ចក្ររបស់ខ្លួននឹងមានសន្តានចិត្តល្អ បេីកប្រាក់ឈ្មួលឲ្យពួកគេមុនថ្ងៃ ទី ២៩ កក្កដា ឆ្នាំ ២០១៨ ដេីម្បីទៅបោះឆ្នោតជ្រេីសរេីសតំណាងរាស្ត្រ អណត្តិទី៦នេះ។
អ្នកនាង ចាន់ សាវីកម្មការនីរោងចក្រ៣ជាន់នៅតាមបណ្តោយផ្លូវគប់ស្រូវ ក្នុងខណ្ឌពោធិ៍សែន ជ័យ រាជធានីភ្នំពេញ បានសម្តែងការអស់សង្ឃឹម នៅព្រឹកថ្ងៃ ព្រហស្បត្តិ៍នេះ ដោយអ្នកគ្រប់រោង ចក្របានប្រាប់ថា ថៅកែធំមិនអាចបេីកប្រាក់ខែជូនកម្មករទាំងអស់នៅមុនដាច់ខែបានទេ។ តែកម្មករ-កម្មការនីអាចសុំខ្ចីថវិកាមុនខ្លះ ដេីម្បីធ្វេីដំណេីរទៅបោះឆ្នោតនៅពេលខាងមុខនេះ។
សារព័ត៌មានជាតិខ្មែរមិនអាចទាក់ទងអ្នកគ្រប់គ្រងរោងចក្រខាងលេីបានទេ នៅថ្ងៃនេះតែ កម្មករ-កម្មការនីដទៃៗទៀត ក៏អះអាងដូចៗគ្នាថា ថៅកែរោងរបស់ពួកគេនឹងមិនបេីកប្រាក់ទាំង អស់ឲ្យពួកគេ តាមការប្រកាសរបស់ក្រសួងក្រសួងការងារនិងបណ្ដុះបណ្ដាលវិជ្ជាជីវៈបានទេ។
ក្រសួងការងារនិងបណ្ដុះបណ្ដាលវិជ្ជាជីវៈនៅថ្ងៃទី៩ ខែកក្កដា បានចេញសេចក្ដីជូនដំណឹងដល់ថៅកែនិយោជកសហគ្រាសគ្រឹះស្ថានទាំងអស់ឲ្យបើកប្រាក់ឈ្នួលជូនកម្មករឲ្យបានមុនថ្ងៃទី២៧ ខែកក្កដា ពីរថ្ងៃមុនថ្ងៃបោះឆ្នោត។
សេចក្ដីជូនដំណឹងរបស់ក្រសួងការងារដែលចុះហត្ថលេខាដោយលោករដ្ឋមន្ត្រី អ៊ិត សំហេង ឲ្យដឹងថា ការបើកប្រាក់ឈ្នួលនេះ គឺដើម្បីសម្រួលដល់កម្មករនិយោជិកក្នុងការចូលរួមការបោះឆ្នោតជ្រើសតាំងតំណាងរាស្ត្រនីតិកាលទី៦ ដែលមកដល់នៅថ្ងៃទី២៩ កក្កដាខាងមុខនេះ។
លោក អ៊ិត សំហេង បញ្ជាក់ក្នុងសេចក្ដីជូនដំណឹងនោះថា ប្រសិនបើថៅកែនិយោជកមិនមានលទ្ធភាពបើកប្រាក់ឈ្នួលបានមុនថ្ងៃទី២៧ កក្កដាទេ ពួកគេអាចបើកប្រាក់ បុរេប្រទាន ឲ្យបាន៥០ភាគរយនៃប្រាក់ខែសរុបជាមុនដល់កម្មករ។
