នាយករដ្ឋមន្ត្រីព្រមានវះកាត់មន្ត្រីអសកម្មនៅក្នុងជួររដ្ឋាភិបាល និងស្ថាប័នរដ្ឋនានា

លោកនាយករដ្ឋមន្រ្តី ហ៊ុន សែន ព្រមានជាថ្មីម្តងទៀត​ថា លោកនឹងបន្តវះកាត់មន្ត្រីអសកម្ម ចេញ ពីជួររដ្ឋាភិបាល ដើម្បីកុំឲ្យ​អ្នក​ទាំ​​ង​​នោះបង្កជាដំបៅមហារីក នៅក្នុងជួររដ្ឋាភិបាល ក៏ដូចជានៅក្នុង គណបក្សប្រជាជនកម្ពុជាកំពុងកាន់អំណាច។
លោក នាយករដ្ឋមន្ត្រី​ ហ៊ុន សែន ក្នុងកិច្ចប្រជុំមួយ នៅរាជធានីភ្នំពេញ នាថ្ងៃសុក្រ ទី ២០ មេសា ក្រៅពីរំឭក​គណៈក​ម្មាធិការដឹ​កនាំការងា​រកែ​ទ​ម្រ​​ង់​កា​រ​​គ្រ​​​​​​ប់​​​គ្រង​ហិរញ្ញវត្ថុសាធារណៈឲ្យបន្តជំរុញ គណនេយ្យភាពសម្រាប់ការអនុវត្តយុ​ទ្ធសាស្ត្រនៃការកែទ​ម្រ​​ង់​​​ប្រ​ព័​ន្ធថវិកាឆ្នាំ២០១​៨​​​​-២០២៥នោះ លោកក៏បានរំឭកថា គណៈកម្មាធិការដឹកនាំធ្វើកំណែទម្រង់ត្រូវបន្តអនុវត្តគោលការណ៍«ឆ្លុះកញ្ចក់ ងូ​តទឹ​​ក ដុសក្អែ​ល ​ព្យាបាល និងវះកាត់»។
លោ​កថា៖«ចាប់ពីចុងឆ្នាំ២០១៧មក យើងបានដាក់ចេញនូវចំណុចសំខាន់មួយទៀតគឺការវះកាត់ តែម្តង គឺមិនត្រឹមព្យា​បាលហើយ​ទុ​ក ឲ្យ​​បន្តជាជំងឺរាំរ៉ៃតទៅទៀតទេ។ នេះជាចំណុចសូមរំឭកដាស់តឿនសារជាថ្មីម្តងទៀត នៅក្នុងចំណោម​មន្ត្រីរបស់យើង។គឺចាំបា​ច់​ណា​​​ស់​​កា​រវះកាត់ ដើម្បីឆ្លើយតបទៅនឹង [បញ្ហាពលរដ្ឋ]គឺមិនអា​ចទុកឲ្យជម្ងឺរាំរ៉ៃនេះនៅបន្តរ​ហូត ទៅជាជំងឺមហារី​​ករហូតដល់​ទៅ​ងា​ប់​​​ខ្លួ​ននោះ​ទេ។ នេះជាចំណុចដែលខ្ញុំសុំបញ្ជាក់»៕