.jpg)
លោក ញ៉យ ចំរើនរងរបួសដោយបាតុករវាយនៅព្រឹកមិញនេះនៅក្រៅរបងរដ្ឋសភា
ដោយ លោក នុប គីម
តំណាងរាស្រ្តគណបក្ស សង្រ្គោះជាតិពីររូបលោក ញ៉យ ចំរើននិងលោក គង់សុភា បានរងរបួស
បែកក្បាលនិងរថយន្តរបស់ពួកគេត្រូវបានវាយកម្ទេចចោល ក្រោយពីមានការផ្ទុះហិង្សាពីសំណាក់
ក្រុមបាតុកររៀបចំឡើងដោយគណបក្សប្រជាជនកម្ពុជាដែលតវ៉ានៅមុខរដ្ឋសភា ទាមទារឲ្យដក
តំណែងអនុប្រធានគណបក្សសង្រ្គោះជាតិនិងជាអនុប្រធានទី១នៃ រដ្ឋសភាលោក កឹម សុខា។
អ្នកគាំទ្រគណបក្សកាន់អំណាចរាប់ពាន់នាក់ នៅព្រឹកថ្ងៃចន្ទនេះ បានធ្វើបាតុកម្មនិងដាក់ញតិទៅ
កាន់រដ្ឋសភា ដើម្បីឲ្យដកតំណែង លោក កឹម សុខា ដោយពួកគេចោទប្រកាន់ថាលោក កឹម សុខា ជា”មនុស្សបោកប្រាស់ ក្រឡេចក្រឡុចនិងជាអ្នកដែលនាំទុក្ខដល់ប្រជាពលរដ្ឋគ្រប់ៗរូប”។
ក្រោយពីបានធ្វើការប្រផ្តុំនៅមុខរដ្ឋសភាក្រុមបាតុករក៏បាននាំគ្នាជិះម៉ូតូសំដៅទៅប្រមូលផ្តុំគ្នានៅ
មុខផ្ធះរបស់លោកកឹម សុខា ដោយក្រុមបាតុកររាប់រយនាក់បានជិះម៉ូតូទៅដល់មុខផ្ទះរបស់លោក
អនុប្រធាន ដែលមានទីតាំងនៅខាងក្រោយសាលាភូមិន្ទភ្នំពេញ ក្នុងសង្កាត់បឹងកក់២ ខណ្ឌទួល
គោក។ បាតុករបានស្រែកឲ្យលោក កឹម សុខា ចេញមកក្រៅដោយហៅលោកកឹម សុខាថា”អាកឹម សុខា។ អាឆ្កែ ចេញមកក្រៅ”។
លោក គង់ សុភារងរបួសដោយបាតុករវាយពេលចេញពីប្រជុំសភា
នៅព្រឹកមិញនេះ
នៅព្រឹកមិញនេះ
ទន្ទឹមនឹងនោះដែរ តំណាងរាស្រ្តគណបក្សសង្រ្គោះជាតិ លោក ញ៉យ ចំរើន ក៏បានអះអាងថា
លោកបានរងរបួសបែកក្បាលនៅម៉ោងជិត១២ថ្ងៃត្រង់ ខណះពេលលោកនិងតំណាងរាស្រ្តមួយរូបទៀត គឺលោក គង់ សភា ចេញពីប្រជុំសភាតាមទ្វារក្រោយក៏ ស្រាប់តែមានហិង្សាកើត
ឡើងមកលើរូបលោកភ្លាមៗតែម្តង។ លោកឲ្យដឹងថាលោករងរបួសបែកក្បាល របួសមុខ និងអាចនឹងបាក់កដៃ។ លោកឲ្យដឹងទៀតថាតំណាងរាស្រ្តមួយរូបទៀត គឺលោក គង់ សភា ក៏រង
របួសបែកក្បាលផងដែរ ។
លោក ញ៉យ ចំរើនឲ្យដឹងផងដែរថា គូដណ្តឹងរបស់លោកដែលមកទទួលលោកពេលចេញពីរដ្ឋសភា ក៏រងរបួសបែកក្បាលផងដែរ។ លោកបន្តថារថយន្តរបស់លោកក៏ត្រូវបានកម្ទេចដោយក្រុមបាតុករ។ លោកចាត់ទុកថា»នេះជាការតវ៉ាហិង្សាដែលមិនអាចទទួលយកបានឡើយ»។
លោក ញ៉យ ចំរើន ជាតំណាងរាស្រ្តមណ្ឌលកំពង់ចាម។ ចំណែកលោក គង់ សភា ជាតំណាង
រាស្រ្តមណ្ឌលស្វាយរៀង។ លោក ញ៉យ ចំរើនជាពលរដ្ឋខ្មែរ-អាមេរិកាំងចំណែកលោក គង់ សុភា ជាកូនប្រុសរបស់លោក គង់ គាំប្រធានគណបក្សសម រង្ស៊ី។ ពួកគេទាំងទើបតែជាប់ជាតំណាង
រាស្ត្រគណបក្សសង្គ្រោះជាតិនៅអណត្តិទី៥នេះ៕
0 comments:
Post a Comment