លោករដ្ឋមន្ត្រី ក្រសួងយុត្តិធម៌អង្កវង្ស វឌ្ឍនា និងលោក ខៀវ កាញ្ញារីទ្ធិរដ្ឋមន្ត្រីក្រសួង
ព័ត៌មាន ប្រឈមការកោះហៅចូលសភាដោយ លោកសុន ឆ័យ។
នៅ ថ្ងៃនេះ ដើម្បីស្នើសុំឲ្យបំភ្លឺជុំវិញការចាប់ខ្លួនលោក កឹម សុខានិងការបិទប្រព័ន្ធផ្សព្វផ្សាយ
មួយ ចំនួន។
ក្នុងសន្និសីទសារព័ត៌មាននៅទីស្នាក់ការបក្សនាថ្ងៃទី១២ខែកញ្ញានេះ តំណាងរាស្ត្រគណបក្ស ប្រឆំាង លោក សុន ឆ័យ បានថ្លែងថា ក្រុមតំណាងរាស្ត្រគណបក្សសង្គ្រោះជាតិ នឹងដាក់លិខិត ចំនួនពីរ ដាច់ដោយឡែកពីគ្នាទៅក្រសួងព័ត៌មាន និងក្រសួងយុត្តិធម៌ នៅថ្ងៃនេះ ដើម្បីឲ្យរដ្ឋមន្ត្រី
នៃស្ថាប័នទំាងពីរនះ បំភ្លឺជាលាយល័ក្ខអក្សរ ជុំវិញការបិទប្រព័ន្ធផ្សព្វផ្សាយឯករាជ្យ និងករណីការចាប់ខ្លួនមេដឹកនាំបក្សប្រឆំាង លោក កឹម សុខា ដោយថា ចំណាត់ការ ទំាងនោះ បានរំលោភច្បាប់ និង រដ្ឋធម្មនុញ្ញ។
លោកថ្លែងថា៖ «ការធ្វើកិច្ចសន្យាដោយឡែក គឺជាការបំពានទៅលើច្បាប់ស្តីពីសារព័ត៌មាន ហើយ យើងអំពាវនាវឲ្យក្រសួងព័ត៌មានផ្តល់អាជ្ញាប័ណ្ណ ផ្តល់សិទ្ធិទៅលើវិទ្យុទំាងនេះ ឲ្យមានការផ្សព្វ ផ្សាយឡើងវិញ មូលហេតុ ដែលក្រសួងលើកឡើងមិនសមហេតុផលទេ។ លិខិតមួយទៀត ដែល ត្រូវចេញថ្ងៃនេះដែរ គឺលិខិតទៅក្រសួងយុត្តិធម៌ យើងចង់ឲ្យក្រសួងយុត្តិធម៌នេះ ពន្យល់យើងពាក់ ព័ន្ធទៅនិងការចាប់ខ្លួនឯកឧត្តម កឹម សុខា ដោយថា អនុវត្តតាមមាត្រា៨៦ នៃក្រមព្រហ្មទណ្ឌ ក្នុង ការឲ្យចៅក្រម ព្រះរាជអាជ្ញាមាន វិធានការដើម្បីចាប់ឯឧត្តម កឹម សុខា តើយោងលើពាក្យពេជ្រត្រង់ ណា ព្រោះខ្ញុំសិក្សាមើលហើយ ដូចជា គ្មានមូលដ្ឋានត្រង់ណា ដែលចែងអនុញាតឲ្យប្រព័ន្ធតុលា ការទៅអនុវត្តក្នុងការចាប់ខ្លួន ឯកឧត្តម កឹម សុខា ក៏ដូចជាចាប់ ឯកឧត្តម អ៊ំ សំអាន នោះដែរ»។
ចាប់តាំងពីខែសីហា ក្រសួងព័ត៌មាន បានបញ្ជាឲ្យស្ថានីយវិទ្យុចំនួនជាង៣០ បិទរលកអាកាសផ្សាយ ដោយថា ម្ចាស់ស្ថាប័នទាំងនោះ បានរំលោភសេចក្តីប្រកាសអនុញ្ញាតឲ្យធ្វើអាជីវកម្ម និង
កិច្ចសន្យា។ ខណៈលោក កឹម សុខា ត្រូវបានសាលាដំបូងរាជធានីភ្នំពេញ សម្រេចចោទប្រកាន់
ថា ក្បត់ជាតិ និងកំពុងជាប់ឃុំបណ្តោះអាសន្ននៅពន្ធនាគារ។
