លោកទុំ ណូប្រធានសាខាគយខេត្តព្រះសីហនុបើកដៃឲ្យទំនិញ គេចពន្ធពីបរទេសជាថ្នូរនឹងលុយពុករលួយ

លោក ទុំ ណូ (ឯកសណ្ឋានគយ) ទទួលត្រាជាមេគយនិងរដ្ឋាករ ខេត្តព្រះសីហនុ

ពីលោក​ នួន ច័ន្ទ​រិទ្ធ អគ្គនាយក រង នៃ​អគ្គនាយកដ្ឋាន គយ​និង​រដ្ឋាករ កម្ពុជ។

ខេត្ត​ព្រះសីហនុ៖​​ យោងតាមប្រភពច្បាប់ការណ៏ ពីមន្ត្រីគយនិងរដ្ឋាករ ខេត្តព្រះសីហនុ ឲ្យដឹង

ថា លោកទុំ ណូ ដែលទើបឡើងកាន់តំណែង ជាប្រធានសាខាគយនិងរដ្ឋាករខេត្តព្រះសីហនុ 
កំពុងបើកដៃឲ្យទំនិញគេចពន្ធពីប្រទេសជិតខាងជាពិសេសពីប្រទេសថៃចូលលុកលុយនៅក្នង
ប្រទេសកម្ពុជា យ៉ាងអាណាធិបតេយ្យ ដើម្បីជាថ្នូរនឹងប្រាក់សំណូករាប់ម៉ឺនដុល្លារ។

ប្រភពដដែលឲ្យដឹងថា ទង្វើអនុញ្ញាតឲ្យទំនិញគេចពន្ធរបស់បុគ្គលទុំ ណូទាំងនេះ ចូលមកក្នុង ទីផ្សារកម្ពុជា គឺជាថ្នូរនឹងលុយពុករលួយរាប់ម៉ឺនដុល្លារសម្រាប់ដាក់ហោប៉ៅ របស់បុគ្គលមន្ត្រី គយ ជាន់ខ្ពស់រូបនេះ។

តាមប្រភពដដែលឲ្យទៀតដឹងថាចាប់តាំងពី អគ្គនាយដ្ឋាន​គយ និង​រដ្ឋាករ​កម្ពុជា​ចាត់តាំ​ង​លោកទុំ ណូ អតីតប្រធានសាខាគយនិងរដ្ឋាករខេត្តប៉ៃលិនមកធ្វើជាប្រធាន​សាខាគយ និងរដ្ឋាករ ខេត្ត​ព្រះសីហនុ ជំនួស​លោក យ៉ឹក យូ ដើម្បី​អ្វី​ដែល​គេ​ហៅ​ថា​ពង្រឹង​ប្រសិទ្ធភាព​ប្រព័ន្ធការងារ ប្រមូល ពន្ធ​ឲ្យមាន​កំណើន​ប្រសើរជាង​មុននិង លុប​បំបាត់​អំពើពុ​ករលួយនោះ​គឺ ​ថ្មីៗ​នេះ​មន្ត្រី​ស្ថាប័ន​ពាក់ ព័ន្ធ​ដែល​ឈរជើង​នៅ​ខេត្តព្រះសីហនុ​ដែរ​នោះ​បាន​បង្ហើប​ឲ្យដឹងថា គេ​សង្កេតឃើញ ទំនិញគេចពន្ធ​របស់​ឈ្មួញ​ធំៗ នៅតែ​បន្ត​ហូរ​ចូល យ៉ាង​គ​គ្រឹកគគ្រេង​ដូច​មុន​ដដែល ហើយ​មាន​ការបន្ត​ចាត់តាំង​មន្ត្រី​ថ្នាក់ក្រោម​ឲ្យ​ប្រមូល​លុយ​គ្មាន​វិក្កយប័ត្រ ពី​ឈ្មួញ​នាំ​ទំនិញ​ខុសច្បាប់ និង​បង់ពន្ធ​មិន​គ្រប់ ដែល​ឆ្លងកាត់​ផែ​ទំនប់រល​ក ផែ​ស្ទឹង​ហាវ ផែ​កែវផុស ផែ​លោក​ឧកញ៉ា សូ ជុង​ហួ និង​ផែ​ឯកជន​តូចៗ ជាច្រើនទៀត ដែល​សុទ្ធតែ​ជា​ប្រភព​ចំណូល​ខ្មៅ​លោកទុំ ណូ​ច្រក​ហោប៉ៅ​ស្រង់ដើមនៃការតែង តាំង លោកជាមេគយប្រចាំខេត្តព្រះសីហនុ​។
ជ្រក​ក្រោម​លេស​គោ​លនយោបាយ​កំណែទម្រង់ បាន​ក្លាយជា​ការប្រព្រឹត្ត​អំពើពុករលួយ​ក្នុង​ការតែង តាំង និង​ផ្ទេរ​តំណែង ក្នុង​អគ្គនាយកដ្ឋាន​គយ​និង​រដ្ឋាករ កំពុង​កើតមាន​ជា​បន្តបន្ទាប់ ដែល​ធ្វើឲ្យ​មន្ត្រី​​គយមួយ​ចំនួនឆក់ឱ​កាសចាយ​លុយ​មិន​ញញើត ក្នុង​ការ​រត់​ការ​ជ្រែ ឬ​ដេញថ្លៃ ឡើងកាន់​តំណែង​ល្អៗ​បាន​ដោយ​ស្រួល ដូច​យ៉ាង​លោក ទុំ ណូ អតីត​ប្រធាន សាខាគយ​ខេត្ត​ប៉ៃលិន ​ដែល​ធ្លាប់​សាង​កំហុស​យ៉ាងច្រើន​សន្ធឹកសន្ធាប់ ក្នុងការ​ធ្វើឲ្យ​បាត់​ចំណូល​ពន្ធ មិន​ត្រូវបាន​ដាក់​ពិន័យ ឬដាក់ទណ្ឌកម្មនោះទេ តែបែរជា​ត្រូវបាន​តែងតាំង ជា​ប្រធាន​សាខាគយ និង  រដ្ឋាករ ខេត្ត

