.jpg)
លោក សម រង្ស៊ីបានលាលែងពីប្រធានគណបក្សសង្គ្រោះជាតិ តែតំណែងរបស់លោក
នេះនៅទំនេរទេ។
គណបក្សសង្គ្រោះជាតិនៅថ្ងៃអាទិត្យនេះប្រកាសថាការជ្រើសរើសមេបក្សថ្មី មកជំនួស
តំណែង លោក សម រង្ស៊ី នឹងត្រូវធ្វើឡើងប្រមាណជាពីរឆ្នាំទៀត ដោយលើកហេតុផលថា
នេះ “ជាការអនុវត្តន៍តាមលក្ខខន្តិកៈរបស់គណបក្ស” ពោលគឺរក្សាតំណែងប្រធានគណបក្សប្រឆាំងនេះឲ្យនៅទំនេរ ដរាបណាស្ថានការណ៍នយោបាយកំពុងតានតឹងនេះបានធូរស្បើយ
ឡើងវិញ។
ក្នុងសន្និសិទសារព័ត៌មាននៅទីស្នាក់ការគណបក្សសង្គ្រោះជាតិ នាថ្ងៃទី១២ ខែកុម្ភៈនេះ អ្នកនាំ
ពាក្យលោក យឹម សុវណ្ណ អះអាងថា គណបក្សបានទទួលយកការសុំលាឈប់របស់លោក សម
រង្ស៊ី ហើយៗ លោក កឹម សុខា ជាអនុប្រធានស្រាប់ នឹងឡើងធ្វើជាប្រធានស្តីទីជានិច្ច។
លោក យឹម សុវណ្ណ បន្តថា បេក្ខជនថ្មីសម្រាប់មកកាន់តំណែងជាប្រធានគណបក្សជំនួសលោក សម រង្ស៊ី លោកថា គណបក្សមិនទាន់បានគិតនៅឡើយទេ។ ប៉ុន្តែ លោកបង្ហើបថា បើតាម
លក្ខខន្តិកៈរបស់គណបក្ស ប្រធានបក្សថ្មី នឹងត្រូវជ្រើសតាំងឡើងអំឡុងពេលសមាជបក្សនាថ្ងៃ
ទី៧ ខែមេសា ឆ្នាំ២០១៨។
អ្នកនាំពាក្យបក្សប្រឆាំងរូបនោះ ប្រកាសដែរថា លោកនឹងមិនឆ្លើយនឹងសំនួរណា ដែលចង់ដឹងពី
មូលហេតុនៃការលាឈប់របស់លោក សម រង្ស៊ីទេ ដោយជំរុញឲ្យអ្នកសារព័ត៌មាន សុំការពន្យល់
ផ្ទាល់ពីលោក សម រង្ស៊ី ផ្ទាល់តែម្ដង ដែលកំពុងតែរស់នៅនិរទេសខ្លួនឯនៅក្រៅប្រទេស។
ទោះជាយ៉ាងណា លោក យឹម សុវណ្ណ បានការពារថា ការលាឈប់របស់លោក សម រង្ស៊ី ជាគំរូ
ល្អដល់អ្នកនយោបាយពេលនេះ ក៏ដូចទៅថ្ងៃអនាគត ដោយថា ឲ្យហ៊ានលះបង់អ្វីៗទាំងអស់
ដើម្បីបញ្ហាផ្សះផ្សាជាតិ និងការបង្រួបបង្រួមជាតិ។
នៅថ្ងៃនេះដែរ លោក សម រង្ស៊ី បានបង្ហោះវីដេអូឃ្លីបលើហ្វេសប៊ុករបស់លោកបញ្ជាក់ថា មូលហេតុដែលលោកលាឈប់នោះ មិនមែនគ្រាន់តែការពារកុំឲ្យគេរំលាយគណបក្សទេ ប៉ុន្តែ លោកក៏ថា «លោកហ៊ានលះបង់ដល់អាយុជីវិតទៀត កុំឲ្យតែជាតិស្លាប់»។
បើទោះជាលោក សម រង្ស៊ី និយាយមិនបញ្ចេញឈ្មោះក៏ដោយ ក៏ប៉ុន្តែ នៅពេលថ្មីៗនេះ លោក នាយករដ្ឋមន្ត្រីហ៊ុន សែន បានជំរុញឲ្យតំណាងរាស្ត្ររបស់លោក ធ្វើវិសោធនកម្មច្បាប់ត្រង់មាត្រា
មួយចំនួន ដែលត្រូវបានគេមើលឃើញថា វិធានការរបស់លោកហ៊ុន សែន នោះ អាចនឹងឈានទៅការផាត់លោកសម រង្ស៊ីចេញពីប្រធានគណបក្សសង្គ្រោះជាតិ។
ច្បាប់ថ្មី ដែលកើតក្រោយពីធ្វើវិសោធនកម្មនោះ លោក ហ៊ុន សែន លើកឡើងថា ត្រូវចែងថា អ្នកនយោបាយដែលត្រូវបានតុលាការកាត់ឲ្យមានទោស មិនត្រូវឲ្យធ្វើជាប្រធានបក្ស ឬអនុប្រធានទេ ខណៈដែលលោក សម រង្ស៊ី កំពុងឡោមព័ទ្ធដោយបណ្តឹងពីបក្សកាន់អំណាចជាច្រើន។
ទោះជាយ៉ាងណា អ្នកវិភាគ និងក្រុមអង្គការសង្គមស៊ីវិល បានចាត់ទុកថា ជម្រើសលាលែងពីតំណែងរបស់លោក សម រង្ស៊ី នេះ ពួកគេថា ជាជម្រើសដ៏វៃឆ្លាតមួយ ជួយបញ្ចុះកម្តៅនយោបាយ និងអាចជាយុទ្ធសាស្ត្រ ដើម្បីឈានទៅសម្រេចគោលដៅប្តូរមេដឹកនាំបក្សកាន់អំណាចដោយ
សន្តិវិធី ក្រោយការបោះឆ្នោតឆ្នាំ២០១៨។
លោក កឹម សុខអ្នកវិភាគបញ្ហាសង្គមនិងនយោបាយនៅកម្ពុជាបញ្ជាក់នៅថ្ងៃនេះថាការលាលែង
របស់លោកសម រង្ស៊ីពីប្រធានគណបក្សប្រឆាំងគឺជាការសម្រេចដ៏ឆ្លៀសវៃមួយ៕
0 comments:
Post a Comment