នៅបុរីសែនសុខ រាជធានីភ្នំពេញ ដែលទើបតែទិញថ្មីៗ។
លោក រស់ សារ៉ុម ថាលោកមិនទាន់អាចចែករំលែកព័ត៌មានលម្អិតទាក់ទងនឹងគម្រោងប្ដឹងលោក ហ៊ុន សែន និងលោក ឱម យ៉ិនទៀង ថានៅពេលណានោះទេ តែលោកឲ្យដឹងថា ស្ថាប័នលោកកំពុងប្រមូលភស្តុតាង ហើយកាលបរិច្ឆេទនៃការប្ដឹង គឺកៀកគ្នានឹងករណីគណបក្សសង្គ្រោះជាតិ ដែរ។
អ្នកតាមដាននយោបាយកម្ពុជានិងជាចាងហ្វាងកាសែតជាតិខ្មែរលោករស់សុឃិតយល់ឃើញ
ថាការប្រកាសប្តឹងរបស់បុគ្គលរស់សារុំនេះគឺជាភាពក្មេងខ្ចីរបស់បុគ្គលរូបនេះហើយចូលចិត្ត
យកបញ្ហាមិនពិតមកលេងសើចរួចហើយបែរជាសុំទោសតាមក្រោយទៅវិញដូចជាករណីដែល
បុគ្គលនេះបានប្តឹងមន្ត្រីគ.ជ.បពីបទប្រព្រឹត្តអំពើពុករលួយតែនៅទីបំផុតបែរជាសុំទោសក្រុម
មន្ត្រីគ.ជ.បទៅវិញ៕
0 comments:
Post a Comment