ប្រធានសភាឡាវ អ្នកស្រី ប៉ានី យ៉ាថរទូពិភាក្សាជាមួយប្រធានសភាកម្ពុជា
លោក ហេង សំរិន
ដោយ លោកនុប គីម
ប្រធានរដ្ឋសភាកម្ពុជា និងឡាវ ពិភាក្សាគ្នាក្នុងការជំរុញអោយរដ្ឋាភិបាលពង្រឹងកិច្ចសហការតាមព្រំដែន និងការបោះបង្គោលព្រំដែនរវាងប្រទេសទាំងពីរបើទោះបីប្រទេសជិតខាងទាំងពីរនេះមិន
មានបញ្ហាព្រំដែនធ្ងន់ធ្ងរជាមួយគ្នាក្តី។
សេចក្ដីប្រកាសពីលទ្ធផលជំនួបរវាងប្រធានរដ្ឋសភាកម្ពុជា លោក ហេង សំរិន និងប្រធានរដ្ឋសភាឡាវ អ្នកស្រី ប៉ានី យ៉ាថរទូ (PanyYathotou) នៅថ្ងៃទី២៦ ខែវិច្ឆិកា អោយដឹងថា ភាគីទាំងពីរបានពិភាក្សាការងារមួយចំនួនចាប់តាំងពីកិច្ចសហការរវាងសភានៃប្រទេសទាំងពីរ ការពង្រឹងទំនាក់ទំនង បង្កើនសមត្ថភាពសមាជិកសភា ការអនុវត្តកិច្ចព្រមព្រៀងរវាងប្រទេសទាំងពីររហូតដល់ទំនាក់ទំនងព្រំដែន។
ប្រធានសភាឡាវ អ្នកស្រី ប៉ានី យ៉ាថរទូ បានសំណូមពរដល់រដ្ឋសភាកម្ពុជា អោយលើកកម្ពស់ទំនាក់ទំនងរវាងអាជ្ញាធរ និងប្រជាពលរដ្ឋជាប់ព្រំដែនអោយមានកិច្ចសហប្រតិបត្តិការគ្នាល្អ
បន្ថែមទៀតក្នុងវិស័យសេដ្ឋកិច្ច ទេសចរណ៍ និងវប្បធម៌។
ចំណែកប្រធានរដ្ឋសភាកម្ពុជា លោក ហេង សំរិន បានតបវិញពីសារសំខាន់នៃការលើកកម្ពស់ជីវភាពប្រជាជនតាមបណ្ដោយព្រំដែន និងកិច្ចសហប្រតិបត្តិការផ្នែកសន្តិសុខ។
លោក ហេង សំរិន បន្ថែមថា រដ្ឋសភាប្រទេសទាំងពីរគួរជំរុញរដ្ឋាភិបាលរៀងៗខ្លួន ពិភាក្សាដោះ
ស្រាយបញ្ហាដែលនៅសេសសល់ ឈានទៅបញ្ចប់ការបោះបង្គោលព្រំដែនឲ្យបានឆាប់ ដើម្បីប្រែក្លាយព្រំដែននៃប្រទេសទំាងពីរជាព្រំដែនមិត្តភាព សន្តិភាព កិច្ចសហប្រតិបត្តិការ និងការអភិវឌ្ឍន៏។
ប្រធានរដ្ឋសភាឡាវ អ្នកស្រី ប៉ានី យ៉ាថរទូ បានដឹកនាំប្រតិភូមកទស្សនកិច្ចកម្ពុជា ពីថ្ងៃទី២៥ ហើយនឹងត្រូវបញ្ចប់នៅថ្ងៃទី២៧ ខែវិច្ឆិកានេះ។
គួរគត់សំគាល់ផងដែរថាកម្ពុជានិងឡាវមិនធ្លាប់មានបញ្ហាព្រំដែនគោកនិងទឹកជាមួយគ្នានៅ
ឡើយទេ៕
0 comments:
Post a Comment