លោក កឹម សុខានឹងត្រូវលប់ឈ្មោះចេញពីប្រធានក្រុមតំណាងរាស្ត្រមតិភាគតិច
នៅពេលឆាប់ៗនេះ។
ដោយ កញ្ញា សុខ ឆេងលោកនាយករដ្ឋមន្ត្រី ហ៊ុន សែន គ្រោងលុបចោលតួនាទីប្រធានក្រុមតំណាងរាស្ត្រភាគតិចនៅក្នុងសភាមានឋានៈស្នើនាយករដ្ឋមន្ត្រី របស់លោកកឹមសុខាដោយថាពិបាកធ្វើការជាមួយបក្សប្រឆាំង និងដើម្បីការពារដល់ចំណាត់ការរបស់តុលាការ។
គម្រោងថ្មីនេះស្តែងឲ្យឃើញថាដំណោះស្រាយលើករណីមន្ត្រីសិទ្ធិមនុស្ស៤នាក់និងមន្ត្រីគ.ជ.ប កំពុងជាប់ឃុំគឺត្រូវបរាជ័យទាំងស្រុង។
ប្រមុខរដ្ឋាភិបាលកម្ពុជា បានថ្លែងប្រាប់បណ្តាញសារព័ត៌មានក្នុងស្រុក ថាលោកមិនចង់ឲ្យមានរឿងរ៉ាវវែងឆ្ងាយ និងពិបាកក្នុងការជួបចរចាជាមួយបក្សប្រឆាំងទៀតទេ ក៏ព្រោះលោកលើកឡើងថាយន្តការដែលមានកាលពីកន្លងមកមានការពិបាក ហើយបក្សប្រឆាំងតែងតែប៉ុនប៉ងប្រើប្រាស់ការចរចានេះក្នុងការស្នើឲ្យដោះលែងមនុស្សមួយចំនួន ដែលជាការបំពានដល់អំណាចតុលាការ ។ដូច្នេះលោកចង់ធ្វើវិសោធនកម្មប្រការ៤៨ថ្មី (បី) ហើយត្រលប់ទៅប្រើប្រការ៤៨ (ពីរ) នៃបទបញ្ជាផ្ទៃក្នុងសភាវិញ។
គោលបំណងនៃប្រការ៤៨ ថ្មី (បី) គឺចង់បង្កើតឲ្យមានថ្នាក់ដឹកនាំក្រុមអ្នកតំណាងរាស្ត្រនៃបក្សនយោបាយដែលមានអាសនៈនៅក្នុងសភាចាប់ពី៥ភាគរយឡើង អាចពិភាក្សាពាក់ព័ន្ធនឹងគោលនយោបាយខ្លួននិងធ្វើការសម្របសម្រួលជាមួយថ្នាក់ដឹកនាំតំណាងរាស្ត្រគណបក្សនយោបាយផ្សេងដែលថាដើម្បីជាប្រយោជន៍ជាតិ។
ប្រការនេះក៏បានចែងផងដែរនូវប្រធានក្រុមតំណាងរាស្ត្រនៃគណបក្សក្រៅរដ្ឋាភិបាលដែលមានអាសនៈចាប់ពី២៥ភាគរយឡើងទៅត្រូវបានគេហៅថាជាប្រធានក្រុមមតិភាគតិចនៅរដ្ឋសភា ដែលតួនាទីនេះមានឋានៈស្មើនាយករដ្ឋមន្ត្រី ហើយជា «ដៃគូរសន្ទនា» ជាមួយនាយករដ្ឋមន្ត្រីពាក់ព័ន្ធបញ្ហាជាតិ។
អ្នកនាំពាក្យគណបក្សប្រជាជនកម្ពុជាលោក សួស យ៉ារ៉ា មានប្រសាសន៍ថាលោកមិនទាន់ទទួលព័ត៌មានពីការចង់ផ្លាស់ប្តូរប្រការ៤៨ថ្មី (បី) មកនៅត្រឹមប្រការ៤៨(ពីរ)នេះទេ ដោយសារលោកជាប់ប្រជុំ តែទោះជាយ៉ាងណាលោកថានេះគឺគ្រាន់តែជាយោបល់របស់ថ្នាក់ដឹកនាំបក្ស តែការសម្រេចថាកែប្រែឬធ្វើវិសោធនកម្មទៅជាយ៉ាងណានោះគឺត្រូវមានការសម្រេចរបស់បក្សសិន។
គ្មានមន្ត្រីជាន់ខ្ពស់ណាមួយរបស់បក្សប្រឆាំងអាចឆ្លើយតបទៅនឹងការលើកឡើងរបស់លោកនាយករដ្ឋមន្ត្រីបានទេនៅរសៀលថ្ងៃចន្ទនេះដោយពួកគេលើកឡើងថារងចាំមើលការសម្រេចជាផ្លូវការ
របស់គណបក្សកាន់អំណាចសិន។
គួរបញ្ជាក់ផងដែរថា បន្ទាប់ពីអវត្តមានពីក្នុងប្រទេសជាង២ឆ្នាំ និងជាប់បណ្តឹងផ្សេងៗនោះ តំណែង
របស់លោក សម រង្ស៊ី ជាប្រធានក្រុមភាគតិចនៅក្នុងសភា មានឋានៈស្មើនាយករដ្ឋមន្ត្រី ត្រូវធ្លាក់ទៅ
លើ លោក កឹម សុខា ដែលទើបតែត្រូវបានលោក ហ៊ុន សែន ស្នើដល់ព្រះមហាក្សត្រក្នុងការលើកលែងទោសកាលពីចុងឆ្នាំ២០១៦។ ប្រសិនបើបក្សកាន់អំណាចសម្រេចវិសោធនកម្មនោះបានលោក កឹម សុខា ដែលទើបនឹងទទួលបានតំណែងនេះនឹងត្រូវបាត់បង់ឱកាសជួបចរចារជាមួយបក្សកាន់អំណាច។
នៅរយះពេលចុងក្រោយនេះគេសង្កេតឃើញហ្វេសប៊ុករបស់លោកសមរង្ស៊ីធ្វើការវាយប្រហារ
លោកនាយករដ្ឋមន្ត្រីហ៊ុន សែនយ៉ាងចាស់ដៃពីថ្ងៃ៧ មករាឆ្នាំ១៩៧៩៕
0 comments:
Post a Comment