.jpg)
លោកហ៊ុន សែន និងលោកដេណា រ៉ូរ៉ាបាកគើ (Dana Rohrabacher) ដែលជម្រុញឲ្យ
ពលរដ្ឋខ្មែរឡើងប្រឆាំងការដឹកនាំរបស់លោក ហ៊ុន សែន។
តំណាងរាស្ត្ររបស់អាមេរិកពីខាងគណបក្សសាធារណរដ្ឋប្រចាំរដ្ឋកាលីហ្វ័រញ៉ាលោកដេណា រ៉ូរ៉ាបាកគើ (Dana Rohrabacher)លើកទឹកចិត្តឲ្យពលរដ្ឋខ្មែរទូទៅចេញតវ៉ាដើម្បីការពារសំឡេងរបស់ពួកគេ
ស្របពេលរដ្ឋាភិបាលកម្ពុជា ដែលដឹកនាំដោយលោកនាយករដ្ឋមន្ត្រី ហ៊ុន សែន
និងតុលាការកំពូលកំពុងបើកសវនាការរំលាយគណបក្សសង្គ្រោះជាតិនៅថ្ងៃនេះ។
តុលាការកំពូលបើកសវនាការនៅថ្ងៃទី១៦
ខែវិច្ឆិកានេះ តាមសំណើរម្លាយគណបក្សប្រឆាំងរបស់ក្រសួងមហាផ្ទៃ។ លោក ដេណា
រ៉ូរ៉ាបាកគើ ប្រាប់អ្នកកាសែត នៅវិមានសភាអាមេរិកថា
ពលរដ្ឋត្រូវតែងើបឡើងដើម្បីការពារសិទ្ធិបោះឆ្នោតដែលការពារដោយរដ្ឋធម្មនុញ្ញ។
លោកថា៖ «ខ្ញុំគិតថា
ពលរដ្ឋកម្ពុជាគួរនាំគ្នាគិតគូរអំពីគម្រោងរបស់ពួកគេក្នុងការទាមទារអោយលោក
ហ៊ុន សែន ចុះចេញពីអំណាចជាង ៣០ឆ្នាំមកហើយនោះ។ លោក ហ៊ុន សែន
កាន់អំណាចយូរពេកហើយ
ដែលធ្វើឲ្យពលរដ្ឋអាចខ្លាចនឹងការដឹកនាំបែបគំរាមកំហែងរបស់គាត់
ប៉ុន្តែមានតែប្រជាពលរដ្ឋខ្លួនឯងប៉ុណ្ណោះដែលហ៊ានចេញធ្វើបាតុកម្មនៅតាមផ្លូវតវ៉ាចំពោះបញ្ហានេះ។
បើមិនដូច្នេះទេនោះ លោក ហ៊ុន សែន នឹងបន្តក្ដោបក្ដាប់អំណាចតទៅទៀត។
ខ្ញុំគ្រាន់តែចង់ឲ្យពលរដ្ឋខ្មែរទាំងអស់ដឹងថា សហរដ្ឋអាមេរិក ជាប្រទេសសេរី
និងគោរពលទ្ធិប្រជាធិបតេយ្យ
ដូច្នេះយើងឈរខាងប្រជាពលរដ្ឋអាមេរិកាំងខ្លួនឯងផង
និងឈរខាងប្រជាពលរដ្ឋខ្មែរទូទៅផង»។
រដ្ឋាភិបាលកម្ពុជា
កាលពីពេលថ្មីៗនេះ បានត្រៀមកម្លាំងប្រដាប់ដោយអាវុធគ្រប់ដៃ
ដើម្បីបង្ក្រាបអ្នកណាដែលហ៊ានចេញមុខតវ៉ាប្រឆាំងដំណើរការរំលាយគណបក្សសង្គ្រោះជាតិនោះ។
លោក ដេណា
រ៉ូរ៉ាបាកគើរ អះអាងថា
គ្មានប្រទេសណាមួយលើលោកនេះដែលទទួលបានសេរីភាពពិតប្រាកដដោយគ្មានការប្រថុយប្រថានហើយហ៊ានលះបង់នោះទេ។
