អ្នកស្រី អែនជេលីណា ចូលីនិងផលិតករភាពយន្តខ្មែរពិនិត្យផ្ទាំងរូបភាពជនរងគ្រោះម្នាក់
ក្នុងរបបខ្មែរក្រហមនៅគុកទួលស្លែង នៅពេលចាប់ផ្តើមថតភាពយន្តរឿងថ្មីស្តីពីរបប
ប្រល័យពូជសាស្ត្រ
គណបក្សប្រជាជនកម្ពុជានៅពេលនេះកំពុងចំណេញនយោបាយថ្មីមួយបន្ថែមទៀតខណះខ្សែ
ភាពយន្តថ្មីមួយ ដែលផលិតដោយក្រុមហ៊ុនភាពយន្ត ហូលីវូដ (Hollywood) របស់សហរដ្ឋអាមេរិក ទាក់ទងនឹងប្រវត្តិសោកនាដកម្មនៅក្នុងរបបខ្មែរក្រហម ត្រូវបានចាក់បញ្ចាំងជាលើកដំបូង នៅខេត្តសៀមរាប ក្នុងរាត្រីថ្ងៃទី១៨ កុម្ភៈនេះ។
ក្នុងចំណោមទស្សនិកជនទាំងនោះក៏មានរដ្ឋមន្ត្រីក្រសួងព័ត៌មានលោកខៀវ កញ្ញារីទ្ធម្នាក់ផងដែរ។ លោករដ្ឋមន្ត្រីរូបនេះដែលពូកែទាក់ទាញផលចំណេញខាងនយោបាយដល់គណបក្សកាន់អំណាច
របស់ខ្លួននោះបានសរសេរលើបណ្តាញហ្វេសប៊ុករបស់លោកថា “មិនមានបញ្ហាបេះដូងអីមែន តែ
អោយតែមើលកុននិយាយពីពេលខ្មែរក្រហមបណ្តេញចេញពីភ្នំពេញ បេះដូងសែនពើតណាស់ ហើយ នៅពេលកុនបង្ហាញពីរបបប្រល័យពូជសាសន៍ ខ្ញុំសែនស្រងេះស្រងោចនឹកឃើញមិត្តភក្តិ
រាប់រយ បងប្អូនស្ទើរមួយពូជត្រូវស្លាប់បាត់បង់ជីវិត ។ មើលទៅ ខ្ញុំប្រហែលជាត្រូវ គេចចេញពី
ផ្ទាំងទស្សនីយភាពបែបនេះឬយ៉ាងណា” ?។
តាមពិតខ្សែភាពយន្តដែលរំលេចពីប្រវត្តិសោកនាដកម្មក្នុងរបបខ្មែរក្រហម ហើយដាក់បញ្ចាំងជាលើកដំបូងនេះ ត្រូវបានអ្នកដឹកនាំផលិត គឺអ្នកស្រី អែនជេលីណា ចូលី (Angelina Jolie) ដែលជាតារាល្បីរបស់ក្រុមហ៊ុនផលិតភាពយន្ត ហូលីវូដ (Hollywood) ដកស្រង់ចេញពីជីវិតពិតរបស់ជនរង
គ្រោះដោយរបបខ្មែរក្រហមម្នាក់ គឺអ្នកស្រី លឿង អ៊ឹង។
អ្នកស្រី អែនជេលីណា ចូលី ដែលជាអ្នកដឹកនាំថតរឿង "មុនដំបូងខ្មែរក្រហមសម្លាប់ប៉ារបស់ខ្ញុំ"
នេះ មានប្រសាសន៍ក្នុងឈុតខ្លីៗ ដែលត្រូវបានគេបង្ហោះមុននៅលើទំព័រហ្វេសប៊ុកថា ការថតខ្សែភាពយន្តនេះ វាជាការឆ្លុះបញ្ចាំងពីរឿងរ៉ាវ និងគ្រួសារខ្មែរដែលបានរងទុក្ខនៅក្នុងសង្គ្រាម។
អ្នកស្រីបញ្ជាក់ថា៖ «រឿងនេះឆ្លុះបញ្ចាំងពីជីវិតពិតរបស់អ្នកស្រី លឿង អ៊ឹង។ វាមិនត្រឹមតែបង្ហាញអំពីការឆ្លងកាត់សង្គ្រាមភ្ទាល់របស់កុមារីម្នាក់ទេ ប៉ុន្តែវាជារឿងរ៉ាវរបស់ប្រទេសជាតិទាំងមូលដែរ»។
អ្នកស្រី លឿង អ៊ឹង បានចងក្រងប្រវត្តិរបស់អ្នកស្រី និងគ្រួសារនៅក្នុងសៀវភៅមួយក្បាល ដែលមានចំណងជើងថា "មុនដំបូងខ្មែរក្រហមសម្លាប់ប៉ារបស់ខ្ញុំ"។ អ្នកស្រីថ្លែងថា អ្វីដែលអ្នកស្រី អែន
ជេលីណា ចូលី ធ្វើ ជាអំពើល្អប្រសើរមួយសម្រាប់ប្រទេសកម្ពុជា។
អ្នកស្រីថា៖ «ខ្ញុំគិតថា អ្នកដែលមកធ្វើការថតនៅពេលនេះ គ្រប់ផ្នែកទាំងអស់ គឺមិនមែនមកដើម្បីខ្លួនឯងទេ គឺសុទ្ធតែមានគោលបំណងជួយឲ្យរឿងរ៉ាវរបស់ពួកគេ បានដឹងឮដល់ពិភពលោក»។
