.jpg)
លោកនាយករដ្ឋមន្ត្រី ហ៊ុន សែនថ្លែងពីការលប់ឈ្មោះលោកសម រង្ស៊ីចេញពី
គណបក្សនយោបាយនៅក្នុងសភាកន្លងមក។
ដោយ លោក នុប គីម
នៅថ្ងៃទី២០ កុម្ភៈខាងមុខនេះ រដ្ឋសភានឹងប្រជុំវិសាមញ្ញដើម្បីពិភាក្សា និងអនុម័ត សេចក្ដីស្នើច្បាប់ ស្ដីពីវិសោធនកម្ម ច្បាប់ស្ដីពីគណបក្សនយោបាយ ដែលស្នើដោយគណបក្សប្រជាជនកម្ពុជាកំពុង
កាន់អំណាច។
ការសម្រេចប្រជុំពេញអង្គ ដើម្បីកែប្រែច្បាប់នេះ ធ្វើឡើងតែប្រមាណ១សប្ដាហ៍ បន្ទាប់ពីមានសំណើរបស់តំណាងរាស្ត្រគណបក្សប្រជាជនកម្ពុជា ៦០រូប តាមការចង់បានរបស់លោកនាយករដ្ឋមន្ត្រី ហ៊ុន សែន ដែលគេមើលឃើញថា ជាការដាក់គំនាបគណបក្សសង្គ្រោះជាតិ ខណៈប្រធានគណ
បក្សនេះកំពុងមានទោសទណ្ឌនៅតុលាការ ហើយជំរុញឲ្យលោក សម រង្ស៊ី លាលែងពីប្រធានបក្សមុនច្បាប់នេះចូលជាធរមាន។
នេះ ជាការចង់បានរបស់លោកនាយករដ្ឋមន្ត្រី ហ៊ុន សែន ដែលហាមមិនឲ្យអ្នកមានទោសធ្វើជាប្រធាន និងអនុប្រធានគណបក្សនយោបាយបាន ហើយលោកក៏ចង់យកគំរូតាមប្រទេសថៃ ដោយកំណត់ថា បើប្រធានគណបក្សណាប្រព្រឹត្តកំហុសធ្ងន់ធ្ងរ និងមានទោស ត្រូវរំលាយគណបក្សចោល និងហាមមេដឹកនាំ និងគណៈកម្មការនាយកនៃគណបក្សនោះ មិនឲ្យធ្វើនយោបាយក្នុងរយៈពេលណាមួយ។
មាត្រាថ្មី មួយចំនួនដែលនឹងកែប្រែ និងបន្ថែមលើច្បាប់ស្ដីពីគណបក្សនយោបាយនេះ រួមមាន៖ ការហាមប្រាមប្រធាន និងអនុប្រធាននៃគណបក្សនយោបាយ និងសមាសភាពនៃគណៈកម្មាធិការនាយក ឬគណៈកម្មាធិការអចិន្ត្រៃយ៍ ឬអង្គការសមមូលនឹងគណៈកម្មាធិការនាយក ឬគណៈកម្មា
ធិការអចិន្ត្រៃយ៍នៃគណបក្សនយោបាយ មិនត្រូវជាបុគ្គលដែលជាទណ្ឌិតជាប់ទោសដាក់ពន្ធនាគារពីបទឧក្រិដ្ឋ ឬពីបទមជ្ឈឹម ដោយគ្មានការព្យួរទោសឡើយ។ បុគ្គល ឬសមាសភាពទាំងនេះ ត្រូវបាត់បង់នូវតួនាទីរបស់ខ្លួន បើសាមីខ្លួនត្រូវបានផ្ដន្ទាទោស លើកលែងតែទោសទាំងនោះត្រូវបានលើកលែងពីព្រះមហាក្សត្រ។
មាត្រា ៤៤ ថ្មី ចែងថា តុលាការអាចរំលាយគណបក្សនយោបាយបាន បើសិនជាគណបក្សនោះ
ធ្វើឱ្យមានអបគមន៍ ធ្វើវិទ្ធង្សនាប្រឆាំងនឹងរបបប្រជាធិបតេយ្យ ធ្វើឱ្យប៉ះពាល់ដល់សន្តិសុខនៃរដ្ឋ បង្កើតកងកម្លាំងប្រដាប់អាវុធ និងញុះញង់ដែលអាចនាំឱ្យមានការបែកបាក់ជាតិ ព្រមទាំងគណ
បក្សនយោបាយណាដែលស្ថិតក្រោមចំណុះ ឬ ការបង្គាប់បញ្ជារបស់គណបក្សនយោបាយបរទេស ឬរបស់រដ្ឋាភិបាលបរទេស។
បន្ថែមពីនេះទៀត គណបក្សនយោបាយត្រូវបានហាមឃាត់មិនឲ្យទទួលវិភាគទាន ទោះតាមរូប
ភាពណាក៏ដោយពីស្ថាប័នបរទេស ក្រុមហ៊ុនបរទេស ជនបរទេស ឬអង្គការដែលមានប្រភពហិរញ្ញ
ប្បទានពីបរទេសឡើយ។ ករណីដែលគណបក្សនយោបាយត្រូវបានរំលាយ តុលាការអាចសម្រេចហាមឃាត់ការធ្វើសកម្មភាពនយោបាយរបស់ថ្នាក់ដឹកនាំនៃគណបក្សនយោបាយនោះសម្រាប់រយៈពេល ៥ឆ្នាំ។
ភ្លាមៗនេះ សារព័ត៌មានជាតិខ្មែរមិនអាចទាក់ទងមន្ត្រីអ្នកនាំពាក្យគណបក្សសង្គ្រោះជាតិលោក យឹម សុវណ្ណដើម្បីឆ្លើយតបនឹងផែនការកែប្រែមាត្រាខ្លះនៃច្បាប់បោះឆ្នោតនេះបានទេនៅរសៀល
នេះ ក៏ប៉ុន្តែនៅចុងក្រោយនេះ គណបក្សសង្គ្រោះជាតិមិនចង់ឲ្យមានការធ្វើវិសោធនកម្មច្បាប់បោះ
ឆ្នោតនេះទេ បន្ទាប់ពីលោកសម រង្ស៊ីបានលាលែងពីតំណែងប្រធានបក្សប្រឆាំងនេះរួចទៅហើយ
នោះ៕
0 comments:
Post a Comment