ប្រធានសម្ព័ន្ធសហជីពប្រជាធិបតេយ្យកម្មករកាត់ដេរ ឬហៅកាត់ថា ស៊ីខាវឌូ (Ccawdu) លោក អាត់ ធន់ សាទរចំពោះការសម្រេចរបស់ក្រសួងការងារដែលជំរុញឲ្យថៅកែបើកប្រាក់ឈ្នួលមុនថ្ងៃបោះឆ្នោតខាងមុខនេះ។ ប៉ុន្តែលោកកត់សម្គាល់ថា ចេតនារបស់ក្រសួងការងារក្នុងការសម្រួលដល់ការចេញទៅបោះឆ្នោតរបស់កម្មករ ក្នុងការបោះឆ្នោតអាណត្តិនេះ ហាក់ខុសប្លែកពីការបោះ ឆ្នោតអាណត្តិមុនៗ ដែលកាលណោះ ទោះបីជាសហជីពការងារបានស្នើដល់រដ្ឋាភិបាលឲ្យផ្ដល់ថ្ងៃឈប់សម្រាក ដើម្បីសម្រួលដល់ការធ្វើដំណើររបស់កម្មករទៅបោះឆ្នោតនៅតាមខេត្តយ៉ាងណាក៏ ដោយ ក៏រដ្ឋាភិបាលហាក់មិនយកចិត្តទុកដាក់នោះឡើយ។
កាសែតជាតិខ្មែរមិនអាចទាក់ទងអគ្គលេខាធិការរងសមាគមរោងចក្រកាត់ដេរនៅកម្ពុជា លោក កាំង ម៉ូនីកា ដើម្បីសាកសួរពីជំហររបស់ក្រុមថៅកែរោងចក្រកាត់ដេរបានទេនៅថ្ងៃទី១២ ខែកក្កដា នេះ ដេីម្បីសួរថាតេីគ្រប់រោងចក្រទាំងអស់នឹងបេីកប្រាក់ខែជូនកម្មករ មុន ឬក៏គ្រាន់តែឲ្យកម្មករខ្ចី ប្រាក់មុនខ្លះ ដេីម្បីធ្វេីដំណេីរទៅបោះឆ្នោតខាងមុខនេះ។
កាលពីពេលបោះឆ្នោតជ្រើសរើសក្រុមប្រឹក្សាឃុំ សង្កាត់ឆ្នាំ២០១៧ ដែលមានវត្តមានគណបក្សសង្គ្រោះជាតិក្នុងការប្រកួត រដ្ឋាភិបាលបានរងការរិះគន់ថា មិនបានសម្រួលដល់ការចេញទៅបោះឆ្នោតរបស់កម្មករនិយោជិកនោះទេ ដោយបានបដិសេធសំណើក្រុមសហជីព និងអង្គការសង្គមស៊ីវិលដែលសុំឲ្យរដ្ឋាភិបាលដាក់បទបញ្ជាដល់ថៅកែនិយោជកឲ្យផ្ដល់ថ្ងៃឈប់សម្រាកសមរម្យដល់កម្មករដោយមិនកាត់ប្រាក់ឈ្នួល។
ផ្ទុយទៅវិញ បន្ទាប់ពីរំលាយគណបក្សសង្គ្រោះជាតិ មិនឲ្យចូលរួមប្រកួតក្នុងការបោះឆ្នោតជ្រើស តាំងតំណាងរាស្ត្រឆ្នាំ២០១៨នេះរួចមក រដ្ឋាភិបាលកម្ពុជា បែរជាងាកទៅយកចិត្តកម្មករដោយឯកឯង ដូចជាបើកយុទ្ធនាការចុះជួបកម្មកររោងចក្រ មុនរដូវកាលឃោសនាបោះឆ្នោតដោយចាយថវិកាជាតិ អស់ជាង ៣លាន ៤សែនដុល្លារ និងអនុញ្ញាតឲ្យកម្មករបានឈប់សម្រាករយៈពេល៣ថ្ងៃដើម្បីសម្រួលដល់ការធ្វើដំណើរទៅបោះឆ្នោតជាដើម៕
0 comments:
Post a Comment