មេឈ្មួញឈើលឹម ប៊ុណ្ណា(ពាក់អាវយឺតពណ៌បៃតង) ប្រចាំបណ្តាខេត្តនៅភូមិភាគឥសាន្ត
ដ៏ល្បីឈ្មោះ
តំណាងអយ្យការខេត្តក្រចេះ លោក ហាក់ ហ៊ាន់ បានកោះហៅមន្ត្រីសមាគមអាដហុក (ADHOC) ដែល ប្ដឹងឧកញ៉ាពីររូបឈ្មោះ ប៊ុត ប៊ុនអេង និងឧកញ៉ា លឹម ប៊ុណ្ណា ហៅ ខ្នា ឲ្យចូលបំភ្លឺនៅថ្ងៃទី១១ សីហា ក្នុងសំណុំរឿងឈូសឆាយដីព្រៃជាទ្រព្យសម្បត្តិសាធារណៈ ឋិតនៅឃុំឫស្សីកែវ ស្រុកព្រែកប្រសព្វ ខេត្តក្រចេះ។
នៅថ្ងៃនេះអ្នកកាសែតជាតិខ្មែរ មិនអាចទាក់ទងតំណាងអយ្យការខេត្តក្រចេះ លោក ហាក់ ហ៊ាន់ ដើម្បីសុំការបំភ្លឺជុំវិញករណីនេះបានទេ។ ប៉ុន្តែលោកធ្លាប់អះអាង ថា ប្រសិនបើតំណាងអយ្យការរកឃើញថា មានឧកញ៉ា និងអ្នកពាក់ព័ន្ធមួយចំនួនជាប់ពាក់ព័ន្ធការកាប់រានដីព្រៃឈើខុស ច្បាប់មែន អ្នកទាំងនោះ ត្រូវទទួលខុសត្រូវចំពោះមុខច្បាប់។
អ្នកកាសែតជាតិខ្មែរមិនអាចទាក់ទងលោកលឹម ប៊ុណ្ណានិងលោកប៊ុតប៊ុនអេងដើម្បីបកស្រាយពី
ពាក្យបណ្តឹងប្រឆាំងឧកញ៉ាទាំងពីរនាក់នេះបានទេនៅថ្ងៃនេះ។ ចំណែកភរិយារបស់លោក លឹម
ប៊ុនណ្ណាឈ្មោះថុង ធីតាបដិសេធមិននិយាយពីរឿងបណ្តឹងនេះទេ។
ប្រធានផ្នែកដីធ្លី និងធនធានធម្មជាតិនៃសមាគមអាដហុក លោក ប៉ែន ប៊ុណ្ណារ៍ អះអាងថា លោកមានភស្តុតាងគ្រប់គ្រាន់ដែលបញ្ជាក់ថា ឧកញ៉ាទាំងពីរនាក់នោះពិតជាជាប់ពាក់ព័ន្ធកាប់បំផ្លាញព្រៃឈើរាប់ ពាន់ហិកតារ ហើយពលរដ្ឋរស់នៅតំបន់នោះក៏ដឹងដែរថា ឧកញ៉ាពីរនាក់នោះពិតជាជាប់ពាក់ព័ន្ធការកាប់រានដីព្រៃនេះ។ លោករំពឹងថា តុលាការនឹងផ្តល់យុត្តិធម៌ក្នុងរឿងនេះ។
លោកបញ្ជាក់ថា៖ «យើង សង្ឃឹម ១០០ភាគរយថា សហគមន៍នឹងទទួលយុត្តិធម៌អំពីប្រព័ន្ធយុត្តិធម៌ ពីព្រោះយើងគិតថា បើសិនជាចង់រួចខ្លួន ទាល់តែលោកដឹកព្រៃឈើយកដាំដូចដើមបានអស់លោកឈ្នះយើង។ យើងគិតថា ប្រព័ន្ធយុត្តិធម៌នឹងផ្តល់យុត្តិធម៌ដល់រាស្ត្រនៅឃុំឫស្សីកែវ»។
កាលពីដើមឆ្នាំ២០១៦ ពលរដ្ឋរស់នៅឃុំឫស្សីកែវ ស្រុកព្រែកប្រសព្វ ខេត្តក្រចេះ ចំនួន ៥៤៥
គ្រួសារបានផ្ដិតមេដៃប្ដឹងឧកញ៉ា ២រូប និងអ្នកមានអំណាចមួយចំនួនពីបទកាប់រានដីព្រៃសាធារណៈរបស់រដ្ឋទៅ សាលាដំបូងខេត្តក្រចេះ។ ពលរដ្ឋទាមទារឲ្យឧកញ៉ាទាំងនោះ និងអ្នកពាក់ព័ន្ធទទួលខុសត្រូវការបាត់បង់តំបន់ព្រៃស្រោងជាង ៣ពាន់ហិកតារ ហើយបច្ចុប្បន្នបានក្លាយជាទីដីវាល និងគ្រប់គ្រងជាកម្មសិទ្ធិឯកជនរបស់ឧកញ៉ាទាំងពីរខាងលើ។
នៅពេលថ្មីៗនេះលោកនាយករដ្ឋមន្ត្រីហ៊ុន សែនបានបង្កើតគណះកម្មការជាតិមួយសម្រាប់បង្ក្រាប
បទល្មើសព្រៃឈើមនៅទូទាំងប្រទេសកម្ពុជាដែលដឹកនាំដោយលោកនាយឧត្តមសេនីយ៏សៅ សុខាក៏ប៉ុន្តែគណះកម្មការនេះហាក់ដូចជាមិនមានតម្លាភាពក្នុងការបង្ក្រាបមទល្មើសព្រៃឈើនោះទេហើយ
ថែមទាំងមិនអាចបង្ក្រាបឈើក្នុងស្តុកធំៗរបស់ឧកញ៉ាមួយចំនួនទៀតផងដូចជាឧកញ៉ាលឹម ប៊ុណ្ណា
ហៅខ្នានេះតែម្តង៕
លោកសៅ សុខាពាក់ផ្កាយបួនយកដៃបិទមាត់ក្នុងកិច្វប្រជុំមួយនៅសាលាខេត្តត្បូងឃ្មុំ
លឹម ប៊ុណ្ណាយ៉ាងម៉េចកើត?
0 comments:
Post a Comment