.jpg)
ទិដ្ឋភាពទឹកភ្លៀងជន់លិចផ្ទះអ្នកភូមិ នៅស្រុកសាលាក្រៅ
ខេត្តប៉ៃលិនកាលពី
ម្សិលមិញ។
ពីមានភ្លៀងធ្លាក់ខ្លាំងប៉ុន្មានថ្ងៃជាប់ៗគ្នា។ នេះបើតាមការប្រកាសរបស់ក្រសួងធនធានទឹក និងឧតុនិយម។
ក្រសួងបានប្រកាសនៅលើទំព័រហ្វេសប៊ុករបស់ខ្លួននៅថ្ងៃទី២៨ ខែឧសភានេះថា ផ្ទះពលរដ្ឋចំនួន ២៣ខ្នង និងកំណាត់ផ្លូវលំ ១ខ្សែប្រវែងជាង ១០០ម៉ែត្រ ស្ថិតនៅភូមិផ្ទះស្បូវ ឃុំស្ទឹងត្រង់ ត្រូវបានទឹកជំនន់ជន់លិច។ក្រសួងថា ការជន់លិចនេះដោយសារទឹកភ្លៀងធ្លាក់ខ្លាំងក្នុងកំរិត ៤៥មីល្លីម៉ែត្រ។
ក្រសួងដដែលនេះ បានឱ្យដឹងទៀតថា ពេលនេះ មន្ត្រីជំនាញ និងអាជ្ញាធរមូលដ្ឋាន កំពុងជួយអន្តរាគមន៍ បើកទ្វារទឹកមួយចំនួនដើម្បីបង្ហូរកាត់បន្ថយការជន់លិចផ្ទះអ្នកភូមិខាងលើនេះ។
គួរបញ្ជាក់ថា កាលពីម្សិលមិញនេះ ក្រសួងធនធានទឹកបានប្រកាសថា ចាប់ថ្ងៃទី២៨ រហូត ដល់ថ្ងៃ
ទី ៣១ឧសភានេះ នឹងមានភ្លៀងធ្លាក់រាយប៉ាយក្នុងកំរិតច្រើននៅតាមតំបន់មាត់សមុទ្រ តំបន់ជួរភ្នំក្រវ៉ាញ និងតំបន់ខ្ពង់រាប។
បញ្ហាជំនន់ទឹកភ្លៀងនេះ មិនមែនកើតឡើងតែនៅតាមបណ្តាខេត្តនានានោះទេ។ កាលពីសប្តាហ៏
មុន នៅរាជធានីភ្នំពេញក៏រងនូវជំនន់ទឹកភ្លៀងនេះផងដែរ ដោយបានពន្លិចផ្ទះរបស់អនុប្រធាន
ភូមិម្នាក់មកពីគណបក្សប្រជាជនកម្ពុជានៅភូមិ៦ សង្កាត់ស្រះចក ខណ្ឌដូនពេញទៀតផង៕
ផ្ទះរបស់សកម្មជនគណបក្សប្រជាជននៅសង្កាត់ស្រះចក រាជធានីភ្នំពេញ
រងនូវជំនន់ទឹកភ្លៀងកាលពីសប្តាហ៏មុន។
0 comments:
Post a Comment