លោក នុត ពុធដារ៉ា ត្រូវបានដកចេញពីតំណែកអភិបាលខណ្ឌ ដង្កោ ជំនួសដោយលោកស្រី គឹម ញឹប !

(ភ្នំពេញ)៖ រដ្ឋបាលខណ្ឌដង្កោ នៅរសៀលថ្ងៃទី១៦ ខែធ្នូ ឆ្នាំ២០១៩នេះ មានរៀបចំពិធី ប្រកាស ផ្លាស់ប្ដូរអភិបាលខណ្ឌថ្មី ដោយលោកស្រី គឹម ញឹប អភិបាលរងជំនួសលោក នុត ពុធដារ៉ា ដែល ត្រូវចប់អាណត្តិទី២។ ពិធីនេះត្រូវបានធ្វើឡើងក្រោមអធិបតីលោក ឃួង ស្រេង អភិបាលរាជធានី ភ្នំពេញ និងមានការចូលរួមពីអ្នកពាក់ព័ន្ធជាច្រើនទៀតផងដែរ។

នៅក្នុងពិធីនោះ ក៏មានការប្រកាសតែងតាំងអភិបាលរងខណ្ឌម្នាក់ផងដែរ គឺលោក ទុយ ច័ន្ទ។
លោក នុត ពុធដារ៉ា បានកាន់តំណែងជាអភិបាលខណ្ឌដង្កោ រយៈពេល ២អាណត្តិ ស្មើនឹង៨ឆ្នាំ មកហើយ។
ក្នុងអណត្តិរបស់លោក ក៏មានបទល្មើសជាច្រើនកើតឡើងនៅក្នុងមូលដ្ឋានដែរដូចជា ល្បែងបៀរ អាប៉ោង និងជលមាន់ជាដើម៕