ចំណែកករណីលោក កឹម សុខា កាសែតជាតិខ្មែរ មិនទាន់អាចសុំការបំភ្លឺពីអ្នកនាំពាក្យក្រសួង យុត្តិធម៌លោក គឹម សន្តិភាព និងលោក ជិន ម៉ាលីន បានទេនៅថ្ងៃនេះ។
អង្គការការពារសិទ្ធិមនុស្សលីកាដូ កាលពីថ្ងៃ៩កញ្ញា បានធ្វើផែនទីបង្ហាញទីតាំងវិទ្យុចំនួន៣២ ដែលរដ្ឋាភិបាលបានបិទកាលពីចុងខែសីហា។ ក្នុងចំណោមវិទ្យុទាំង៣២នោះ ស្ថិតនៅក្នុងរាជធានី-ខេត្តចំនួន២០ ដែលបានជួលម៉ោងសម្រាប់ផ្សាយព័ត៌មានឲ្យវិទ្យុអាស៊ីសេរី វិទ្យុវីអូអេ និង វិទ្យុវីអូឌី។ ហើយស្ថានីយវិទ្យុទាំងនោះ ជាប្រភពព័ត៌មានដែលសំខាន់ អាចផ្សព្វផ្សាយព័ត៌មានដល់តំបន់ដាច់ស្រយាលដែលមិនមានអ៊ីនធើណែតប្រើប្រាស់។ ករណីនេះ អង្គការជាតិ និងអន្ដរជាតិ បានថ្កោល ទោសរដ្ឋាភិបាលកម្ពុជា ដោយថា បានបើកការវាយប្រហារលើសំឡេងឯករាជ្យ និងអង្គការសង្គម ស៊ីវិល នៅមុនការបោះឆ្នោតនាឆ្នាំ២០១៨។
ចំណែក លោក កឹម សុខា ត្រូវបានចាប់ខ្លួន ទាំងកណ្តាលយប់ដោយគ្មានដីកា កាលពីយប់ថ្ងៃទី០២ ចូលដល់ថ្ងៃទី០៣ ខែកញ្ញានេះ ខណៈអ្នកវិភាគ អ្នកច្បាប់ និងគណបក្សប្រឆំាង អះអាងប្រហាក់ ប្រហែលគ្នាថា ករណីចាប់ខ្លួនលោក កឹម សុខា រំលោភអភ័យឯកសិទ្ធិសភា និងរដ្ឋធម្មនុញ្ញ។ ប៉ុន្តែ តំណាងរាស្ត្របក្សកាន់អំណាតចំនួន៦៧រូប អះអាងប្រហាក់ប្រហែលគ្នាថា ករណីលោក កឹម សុខា ធ្វើស្របតាមរដ្ឋធម្មនុញ្ញ ហើយពួកគេបានអនុម័តឲ្យតុលាការបន្តនីតិវិធីឃុំខ្លួនលោក កឹម សុខា ទៀត។
ទោះជាយ៉ាងណា ក្រោយពីអាជ្ញាធរចាប់ខ្លួនមេបក្សប្រឆំាងលោក កឹម សុខា តំណាងអង្គការសហប្រជាជាតិ និងស្ថានទូតធំៗ រួមមាន អង់គ្លេស អូស្ត្រាលី អាមេរិក សហភាពអឺរ៉ុប អាល្លឺម៉ង់ និងប្រទេសមួយចំនួនទៀត បានសម្តែងការព្រួយបារម្ភជាខ្លាំង ជុំវិញការចាប់ខ្លួនមេបក្សរូបនោះ ហើយ ពួកគេ ជំរុញឲ្យរដ្ឋាភិបាលកម្ពុជា បញ្ឈប់ការគំរាមកំហែងលើគណបក្សប្រឆាំង។ ប៉ុន្តែរដ្ឋាភិបាលកម្ពុជាដែលមានលោកហ៊ុន សែនជាប្រមុខមិនខ្វល់ខ្វាយនឹងការឈឺឆ្អាលរបស់ បណ្តាប្រទេសទាំងអស់នោះទេ ដោយថាពួកគេធ្វើឡើងដើម្បី “ការពារអាយ៉ងរបស់ខ្លួន” តែ ប៉ុណ្ណោះ។ រដ្ឋាភិបាលចាត់ទុកលោក ំកឹម សុខាជាអាយ៉ងរបស់អាមេរិក៕
0 comments:
Post a Comment