ភ្នំពេញ ៖ នៅថ្ងៃ ទី ១២ កញ្ញាខាងមុខនេះ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានលេខាធិការដ្ឋានសម្បទានដីសេដ្ឋកិច្ច លោក ចាន់ សាវុឌ្ឍ ត្រូវបានលោក ហៀង សុភ័ក្រ ព្រះរាជអាជ្ញា នៃអយ្យការអមសាលាដំបូងខេត្តមណ្ឌលគីរី កោះហៅឲ្យចូលបំភ្លឺ ពាក់ព័ន្ធទៅនឹងការផ្ដល់ដីទៅឲ្យក្រុមហ៊ុន ផេស៊ីហ្វិកហ្គេនយ៉ញ-ស្តុកខមភេនីលីមីធីត នៅក្នុងខេត្ត មណ្ឌលគិរី។
តាមលិខិតរបស់ លោក ហៀង សុភ័ក្រ ព្រះរាជអាជ្ញា នៃអយ្យការអមសាលាដំបូងខេត្តមណ្ឌលគីរី ចុះថ្ងៃទី២៧សីហា បានតម្រូវឲ្យលោក ចាន់ សាវុឌ្ឍ ចូលបំភ្លឺនៅថ្ងៃទី១២ ខែកញ្ញា ឆ្នាំ២០១៩ វេលាម៉ោង៩ព្រឹក ហើយការកោះហៅនេះពាក់ព័ន្ធទៅនឹងការអនុញ្ញាតឲ្យក្រុមហ៊ុន ផេស៊ីហ្វិកហ្គេន យ៉ញ-ស្តុកខមភេនីលីមីធីត នៅក្នុងខេត្តមណ្ឌលគិរី ជំហានទី១ ចំនួន១.០០០ហិកតា ក្នុងអនុតំបន់ I , អនុតំបន់ II ចំនួន ២,០០០ ហិកតា, អនុតំបន់ III ចំនួន២០០០ ហិកតា, អនុតំបន់ IV ចំនួន២,០០០ ហិកតា និងអនុតំបន់ V ចំនួន២,៧៤១ ហិកតា សរុប៩៧៤១ហិកតា។
សូមបញ្ជាក់ថា ទាក់ទងករណីនេះ លោក ឡោ រស្មី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ត្រូវបានព្រះរាជអាជ្ញា នៃអយ្យការអមសាលាដំបូងខេត្តមណ្ឌលគីរី កោះហៅឲ្យចូលបំភ្លឺរួចម្ដងហើយ កាលពីព្រឹកថ្ងៃទី២១សីហា ពីដំណើររឿងផ្តល់ដីទំហំ៩,៧៤១ ហិកតាឲ្យទៅក្រុមហ៊ុន ផេស៊ីហ្វិកហ្គេនយ៉ញ-ស្តុកខមភេនីលីមីធីត នៅក្នុងខេត្តមណ្ឌលគិរី ប៉ុន្តែក្រោយការបំភ្លឺតុលាការបានអនុញ្ញាតឲ្យត្រឡប់ទៅផ្ទះវិញ ដោយមិនមានការចាប់ខ្លួននោះទេ ហើយការបោះហៅលោក ចាន់ សាវុឌ្ឍ ចូលបំភ្លឺនេះ ត្រូវបានប្រភពមួយចំនួនអះអាងថា ដោយសាលោក ឡោ រស្មី ឆ្លើយដាក់ តែគេរង់ចាំមើលចំណាត់ការលើរឿងនេះ នឹងទៅជាបែបណា។
ជាកាតកត់សម្គាល់ ចំណាត់ការរបស់តុលាការខេត្តមណ្ឌលគិរី ត្រូវបានគេមើលឃើញថា កើត ឡើងក្រោយគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ដឹកនាំ
ដោយនាយឧត្ដមសេនីយ៍ សៅ សុខា
អគ្គមេបញ្ជាការរង នៃកងយោធពលខេមរភូមិន្ទ
