ក្រុមហ៊ុនដែលនាំចូលកុងតឺន័រ៨៣ ផ្ទុកកាកសំណល់សំរាម ប្លាស្ទិកគឺជាក្រុមហ៊ុនចិន មិនមែនជា ក្រុមហ៊ុនរបស់អាមេរិក ឬកាណាដា ដូចការផ្សាយរបស់ហ្វ្រេសញូវទេ!

(ភ្នំពេញ)៖ លោក គុណ ញឹម ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន គយ និងរដ្ឋាករ បានថ្លែងបញ្ជាក់ប្រាប់វិទ្យុអាសុីសេរីនៅព្រឹកនេះថា ក្រុមហ៊ុនដែលលួចនាំចូល កុងតឺន័រ៨៣ទូរ ផ្ទុកដោយកាកសំណល់សំរាមប្លាស្ទិក នៅខេត្តព្រះសីហនុ គឺជាក្រុមហ៊ុនចិន ហើយមិនមែនជាក្រុមហ៊ុន អាមេរិក ឬកាណាដា ដូចការផ្សាយបំពុលសង្គមរបស់កាសែត ហ្វេស ញូវ កន្លងមកថ្មីឺនេះទេ។

លោក គុណ ញឹមក៏បញ្ជាក់ថា ការស៊ើបអង្កេតស្រាវជ្រាវបាននឹងកំពុងបន្ត ដោយលទ្ធផលច្បាស់ ការនឹងបង្ហាញ នៅសប្តាហ៍ក្រោយទៀត។ ទន្ទឹមនឹងនេះ លោក ក៏ឲ្យដឹងដែរថាក្រុមហ៊ុនចិននេះ បានចុះបញ្ជីត្រឹមត្រូវនៅក្រសួងពាណិជ្ជកម្មកម្ពុជាដែលមានជនជាតិខ្មែរឈរឈ្មោះជាតំណាងផង

ដែរ។

លោក គុណ ញឹម បានបញ្ជាក់យ៉ាងដូច្នេះថា «នៅពាក់កណ្តាល សប្តាហ៍ក្រោយ យើងនឹងហៅ ខាងក្រុមហ៊ុនសួរនាំអំពីបញ្ហានេះ ទាំងជនជាតិខ្មែរ និងជនជាតិចិន ប្រសិនបើរកឃើញថាជនជាតិ ចិនមាន ភាគហ៊ុនដែរនោះ យើងនឹងចាត់វិធានការតាមនីតិវិធី»។

លោកបានបន្តថា «កុងតឺន័រទាំង៨៣នេះ បាននាំចូលពីប្រទេសចិន។ ដូច្នេះយើងត្រូវការពេល វេលាស្រាវជ្រាវលើរឿងនេះ ឲ្យបានលម្អិត»៕