នៅក្នុងសេចក្តីថ្លែងការណ៍អំពី
«ការធ្វើមាតុភូមិនិវត្តន៍នៃថ្នាក់ដឹកនាំគណបក្សសង្គ្រោះជាតិ»
នៅថ្ងៃ ចន្ទនេះ បានបញ្ជាក់តាមខ្លឹមសារដើមថា៖«ដូច្នេះដំណើរមាតុភូមិនិវត្តន៍របស់ថ្នាក់ដឹកនាំគណបក្ស សង្គ្រោះជាតិនៅពេលដ៏ខ្លីខាងមុខនេះ
គឺទៅរួមសុខ រួមទុក្ខជាមួយជនរួមជាតិយើងនៅក្នុងប្រទេស កម្ពុជានិងធ្វើការតស៊ូនយោបាយដោយអហិង្សា
ស្របតាមគោលការណ៍ប្រជាធិបតេយ្យ ដើម្បីឲ្យមានការដោះលែងលោក កឹម សុខា ប្រធានគណបក្សសង្គ្រោះជាតិ
ស្តារលទ្ធិប្រជាធិបតេយ្យ និងអនុញាតឲ្យគណបក្សសង្គ្រោះជាតិដំណើរការឡើងវិញ តាមលក្ខខណ្ឌរបស់សហគមន៍អឺរ៉ុបនិងសហរដ្ឋអាមេរិក
បញ្ចៀសការកាត់ផ្តាច់ប្រព័ន្ធអនុគ្រោះពន្ធ EBA និង GSP»។
សេចក្តីប្រកាសព័ត៌មានដែលចាប់ផ្តើមពីពាក្យថាប្រទេសកម្ពុជា
ជាមាតុភូមិរបស់ខ្មែរទាំងអស់គ្នា បានបញ្ជាក់បន្ថែមពីសិទ្ធិនិងភារកិច្ចជាច្រើនរបស់ពលរដ្ឋខ្មែរគ្រប់រូប
គ្រប់និន្នាការ នូវសិទ្ធិ កាតព្វកិច្ចថែរក្សាការពារទឹកដី ផលប្រយោជន៍ និង
សេចក្តីថ្លៃថ្នូររបស់ពលរដ្ឋជាដើម។ សេចក្តីថ្លែង ការណ៍ដដែលនោះ
បានអំពាវនាវដល់ជនរួមជាតិខ្មែរ គ្រប់មជ្ឈដ្ឋាន គ្រប់និន្នាការនយោបាយរួមកម្លាំងគ្នា
រក្សាកម្មវិធីប្រព័ន្ធអនុគ្រោះពន្ធ EBA និង GSP ដើម្បីបញ្ចៀសនូវការឈឺចាប់
និងសេចក្តីទុក្ខលំបាក របស់ពលរដ្ឋខ្មែរយើង។ កម្ពុជាអាចបាត់បង់ថវិការាប់រយលានដុល្លារក្នុង១ឆ្នាំ
និងប៉ះពាល់ដល់ជីវភាពពលកររាប់ម៉ឺននាក់ នៅពេលដែលមានការកាត់ផ្តាច់ប្រពន្ធអនុគ្រោះពន្ធEBAនិង GSP។ សហគមន៍អន្តរជាតិរួមទាំងអាមេរិក និង
សហភាពអឺរ៉ុប បានជំរុញដល់មេដឹកនាំនយោបាយ កម្ពុជាឲ្យដោះស្រាយបញ្ហាស្មុគស្មាញនយោបាយដោយសន្តិវិធី។
នៅពេលនេះមន្ត្រីបក្សកាន់អំណាចមិនទាន់ប្រតិកម្មនឹងការប្រកាសជាថ្មីរបស់បក្សប្រឆាំងនេះទេ៕
នៅពេលនេះមន្ត្រីបក្សកាន់អំណាចមិនទាន់ប្រតិកម្មនឹងការប្រកាសជាថ្មីរបស់បក្សប្រឆាំងនេះទេ៕
0 comments:
Post a Comment