មេបញ្ជាការកងរាជអាវុធហត្ថលើផ្ទៃប្រទេស
បង្ក្រាបបទល្មើសព្រៃឈើទ្រង់ទ្រាយធំជាបន្តបន្ទាប់។ ចំណែកលោក ឡោ រស្មី
ត្រូវបានសង្ស័យថា បានអនុញ្ញាតផ្តល់ការអនុញ្ញាតឲ្យក្រុមហ៊ុន ផេស៊ីហ្វិកហ្គេន
យ៉ញ-ស្តុកខមភេនី លីមីធីត នៅក្នុងខេត្តមណ្ឌលគិរី ដែលក្រុមហ៊ុននេះ
មានការពាក់ព័ន្ធនឹងការកាប់បំផ្លាញព្រៃឈើ និងដឹកជញ្ជូន។
បន្ទាប់ពីចាប់ផ្តើមយុទ្ធនាការបង្ក្រាបបទល្មើសព្រៃឈើទ្រង់ទ្រាយធំនេះ ក្រៅពីលោក ឡោ រស្មី ក៏មានមន្ត្រីជំនាញរដ្ឋបាលព្រៃឈើ, ថៅកែក្រុមហ៊ុនទទួលដីសម្បទានសេដ្ឋកិច្ចជាជនជាតិចិន, មន្ត្រីក្រសួងបរិស្ថាន និងអ្នកពាក់ព័ន្ធបទល្មើសព្រៃឈើជាង២០នាក់ទៀត ក៏ត្រូវតំណាងអយ្យការកោះហៅឲ្យចូលខ្លួនបំភ្លឺផងដែរ ខណៈដែលឧកញ៉ា ស៊ឹង សំអុល, ឧកញ៉ា គង់ គ្រឹង ថៅកែឈើប្រចាំ ខេត្តមណ្ឌលគិរី និងខេត្តក្រចេះនិងកូនចៅមួយចំនួនទៀត រួមជាមួយមន្ត្រីជំនាញព្រៃឈើ និងជនជាតិវៀតណាមមួយចំនួន ត្រូវបានតុលាការខេត្តមណ្ឌលគិរី និងខេត្តក្រចេះចាប់ និងឃុំខ្លួនជាបណ្ដោះអាសន្ន ពាក់ព័ន្ធរឿងបទល្មើសព្រៃឈើ។
បន្ទាប់ពីចាប់ផ្តើមយុទ្ធនាការបង្ក្រាបបទល្មើសព្រៃឈើទ្រង់ទ្រាយធំនេះ ក្រៅពីលោក ឡោ រស្មី ក៏មានមន្ត្រីជំនាញរដ្ឋបាលព្រៃឈើ, ថៅកែក្រុមហ៊ុនទទួលដីសម្បទានសេដ្ឋកិច្ចជាជនជាតិចិន, មន្ត្រីក្រសួងបរិស្ថាន និងអ្នកពាក់ព័ន្ធបទល្មើសព្រៃឈើជាង២០នាក់ទៀត ក៏ត្រូវតំណាងអយ្យការកោះហៅឲ្យចូលខ្លួនបំភ្លឺផងដែរ ខណៈដែលឧកញ៉ា ស៊ឹង សំអុល, ឧកញ៉ា គង់ គ្រឹង ថៅកែឈើប្រចាំ ខេត្តមណ្ឌលគិរី និងខេត្តក្រចេះនិងកូនចៅមួយចំនួនទៀត រួមជាមួយមន្ត្រីជំនាញព្រៃឈើ និងជនជាតិវៀតណាមមួយចំនួន ត្រូវបានតុលាការខេត្តមណ្ឌលគិរី និងខេត្តក្រចេះចាប់ និងឃុំខ្លួនជាបណ្ដោះអាសន្ន ពាក់ព័ន្ធរឿងបទល្មើសព្រៃឈើ។
ទោះជាយ៉ាងណា ក៏មិនទាន់មានប្រភពបង្ហាញពីឈ្មោះរបស់ម្ចាស់ក្រុមហ៊ុន
ផេស៊ីហ្វិកហ្គេន យ៉ញ-ស្តុកខមភេនី លីមីធីត
នៅក្នុងខេត្តមណ្ឌលគិរីនេះ នៅឡើយរហូតមកដល់រសៀលថ្ងៃនេះ៕
0 comments:
Post a Comment