លោកថា «កាលពីអតីតសហរដ្ឋអាមេរិក ធ្លាប់បានបណ្ដេញកងទ័ពរបស់ប្រទេសអង់គ្លេសដ៏មានឥទ្ធិពលនៅក្នុងលោកចេញពីសហរដ្ឋអាមេរិក
ដោយសារពលរដ្ឋអាមេរិកាំងមិនត្រូវការអោយបរទេសមកបញ្ជាពួកគេអោយធ្វើអ្វីតាមខ្លួនចង់បាននោះឡើយ។
ដូច្នេះប្រសិនបើពលរដ្ឋខ្មែរចង់មានសេរីភាពពីការគ្រប់គ្រងរបស់ ហ៊ុន សែន ពួកគេគួរតែជ្រើសរើសមេដឹកនាំដែលពួកគេពេញចិត្ត
ហើយកម្ចាត់មេដឹកនាំពុករលួយ ហ៊ុន សែន ដែលកំពុងបំផ្លាញប្រទេសកម្ពុជា
ចេញពីអំណាច។
ដូច្នេះពលរដ្ឋខ្មែរត្រូវហ៊ានប្រថុយប្រថានចេញធ្វើបាតុកម្មទាំងអស់គ្នា
ហើយពួកគេប្រាប់ទៅក្រុមយោធាថា ដល់ពេលដែល ហ៊ុន សែន ចុះចេញពីអំណាចហើយ។
តើអ្នកឯងត្រូវនៅខាងណា?»។
ការអះអាងរបស់តំណាងរាស្ត្ររូបនេះ
ធ្វើឡើងស្របពេលដែលព្រឹទ្ធសភាអាមេរិកកំពុងដំណើរការអនុម័តសេចក្ដីសម្រេចចិត្តលេខ
២៧៩ ក្នុងការថ្កោលទោសអំពើហិង្សានយោបាយ និងការរំលោភសិទ្ធិមនុស្សកម្ពុជា។
សេចក្ដីសម្រេចនេះទាមទារអោយរដ្ឋាភិបាលកម្ពុជា បញ្ឈប់ការធ្វើទុក្ខបុកម្នេញ
និងការយាយីរបស់លោក ហ៊ុន សែន មកលើក្រុមបក្សប្រឆាំង
ហើយបង្វែរស្ថានការណ៍របស់ប្រទេសវិលមករកភាពប្រក្រតីវិញ។
សេចក្ដីសម្រេចដែលផ្ដួចផ្ដើមឡើងដោយសមាជិកព្រឹទ្ធសភា
លោក ចន ម៉ាកខេន (John MaCain) និងលោក
ឌីក ឌើប៊ិន (Dick Durbin) ក៏បានជំរុញឲ្យក្រសួងរតនាគាររបស់សហរដ្ឋអាមេរិក
ពិចារណាក្នុងការបង្កកទ្រព្យសម្បត្តិរបស់មន្ត្រីជាន់ខ្ពស់កម្ពុជាក្នុងនោះក៏មានលោកហ៊ុន
សែនផង ដែរ ដែលពុករលួយ និងរំលោភអំណាចទាំងឡាយនៅក្នុងប្រទេស។
ភ្លាមៗនេះ
សារព័ត៌មានជាតិខ្មែរមិនអាចទាក់ទងលោកសុខឥសានអ្នកនាំពាក្យគណបក្សប្រជាជន កម្ពុជាដើម្បីឆ្លើយតបនឹងការជំរុញរបស់លោកសមាជិកសភាអាមេរិករូបនេះបានទេនៅថ្ងៃនេះ ដែលជាថ្ងៃបើកសវនាការរំលាយគណបក្សប្រឆាំង៕
លោកបណ្ឌិត មាស នីវាយប្រហារលោកហ៊ុន សែនយ៉ាងចាស់ដៃ នៅលើទូរទស្សន៏
BTV នាព្រឹកមិញនេះ ពីម៉ោង ៦និង១០នាទី ដល់ម៉ោង ៧ព្រឹក។
0 comments:
Post a Comment