សមត្ថកិច្ចកំពុងតាម ចាប់ខ្លួនឧកញ៉ា ខូវ ផល្លាបុត្រពីករណី បន្លំឯកសារប្លន់ទ្រព្យ សម្បត្តិអតីតភរិយា

ដោយ: ជា វិបុល

នៅពេលនេះសមត្ថកិច្ចកំពុងតាមចាប់ខ្លួនឧកញ៉ា ខូវ ផល្លាបុត្រ តាមអំណាចដីកាតុលាការ
រាជធានីភ្នំពេញដើម្បីយកមកកាត់ទោសចាមច្បាប់ចំពោះបទល្មើសក្លែងបន្លំឯកសារប្លន់យក
ទ្រព្យសម្បត្តិរបស់លោក ស្រី ឡាយ ហួងជាអតីតភរិយា។
យោងតាមប្រភពច្បាស់ការណ៏ឲ្យដឹងថាឧកញ៉ា ខូវ ផល្លាបុត្រ ជាកូនប្រុសរបស់លោក ឧកញ៉ា ខូវ ជឺលីឪពុកក្មេករបស់លោក​ ស៊ុន ចាន់ថុលរដ្ឋមន្រ្តីក្រសួងពាណិជ្ជកម្មក៏ធ្លាប់ជាប់ពាក់ព័ន្ធនឹងករណី
ដែលចោទថាលោក ស៊ុន ចាន់ថុលបានរៀបគម្រោងដាក់អន្ទាក់ភរិយាចុងរបស់ឧកញ៉ា​ ខូវ ជឺលីឲ្យ
ជាប់គុកពីបទរៀបចំគម្រោងធ្វើឃាតភរិយារបស់លោកដើម្បីដណ្តើមទ្រព្យសម្បត្តិនិងកេរមរតក
របស់លោក ខូវ ជឺលីតែគម្រោងនោះមិនបានសម្រេចក៏ត្រូវលោក ស៊ុន ចាន់ថុលប្តឹងចាប់ដាក់គុក
រហូតមកដល់សព្វថ្ងៃ​។
 រីឯលោក ស៊ុន ចាន់ថុលក៏មិនទាន់ទទួលបានមរតកមួយរៀលពីឪពុកក្មេកខូវ ជឺលីផងដែរបើទោះ
បីលោកខំចាប់ភរិយាចុងរបស់លោកខូវ ជឺលីដាក់គុកយ៉ាងណាក្តីហើយលោក ស៊ុន ចាន់ថុល
ក៏ត្រូវបានលោក ឧកញ៉ា ខូវ ជឺលី​ស្អប់ជាងអាចម៏ទៅទៀតពីព្រោះលោក ស៊ុន ចាន់ថុលដែល
អាងខ្នងលោក​នាយករដ្ឋមន្រ្តីហ៊ុន សែន មិនព្រមសុំលុយឬកេរមរតកពីឪពុកក្មេកទេបែរជារៀបចំ
គម្រោងកខ្វក់ធ្វើឲ្យប្រះឆាផ្ទៃក្នុងគ្រូសារឯងទៅវិញ។​ ឥឡូវរឿងនេះមិនទាន់ដោះស្រាយចេញនៅ
ឡើយទេ ក៏បែកធ្លាយនូវរឿងថ្មីមួយទៀតគឺឧកញ៉ា ខូវ ផល្លាបុត្របានក្លែងឯកសារប្លន់យក
ទ្រព្យសម្បត្តិភរិយាខ្លួនឯងឈ្មោះ ឡាយ ហួងហើយតុលាការក៏ចេញដីកាចាប់ខ្លួនឧកញ៉ា ខូវ ផល្លាបុត្រផងដែរ។


ដោយមានការភ័យចំពោះការតាមចាប់ខ្លួននេះ ឧកញ៉ា ខូវ ផល្លាបុត្រក៏បានធ្វើការបំភ្លឺជូន
សាធារណជន និងស្ថាប័នមានសមត្ថកិច្ចគ្រប់ជាន់ថ្នាក់ ដើម្បីឆ្លើយតបនឹងការបំភ្លឺរបស់លោក
ស្រី ឡាយ ហួង តាមរយៈលិខិតចុះថ្ងៃទី១២ ខែ មីនា ឆ្នាំ២០១៤ ដែលបានចុះផ្សាយជាសាធារណៈ ក្នុងទំព័រសារព័ត៌មានមួយចំនួនកន្លងមក។

លោក ខូវ ផល្លាបុត្រដែលបានក្លែងឯកសារប្លន់យកទ្រព្យសម្បត្តិអតីតភរិយារបស់ខ្លួនហើយបែរជា ចោទលោក ស្រី ឡាយ ហួងជាអតីតភរិយាថាប្រើកលល្បិចបំភ័ន្ដសាធារណជន និងស្ថាប័ន
មានសមត្ថកិច្ចឲ្យមានការភ័ន្ដច្រឡំ ក្នុងបំណងទុច្ចរិតដើម្បីប្លន់យកទ្រព្យសម្បត្តិរបស់ខ្លួន​និង
ក្រុមគ្រួសារខ្លួន ដែលរៀបចំឡើងដោយ លោក ស្រីឡាយ ហួង និងគូកនទៅវិញ។

សូមអានលិខិតរបស់ ឈ្មោះ ខូវ ផល្លាបុត្រទាំងស្រុង ដូចខាងក្រោម ប៉ុន្តែលិខិតនេះត្រូវបាន
មេធាវីរបស់លោក ស្រី ឡាយ ហួង អះអាងថាអាចជាភស្តុតាងថ្មីមួយទៀតសម្រាប់ដាក់បន្ទុក
លោក ឧកញ៉ា ខូវ ផល្លាបុត្រក្នុងករណីក្លែងបន្លំឯកសារប្លន់យកទ្រព្យសម្បត្តិអតីតភរិយា។