កម្មវិធីដាក់បញ្ចាំងជាលើកដំបូង នៅរាត្រីថ្ងៃទី១៨ កុម្ភៈនេះ ត្រូវបានយាងទត និងជាព្រះរាជអធិបតី របស់ព្រះមហាក្សត្រព្រះករុណាព្រះបាទសម្ដេចព្រះ នរោត្តម សីហមុនី និងសម្ដេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនីនាថ សីហនុ។
ទីតាំងឈុតឆាក ដែលអ្នកស្រី អែនជេលីណា ចូលី ជាផលិតករក្រុមហ៊ុនផលិតភាពយន្ត ហូលីវូដ ជ្រើសរើសសម្រាប់ថតខ្សែភាពយន្តរឿង "មុនដំបូងខ្មែរក្រហមសម្លាប់ប៉ារបស់ខ្ញុំ” នេះ គឺនៅក្រុងបាត់ដំបង និងខេត្តសៀមរាប។
ការថតសាច់រឿងនៅខ្សែភាពយន្តខ្នាតធំមួយនេះ មានតារាភាពយន្តខ្មែរល្បីៗ និងពលរដ្ឋកម្ពុជារាប់ពាន់នាក់ ត្រូវបានជ្រើសរើសឲ្យចូលរួមសម្ដែង។
ក្រៅពីអ្នកស្រី អែនជេលីណា ចូលី និងក្រុមការងារ ហូលីវូដ អ្នកផលិតវីឌីអូឯកសារ រឿង ម៉ាស៊ីនសម្លាប់របស់ខ្មែរក្រហម នៅគុកទួលស្លែង គឺលោក រិទ្ធី ប៉ាន់ ក៏ចូលរួមសហការដឹកនាំថតផ្ទាល់ដែរ។
ភាពយន្តរឿង "មុនដំបូងខ្មែរក្រហមសម្លាប់ប៉ារបស់ខ្ញុំ" ដែលថតចប់នៅឆ្នាំ ២០១៦ នឹងត្រូវដាក់បញ្ចាំងបន្តនៅព្រះលានជល់ដំរី អង្គធំ ខេត្តសៀមរាប រហូតដល់ថ្ងៃទី១៩ កុម្ភៈ ហើយនឹងបន្តចាក់បញ្ចាំងនៅពហុកីឡាដ្ឋានជាតិ អូឡាំពិក នារាជធានីភ្នំពេញ នៅថ្ងៃទី២១ កុម្ភៈ ពីម៉ោង ៦ ដល់ម៉ោង ៨ និង៤៥នាទីយប់។ រឿងនេះ ក៏នឹងត្រូវនាំទៅចាក់បញ្ចាំងនៅខេត្តបាត់ដំបង នៅថ្ងៃទី២៣ កុម្ភៈផង
ដែរ។
ក្រៅពីកិច្ចការផលិតភាពយន្ត អ្នកស្រីអែនជេលីណា ចូលីក៏ផ្តោតទៅលើបញ្ហាបរិស្ថាននៅកម្ពុជា
ផងដែរ។ នៅរសៀលថ្ងៃទី១៨ ខែកុម្ភៈ ឆ្នាំ២០១៧ អ្នកស្រី អែនជេលីណា ចូលី ក៏បានជួបជាមួយ
លោក សាយ សំអាល់ រដ្ឋមន្ត្រីក្រសួងបរិស្ថាន ដោយពិភាក្សាការងារជាមួយអ្នកស្រីដែលជា ប្រធាន
មូលនិធិ MJP លើកិច្ចសហប្រតិបត្តិការក្នុងការបង្កើនប្រសិទ្ធភាពការពារ និងអភិរក្សធនធានធម្ម
ជាតិនៅតំបន់ប្រើប្រាស់ច្រើនយ៉ាងសំឡូត ក៏ដូចជា ការលើកកម្ពស់ជីវភាពរស់នៅរបស់ប្រជា
សហគមន៍មូលដ្ឋាននៅតំបន់នោះដើម្បីធានាបាននូវប្រសិទ្ធភាពនិងនិរន្តរភាពនៃការគ្រប់គ្រងធនធានធម្មជាតិ។ កិច្ចពិភាក្សាទ្វេភាគីនោះក៏បានឯកភាពបន្តកែលម្អយន្តការសហប្រតិបត្តិការ និងក្របខណ្ឌការងារ ដែលតម្រូវឱ្យភាគីទាំងពីររៀបចំនិងអនុវត្តរួមគ្នានូវផែនការល្បាត ទប់ស្កាត់ និងបង្ក្រាបបទល្មើសធនធានធម្មជាតិគ្រប់រូបភាព។ ទន្ទឹមនឹងនេះ កិច្ចពិភាក្សាក៏បានឯកភាពលើការជំរុញការលើកកម្ពស់ជីវភាពរស់នៅរបស់សហគមន៍នៅក្នុងតំបន់នោះ តាមរយៈការអភិវឌ្ឍន៍
ការងារកសិកម្ម មុខរបរចិញ្ចឹមជីវិត និងទេសចរណ៍ធម្មជាតិ សំដៅកាត់បន្ថយការពឹងអាស្រ័យទាំង
ស្រុងទៅលើធនធានធម្មជាតិ ក៏ដូចជាប្រែក្លាយឥរិយាបថរបស់ប្រជាសហគមន៍មូលដ្ឋានក្នុងការ
រស់នៅប្រកបដោយភាពសុខដុមរមនាជាមួយបរិស្ថាន និងធនធានធម្មជាតិ៕
លោក សាយ សំអាល់ រដ្ឋមន្ត្រីក្រសួងបរិស្ថានជួបពិភាក្សាជាមួយអ្នកស្រី អែនជូលីណា
ចូលីស្តីការការពារបរិស្ថាននៅតំបន់សំឡូតក្នុងខេត្តបាត់ដំបង។
0 comments:
Post a Comment