ស្ថានទូតអាមេរិកប្រចាំកម្ពុជាកត់សម្គាល់ខួបមួយឆ្នាំនៃការបោះឆ្នោតជាតិ នៅកម្ពុជាថា«មាន កំហុសឆ្គងយ៉ាងខ្លាំង»!

ស្ថានទូតសហរដ្ឋអាមេរិកប្រចាំកម្ពុជា សរសេរសារនៅលើហ្វេសប៊ុកផ្លូវការ របស់ខ្លួននៅថ្ងៃនេះថា រដ្ឋាភិបាលសហរដ្ឋអាមេរិក កត់សម្គាល់ខួបមួយឆ្នាំនៃជាតិ ដែលមានកំហុសឆ្គងយ៉ាងខ្លាំង នៅ កម្ពុជា។ ការបោះឆ្នោតនោះ មិនមានភាពសេរី និងយុត្តិធម៌ទេ ហើយក៏មិនបានតំណាងឲ្យឆន្ទៈរ បស់ប្រជាពលរដ្ឋកម្ពុជាទេ។

ស្ថានទូតបន្តថា ការបោះឆ្នោតនេះ បានផាត់ចោលគណបក្សប្រឆាំងធំជាងគេនៅកម្ពុជា ហើយវា រឹតតែធ្វើឲ្យបាត់បង់ថែមទៀត នូវសមិទ្ធិផលរបស់ប្រទេសកម្ពុជា ក្នុងការជំរុញការផ្សះផ្សា នយោបាយ និងលើកកម្ពស់កំណើនសេដ្ឋកិច្ច ចាប់តាំងពីមានកិច្ចព្រមព្រៀងសន្តិភាពទីក្រុងប៉ារីស ឆ្នាំ ១៩៩១ មក។

ស្ថានទូតបន្តថា«យើងសូមអំពាវនាវឲ្យរដ្ឋាភិបាលកម្ពុជាចាត់វិធានការជាក់ស្តែងនានា ក្នុងការស្តារ លទ្ធិប្រជាធិបតេយ្យ រួមទាំងធ្វើការទម្លាក់បទចោទប្រកាន់ទាំងឡាយ ប្រឆាំងលោក កឹម សុខា និងអ្នកទោសនយោបាយដទៃទៀត ហើយបញ្ចប់ការអនុវត្តនូវការចោទប្រកាន់ដោយគ្មានមូលដ្ឋាន និងក្រោមហេតុផលនយោបាយ ដើម្បីយាយីពលរដ្ឋរបស់ខ្លួន»។
ស្ថានទូតបន្តទៀតថា ប្រជាពលរដ្ឋ ទាំងអស់នៅកម្ពុជាគួរតែអាចប្រើសិទ្ធិរបស់គេក្នុងការសម្តែង មតិ ដោយសេរី និងអាចធ្វើការប្រមូលផ្តុំគ្នាដោយសន្តិវិធី ហើយឲ្យពលរដ្ឋចូលរួមនៅក្នុងដំណើរ ការកិច្ចការសាធារណៈ។

ភ្លាមៗនេះ មន្ត្រីរដ្ឋាភិបាលកម្ពុជាមិនទាន់មានប្រតិកម្មនឹងស្ថានទូតអាមេរិកពីករណីនេះ នៅឡើយ ទេ៕