ព្រះសីហនុ ជំនួស​លោក យ៉ឹក​ យូ ទៅវិញ ដែល​បង្ក​ឲ្យមាន​ការភ្ញាក់ផ្អើ​ល​ពេញ​ស្ថាប័នគយ

កម្ពុជាតែម្តង។ ដោយសារតែ​ភ្លើង​ខៀវ​របស់ លោក ទុំ ណូ ទំនិញ​នាំចូល​ដែល​ត្រូវ​បង់ពន្ធ​ខ្ពស់ ក៏ត្រូវលោកទុំ ណូឲ្យបង់ពន្ធ​ជា​ប្រភេទ​ទំនិញ​ចម្រុះ ឬ​គ្រឿង​បន្លាស់​ទៅវិញ ហើយ​បង់​ត្រឹមតែ ៣០​ទៅ​៤០ ភាគរយ​ដែល​នាំ​ឲ្យ​រដ្ឋ​ត្រូវ​ខាតបង់ ចំណូល​ពន្ធ រាប់សិប​ម៉ឺន​ដុល្លារ ក្នុង​មួយ​ខែៗ តែ​ប្រាក់​ទាំងនោះ​បាន​ធ្លាក់​ចូល​ហោប៉ៅ​លោក ទុំ ណូ​ និង​បក្ខពួកតែប៉ុណ្ណោះ។
​​គួររំលឹកថា ក្នុងអំឡុងពេល​ដែល លោក ទុំ ណូ កាន់តំណែង​ជា ប្រធាន​សាខាគយ និងរដ្ឋាករខេត្ត​ប៉ៃលិន ក្រុម​ឈ្មួញមានឱកាស​ពេញលេញ​ក្នុងការ ដឹកជញ្ជូន ទំនិញ​គេច​ពន្ធ ឆ្លង​កាត់​ខេត្ត​ប៉ៃលិន ដោយ​រលូន ហើយលោក ទុំ ណូ ក្នុងនាម​ជា​ប្រធាន​សាខាគយ ខេត្ត​ប៉ៃលិន បាន​ចាត់តាំង​ឲ្យ​មន្ត្រី​ស្និទ្ធ​ក្រោម​ឱវាទប្រមូល​លុយ​ពី​ឈ្មួញដោយ​មិន​ខ្វល់ ពី​ការ​កែទម្រង់អ្វី​នោះ​ឡើយ​។ សូមបញ្ជាក់ថា លោក ទុំ ណូ អតីត​ប្រធាន សាខាគយ និងរដ្ឋាករខេត្ត​ប៉ៃលិន​ដែល​សម្បូរ​រឿងអាស្រូវនោះ កាលពី​ព្រឹក​ថ្ងៃទី​៩ ខែ​មករា ឆ្នាំ​២០១៧ នៅ​សាលាខេត្ត​ព្រះសីហនុ ត្រូវបាន​លោក​ នួន ច័ន្ទ​រិទ្ធ អគ្គនាយក រង នៃ​អគ្គនាយកដ្ឋាន គយ​និង​រដ្ឋាករ កម្ពុជា តំណាងឲ្យ លោក គុណ ញឹម អគ្គនាយកគយនិង រដ្ឋាករ កម្ពុជាបាន​ធ្វើ​ជា​អធិបតី ប្រកាស​តែងតាំងលោកទុំ ណូ​ជា​ប្រធាន​សាខាគយនិងរដ្ឋាករ​​ខេត្ត​ព្រះសីហនុ ហើយ​លោ​ក យ៉ឹក យូ ប្រធាន​សាខាគយ ខេត្ត​ព្រះសីហនុ បាន​ប្តូរ​ទៅជា​ប្រធាន សាខា គយ​កំពង់ផែ​អន្តរជាតិ ក្រុងព្រះសីហនុ ជំនួស​លោក គិន លី ដែល​ត្រូវ​ដាក់ឲ្យ​ចូល និវត្តន៍ ។ ​​ប្រភព​​សម្ងាត់មួយ​បង្ហើប​ថា លោក​មេ​គយ​កូនកាត់ ទុំ ណូរូបនេះ​ចាយ​លុយ​យ៉ាងច្រើនយក​ប៉ុស្តិ៍​ខ្លាញ់​នេះ​ប្រដេញ​គ្នា​រហូត​ដល់​កន្លះ​លាន​ដុល្លា​រ។

ពាក់ព័ន្ធព័ត៌មានខាងលើនេះ សារព័ត៌មានជាតិខ្មែរមិនអាចទាក់ទងលោក ទុំ ណូដើម្បីបំភ្លឺពីការ លើកឡើងរបស់ក្រុមមន្ត្រីគយនៅខេត្តព្រះសីហនុ ដែលបានចោទប្រកាន់លោក ទុំ ណូ ពីបទពុក រលួយនិងអនុញ្ញាតឲ្យទំនិញគេចពន្ធនេះបានទេនៅថ្ងៃនេះ៕