លោកកឹម សុខាដឹកនាំក្បួនឃោសនារកសម្លេងឆ្នោត នៅខេត្តសៀមរាបកាលពីថ្ងៃ
ទី ២៥ ឧសភា។
៥ចំណុចដើម្បីអភិវឌ្ឍភូមិ ឃុំ-សង្កាត់ គឺការផ្ដល់ថវិកាចំនួន ៥០ម៉ឺនដុល្លារសហរដ្ឋអាមេរិកពុំ
អាចអនុវត្តបាននៅពេលគណបក្សរបស់លោកឈ្នះឆ្នោត ហើយត្រូវឡើងកាន់អំណាចនៅពេល
ខាងមុខ។
លោក កឹម សុខា ប្រកាសបែបនេះកាលពីថ្ងៃ ទី ២៥ ឧសភានៅខេត្តសៀមរាប ដោយលោកលើក
ឡើងថា ១០០ឆ្នាំទៀតក៏គ្មានការអភិវឌ្ឍភូមិឃុំឲ្យរីកចម្រើនបានដែរ ប្រសិនបើគ្មានការផ្ដល់អំណាច និងទម្លាក់លុយពីថ្នាក់ជាតិទៅឲ្យថ្នាក់ក្រោមជាតិ ដើម្បីយកទៅអភិវឌ្ឍដោយខ្លួនឯងនោះ។
លោកកឹម សុខាបញ្ជាក់ថា៖ «សហគមន៍អន្តរជាតិគេបានប្រាប់ខ្ញុំ ថាគាំទ្រគំនិតហ្នឹង ហើយគេអត់ចង់ឲ្យលុយប្រមូលផ្ដុំតែនៅលើទេ ព្រោះជួនកាលនៅក្រសួងខ្លះ សភាអនុម័តថវិកាហើយ ដាច់ឆ្នាំហើយ ចាយមិនអស់ ហើយនៅក្រោម អភិវឌ្ឍមិនបាន វាមិនសម បងប្អូន ខាងលើចាយមិនអស់ ហើយខាងក្រោមខ្វះខាត»។
ការបញ្ជាក់របស់លោកកឹម សុខាបែបនេះគឺចំពេលលោកនាយករដ្ឋមន្ត្រីហ៊ុន សែនកាលពីថ្ងៃ ទី២៥ ឧសភានៅក្នុងពីធីជួបជុំគ្រឹស្តសាសនិកមួយនាកោះពេជ្របានរិះគន់នឹងគម្រោងថវិកាកន្លះលាន
ដុល្លារសម្រាប់ឃុំ-សង្កាត់នេះថា ជា"សន្យាខ្យល់" ដែលមិនអាចធ្វើបានឡើយ។
លោកហ៊ុន សែនបានចោទជាសំណួរថា “តើឃុំឬសង្កាត់មួយហ្នឹងគឺជារដ្ឋមួយឬយ៉ាងណា? ដែល
ត្រូវទម្លាក់លុយ៥០ម៉ឺនដុល្លារ សម្រាប់ការអភិវឌ្ឍន៏ដោយខ្លួនឯងនោះ”។
លោកកឹម សុខាបានបន្តការឃោសនារកសំឡេងឆ្នោតនៅក្នុងខេត្តបន្ទាយមានជ័យ និងខេត្ត
សៀមរាប នៅថ្ងៃទី២៥ ឧសភា។ នៅខេត្តទាំងពីរនេះ លោកក៏បានបញ្ជាក់សារនយោបាយទៀត
ថា ប្រទេសកាន់លទ្ធិប្រជាធិបតេយ្យ គឺដើម្បីឲ្យមានការផ្លាស់ប្ដូរជាវិជ្ជមាន និងគ្មានសង្គ្រាមឡើយ ហើយការផ្លាស់ប្ដូរខាងមុន គឺប្ដូរឲ្យប្រទេសមានសុខជាងមុន និងប្ដូរការអភិវឌ្ឍឲ្យរីកចម្រើនជាង ជាដើម។
ទាក់ទងនឹងការផ្លាស់ប្តូរនេះ លោកនាយករដ្ឋមន្ត្រីហ៊ុន សែនបានព្រមានធ្ងន់ៗចំឈ្មោះលោក កឹម សុខាថា "បើមានការផ្លាស់ប្តូរគឺប្តូរទៅឲ្យកូនៗជំនាន់ក្រោយ " របស់គណបក្សទេវតា របស់លោក
ដែលកំពុងកាន់អំណាច។
លោកហ៊ុន សែនក៏បានចោទលោកកឹម សុខាថាបានយកសមិទ្ធផលរបស់បក្សកាន់អំណាចទៅ
ឃោសនាបោះឆ្នោតដូចជា ប្រាក់ខែរបស់មន្ត្រីរាជការ និងកម្មករឡើងខ្ពស់ ហើយតម្លៃទឹកនិង
ភ្លើងអគ្គីសនីចុះថោកគឺដោយសារគណបក្សសង្គ្រោះជាតិជាអ្នកជម្រុញ៕
0 comments:
Post a Comment