លោកនាយករដ្ឋមន្ត្រី ហ៊ុន សែនចែកថវិកាចំនួន៥ម៉ឺនរៀល ដល់កម្មករ-កម្មការនី
រោងចក្រ ក្នុងម្នាក់ៗ នាព្រឹកមិញនេះ។
វាហាក់បីដូចជាលឿនបន្តិច ដែលលោកនាយករដ្ឋមន្ត្រី
ហ៊ុន សែន បានបង្ហើបឲ្យដឹងថា សមាជិក គ.ជ.ប ថ្មី នឹងមានសមាជិកភាព
ចេញពីបក្សនយោបាយពីរ និងចេញពីមន្ត្រីសង្គមស៊ីវិលម្នាក់ ខណះមន្ត្រី គ.ជ.ប កូតាបក្សប្រឆាំង៣រូប ទេីបតែបានលាលែងកាលពីដមសប្តាហ៏នេះ។
រោងចក្រ ក្នុងម្នាក់ៗ នាព្រឹកមិញនេះ។
អនុប្រធាន គ.ជ.ប. លោក គួយ ប៊ុនរឿន និងសមាជិក គ.ជ.ប. លោក រ៉ុង ឈុន និងលោកស្រី តែ ម៉ានីរ៉ុង ខាងកូតាគណបក្សសង្គ្រោះជាតិ បានដាក់ពាក្យលាលែងពីតំណែង កាលពីដើមសប្តាហ៍ នេះ ដោយថា ពួកគេ មិនអាចបន្តក្បត់ឧត្តមគតិ មនសិការ និងជាប់ឈ្មោះអាក្រក់ក្នុងប្រវត្តិសាស្ត្រកម្ពុជា។
លោក ហ៊ុន សែន នៅព្រឹកថ្ងៃទី២២វិច្ឆិកា ក្នុងជំនួបជាមួយកម្មករ បានឲ្យដឹងថា បន្ទាប់ពីសមាជិក គ.ជ.ប ខាងកូតាគណបក្សសង្គ្រោះជាតិ បានលាលែងពីតំណែងនោះ សមាជិកថ្មី ដែលមកពីគណបក្ស ហ្វ៊ុន ស៊ិនប៉ិច គណបក្សសញ្ជាតិកម្ពុជា និងសង្គមស៊ីវិលម្នាក់ទៀត នឹងចូលមកជំនួសតំណែងទាំង៣ នៅពេលខាងមុខ។
លោមានប្រសាសន៍បន្ថែមថា៖ «សភាបោះឆ្នោតពេញតើ! មានទៅខុសអី! អ្នកឯងចង់ព្រាត់ ប្រាស់ ទៅណាព្រាត់ប្រាស់ទៅ! គេបោះឆ្នោតនៅតែបោះឆ្នោត។ ២៥ខែកុម្ភៈ បោះឆ្នោតព្រឹទ្ធិសភា ២៩ កក្កដាបោះឆ្នោតរដ្ឋសភា។ ទោះបី ប្រទេសណាមកសង្កេតការណ៍ អត់សង្កេតការណ៍ វាអត់ទាំង មានតម្រូវការទេ។ មិនមែនទាល់តែអ្នកឯងមកសង្កេតការណ៍ បានបោះឆ្នោតស្របច្បាប់ឯណា? ហើយនៅរដ្ឋធម្មនុញ្ញកម្ពុជាឬនៅលើពិភពលោក អត់មានតម្រូវទៅស៊ីញ៉េពីប្រធានាធិបតីប្រទេស ផ្សេង ទើបស្របច្បាប់ទេ ហើយក៏អត់មានតម្រូវការទៅស៊ីញ៉េពីអគ្គលេខាធិការអង្គការ សហប្រជាជាតិ បានស្របច្បាប់ដែរ» ។
អ្នកនាំពាក្យរដ្ឋសភា លោក ឡេង ប៉េងឡុង បានបញ្ជាក់កាលពីថ្ងៃអង្គារ៍ម្សិលមិញថា គណៈកម្មាធិការអចិន្ត្រៃយ៍នៃរដ្ឋសភា កំពុងត្រៀមជ្រើសរើសសមាជិក គ.ជ.ប.ថ្មី សម្រាប់ជំនួសអ្នកទំាង៣ រូបនោះ មិនឲ្យផុតពីកន្លះខែនោះទេ។
គ.ជ.ប. បានប្រកាសកាលពីថ្ងៃទី១៨ ខែវិច្ឆិកាថា អាសនៈសភាចំនួន៥៥ របស់បក្សប្រឆាំង នឹងត្រូវបែងចែកទៅគណបក្សចំនួន៦ ដែលពុំទទួលបានអាសនៈសភា នៅក្នុងការបោះឆ្នោតជាតិកាលពីឆ្នាំ២០១៣កន្លងមក។
ករណីនេះ សហរដ្ឋអាមេរិក ចក្រភពអង់គ្លេស និងសហភាពអឺរ៉ុប បានព្រមានដាក់ទណ្ឌកម្មសេដ្ឋកិច្ចលើប្រទេសកម្ពុជា ដោយថា ប្រទេសនេះបានឃ្លាតចាកពីគន្លងប្រជាធិបតេយ្យ ក្រោយពីបង្ក្រាបទៅលើបក្សប្រឆាំង ក៏ប៉ុន្តែលោកនាយករដ្ឋមន្ត្រី ហ៊ុន សែនតបវិញថា លោកមិនត្រូវ ការ ការទទួលស្គាល់ពីបណ្តាប្រទេសនានានៅទូទាំងពិភពលោកនោះទេ៕
0 comments:
Post a Comment