សូមអរគុណ កម្ពុជាដ៏ស្រស់ស្អាតដែលទទួលយកការសំចតនាវា Westerdam
របស់ក្រុម Carnival ចូលក្នុងផែរបស់អ្នក។
សហរដ្ឋអាមេរិកនឹងចងចាំនូវអំពើល្អរបស់អ្នក!»។
ប្រមុខសេតវិមាន ក៏បាន Tag ឈ្មោះលោក Micky Arison ប្រធានក្រុមហ៊ុន Carnival Corp នៅលើសារ
Twitter របស់ខ្លួននៅថ្ងៃទី១៥ ខែកុម្ភៈ ផងដែរ។
នៅពេលទៅស្វាគមន៍ក្រុមអ្នកដំណើរផ្ទាល់នៅនាវា
Westerdam ដែលសំចតនៅខេត្តព្រះសីហនុ
កាលពីថ្ងៃទី១៤ ខែកុម្ភៈ សម្តេចនាយករដ្ឋមន្ត្រី ហ៊ុន សែន ក៏បានអះអាងផងដែរថា សម្តេចទទួលបានសំណើរពីស្ថានទូតអាមេរិកប្រចាំកម្ពុជា។
មូលហេតុដែលរដ្ឋាភិបាលសម្រេចឱ្យនាវាអាមេរិកចូលចតនេះ
ក្រោមហេតុផលថា ជួយសង្គ្រោះមនុស្សជាតិ និងបង្ហាញពីសកម្មភាពមនុស្សធម៌ ជាពិសេសលុបបំបាត់ភាពភ័យខ្លាចរបស់ពលរដ្ឋ
លើបញ្ហាជំងឺរលាកសួតដែលបង្កឡើងដោយវីរុសកូរ៉ូណាប្រភេទថ្មី
COVID-19។
មនុស្សនៅលើនាវានោះ មាន២២៥៧នាក់ ក្នុងនោះអ្នកដំណើរ១៤៥៥នាក់
មាន៤១សញ្ជាតិ និងបុគ្គលិកបម្រើការងារតាមផ្នែកលើនាវា ៨០២នាក់។ អ្នកទេសចរដែលច្រើនជាងគេមាន
អាមេរិកមាន៦៥១នាក់ កាណាដា ២៧១នាក់ អង់គ្លេស ១២៧នាក់ ហូឡង់៩១នាក់
អូស្ត្រាលី៧៩នាក់ អាល្លឺម៉ង់៥៧នាក់...។
ដោយសារតែមិនអាចធ្វើដំណើរត្រឡប់ទៅវិញតាមរយៈនាវាបាន
អ្នកដំណើរត្រូវបានរដ្ឋាភិបាលកម្ពុជា ក្រោមកិច្ចសហការជាមួយបណ្តាស្ថានទូតពាក់ព័ន្ធ
ជាពិសេសទូតអាមេរិក បានរៀបចំសម្រួលឲ្យពួគេធ្វើដំណើរចេញពីផៃព្រះសីហនុ ឆ្ពោះទៅអាកាសយានដ្ឋានកងកេង
បន្តមកអាកាសដ្ឋានអន្តរជាតិភ្នំពេញ ហើយបន្តទៅកាន់ប្រទេសកំណើតខ្លួនជាបន្តបន្ទាប់។
អ្នកដំណើរទាំងអស់ត្រូវឆ្លងកាត់ការត្រួតពិនិត្យសុខភាព ខណៈមនុស្ស២០នាក់ដែលមានអាការមិនស្រួល
ត្រូវបានវិទ្យាស្ថានប៉ាស្ទ័រ អះអាងថា មិនមានករណី COVID-19 ឡើយ។
ក្នុងសេចក្តីថ្លែងការរបស់ខ្លួន
លោក Stein Kruss អគ្គនាយកក្រុមហ៊ុន Holland
America Group និង Carnival UK អរគុណជាពិសេសដល់លោកប្រធានាធិបតីអាមេរិក
ដូណាល់ ត្រាំ សម្តេចនាយករដ្ឋមន្ត្រី ហ៊ុន សែន លោក François-Philippe
Champagne រដ្ឋមន្ត្រីការបរទេសកាណាដា និងថ្នាក់ដឹកនាំរដ្ឋាភិបាលប្រទេសផ្សេងទៀតដែលបានជួយជ្រោមជ្រែង
ចំពោះប្រតិបត្តិការដែលអនុញ្ញាតឲ្យអ្នកដំណើរបានចុះពីនាវា ក្រោយស្ថិតនៅតែលតោលលើសមុទ្រអស់រយៈពេល២សប្តាហ៍៕
0 comments:
Post a Comment